2 Pita 2:10 - Farefare Ninkaré

¹⁰ Nẽr-sɛba n dolɩ ba yɛmleego n boorɩ se'em n de tõon-dẽgrɔ, dee pɔ'ɔra Nawẽnnɛ n tarɩ nõorɛ la ba lɛ la, a wʋn sɩbgɛ la bãma gãnna. Põmpɔrŋɔ karẽnsãandõma la de la zẽk-m-mẽŋa dõma, la tɩta'alʋm dõma, ba ka zotɩ dabeem tɩ ba tʋ saazuum pãnsɩ dõma.

ZE'ELEGO PAALEGA

¹⁰ yele yele wuu sɛba en tari ba ihi tuna yaalegɔ tuunsɛ'a taaba, la sɛba en ka zoti kpe'eŋo seko woo la. Ba kpe'em mɛ, ti ba suya kãbɛ, ti ba ka zɔta ba sagum Saazuo pãkara duma yu'ura,

2 Pita 2:10 ပူးပေါင်းရင်းမြစ်များ

Aluki 11:25

La a sãn lebe ka yẽ tɩ a pɩɩsɛ mɛ malgɛ ãna sõŋa,

Aluki 19:14

La a so'olʋm na nẽrba nifo kẽ ẽ mɛ, tɩ ẽn fõrgɛ la, tɩ ba tõm tõntõnɩba tɩ ba babsɛ ẽ ka yetɩ, bãma ka boorɩ tɩ a dɛna bãma naba.

Tõoma 23:5

Tɩ a lerge yetɩ: «M sɔbiisi, mam ka mi tɩ a de la Nawẽnnɛ kãabgɔ kẽma nẽŋadãana. Se'ere n soe la, Nawẽnnɛ gõŋɔ pʋam la gʋlsɛ yetɩ: ‹Da tɔgɛ fʋ buuri nẽŋadãana be'em.› »

Aromduma 8:1

Bɛla, sɩbgrɛ ka le bɔna nẽr-sɛba n lagɩm na Azezi-krisi dɛna ayɩla la zuto.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

2 Korẽntɩ 10:3

Tõma de la nẽrsaalba, la tõma ka zɛbrɩ wʋ nẽrsaalba n ɩtɩ se'em na.

Efɛɛzɩ 4:19

Ba zuugo ka zɛɛrɩ la tõon-be'ero ɩrgɔ, ba tõnnɩ la yalsɩ, la be'em buuri wuu, ba boorɩ la tõon-dẽgrɔ mã'a.

Efɛɛzɩ 5:5

Bãŋɛ-ya sõŋa, tɩ nẽra n ɩtɩ yalsɩ, bɩɩ tõon-dẽgrɔ dãana, bɩɩ nẽr-sɛka n nõŋɛ bõnɔ zozo'e kãn yẽ sɛla sɛla Krisi, la Nawẽnnɛ so'olʋm na pʋam. La sɛka n nõŋɛ bõnɔ zozo'e ãn wʋ nẽra n kãabrɩ baga dee basɛ Nawẽnnɛ pʋ'ʋsgɔ la.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

1 Tesaloniki 4:7

Nawẽnnɛ ka looge to tɩ tɩ tõnna tõon-dẽgrɔ, a looge to tɩ tɩ welge la to'ore tara pʋpeelem.

2 Timoti 3:2

Nẽrba wʋn dɛna la nõŋ-m-mẽŋa dõma, la lig-nõŋrɩba, ba wʋn dɛna la nẽrba n wẽ'erɩ ba yõ'orɔ, la pa'al-m-mẽŋa dõma, la nẽrba n tɔgrɩ sɛla n ka ãn sõŋa, la nẽrba n ka sakrɩ ba sɔdõma la ba madõma nõorɛ, la nẽrba n ka mi yel-sõnnɛ tɩ ba ẽŋɛ ba, la nẽrba toogo n ka boe la bõn-sɛba n de Nawẽnnɛ bõnɔ,

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

Hiburuduma 13:4

Basɛ-ya tɩ pɔgdire tara nã'asgɔ, dee da basɛ tɩ dẽgrɔ tõoma bɔna mĩ, se'ere n soe la, Nawẽnnɛ wʋn di nẽr-sɛba n ɩtɩ yalsɩ, la nẽr-sɛba n tũuli la sarɩya mɛ.

2 Pita 3:3

Sɛla n gãnnɩ de la ya bãŋɛ tɩ dũnia ba'asgɔ wakatɛ, nẽrba n la'arɩ nẽrba n wʋn wa wa'am, wa vɔa vɔm sɛka n de be'em tɩ ba mẽŋa boorɩ. Ba wʋn la'ara ya,

Azudi 1:10

Nẽr-bãma tɔgrɩ la sɛla tɩ ba ka mi be'em, ba ɩtɩ la yooryooro, ba ãn wʋ dũnsi n ka tarɩ yɛm n ɩtɩ se'em na, bõn-ẽŋa n sã'anɩ ba.

Azudi 1:16

Nẽr-bãma de la nẽrba n yõnnɩ wakatɛ wuu, ba sũure ka ãn yẽlʋm la ban ãn se'em na. Ba ɩtɩ la ba mẽŋa yɛm n boorɩ se'em, tɔgra pa'al-m-mẽŋa yetɔga, dee tɔgra nẽrba nõ-yẽlʋm yetɔga tɩ ba yẽ yõorɔ.

Azudi 1:18

Ba daan yele ya yetɩ: «Dũnia ba'asgɔ wakatɛ, nẽrba n la'arɩ nẽrba n wʋn wa bɔna dɔla ba mẽŋa yɛm n boorɩ se'em, sɩ'ɩsra Nawẽnnɛ.»

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.