2 Pita 2:1 - Farefare Ninkaré

¹ Kʋrʋm kʋrʋm, nẽrba n yʋʋn boe Nawẽnnɛ nẽrba la pʋam parna tɩ bãma de la Nawẽnnɛ nõtɔ'ɔsrɩba. Bɛla, põmpɔrŋɔ karẽnsãandõma n mẽ wʋn bɔna ya pʋam. Ba wʋn ẽŋɛ la yɛm tarɩ zãsŋɔ n sẽm na sã'aŋɔ wa'am, dee wʋn sɩ'ɩsɛ Zuudãana n fãagɛ ba la, bɛla n wʋn basɛ tɩ sã'aŋɔ wa'am ba zuto tɔtɔ.

ZE'ELEGO PAALEGA

¹ Gee nɔtɔgeheba pumparenduma en yuum ihege na bɔna nɛreba la puan, wuu pumparenduma pa'aleba en wan bɔna ya puan se'em la, sɛba en wan li'ihɛ tari sageŋɔ puti'ira wa'am ya puan na. Ba wan pun ta zagehɛ ba Daana se'em en da' ba la, tari sageŋɔ wa'am ba mɛhi zuo na kalam.

2 Pita 2:1 ပူးပေါင်းရင်းမြစ်များ

Amatie 10:33

La nẽr-sɛka woo n sɩ'ɩsɛ nẽrba nẽŋam yetɩ ẽŋa ka mi mam, mam mẽ wʋn sɩ'ɩsɛ mam Sɔ Nawẽnnɛ n boe saazuum nẽŋam tɩ mam ka mi ẽ.»

Amatie 24:11

La nẽrba zozo'e wʋn isge parɩm yetɩ bãma de la Nawẽnnɛ nõtɔ'ɔsrɩba pã'asɛ nẽrba zozo'e tɩ ba tuuge.

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 24:5

Nẽrba zozo'e n wʋn dɩkɛ mam yʋ'ʋrɛ wa'am wa pã'asra ya, tɩ ba nẽra woo yetɩ: ‹Mam n de Krisi la.› La ba wʋn botɩ nẽrba zozo'e tuuge mɛ.

Amatie 7:15

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Amarkɩ 13:22

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Aluki 12:9

La nẽr-sɛka woo n sɩ'ɩsɛ nẽrba nẽŋam tɩ ẽŋa dagɩ mam nẽra, mam mẽ wʋn sɩ'ɩsɛ Nawẽnnɛ malɛkadõma nẽŋam tɩ a dagɩ mam nẽra.

Aluki 21:8

Tɩ Azezi lerge ba yetɩ: «Guuse-ya tɩ nẽra da pã'asɛ ya tɩ ya tuuge. Nẽrba zozo'e n wʋn dɩkɛ mam yʋ'ʋrɛ wa'am wa pã'asra ya, tɩ ba nẽra woo yetɩ: ‹Mam n de Krisi›, bɩɩ ba wʋn yetɩ: ‹Wakatɛ lɛm mɛ.› Da doose-ya nẽr-bãma.

Aluki 6:26

La yãma sɛba tɩ nẽrba wuu pẽgrɩ ya la, wʋn yẽ toogo. Bãŋɛ-ya tɩ ba yaabdõma mẽ yʋʋn pẽgrɩ nõtɔ'ɔs-sɛba n de põmpɔrndõma la bɛla.»

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

1 Korẽntɩ 11:19

Dẽnɩ tɩ welgre bɔna ya tẽŋasʋka, tɩ ba bãŋɛ sɛba n sɩrɩ dolɩ Nawẽnnɛ bɔkɛ.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

1 Korẽntɩ 7:23

Nawẽnnɛ da ya la toogo, bɛla da lebge-ya nẽrba yamsɩ.

Galatɩ 2:4

Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

Galatɩ 3:13

La tõma n ka ẽŋɛ lɔɔ la n yele se'em na wuu ĩyã, Nawẽnnɛ kã'a-be'ego n boe tõma zuto. La Krisi n ki dɔ-puurŋa zuo la, a dɔkɛ kã'a-be'ego la tõma zuto mɛ, tɩ ẽŋa mẽŋa sɔɔgɛ tõma zẽ'am, tɩ kã'a-be'ego la bɔna a zuugo, se'ere n soe la, la gʋlsɛ yetɩ: «Kã'a-be'ego boe nẽr-sɛka tɩ ba yulse ẽ dɔɔgɔ zuo la zuugo.»

Galatɩ 4:17

Nẽr-sɛba tɩ mam yetɩ la, ban mõrgrɩ se'em yãma ĩyã la, la dagɩ ya sõŋrɛ ĩyã. Ba boorɩ tɩ ba welge ya la mam, tɩ ya lagɩm na bãma.

Galatɩ 5:20

la baga kãabgɔ, la tɩɩm tõoma, la taaba sisga, la zɛbrɛ, la ɩta sũure la tadãana bõnɔ, la sũ-isgre, la gãŋɛ taaba, la ka-wõm-taaba, la welge taaba.

Efɛɛzɩ 1:7

La de la Krisi n ki tɩ a zɩɩm yese la ĩyã tɩ Nawẽnnɛ basɛ tõma tõon-be'ero taalɛ, tɩ tõma yẽ fãarɛ, tɩ la masɛ wʋ Nawẽnnɛ yel-sõnnɛ n zo'oge pãɩ se'em na.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Filipi 3:19

Nẽr-bãma n boorɩ se'em na n de ba wẽnnɛ, ba ba'asgɔ de la sã'aŋɔ. Ba dɩkrɩ la sɛla n de ba yãnnɛ wẽ'era ba yõ'orɔ, ba tẽ'esrɩ la sɛla n de dũnia bõnɔ mã'a yelle.

Kolɔsɩ 2:18

Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Kolɔsɩ 2:8

Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

1 Timoti 5:8

Nẽra sãn ka bɩsra a yir-dõma yelle, lan gãnnɩ a dee-dõma yelle, ẽŋa dãana zagsɛ sɛla tɩ tɩ bɔ sɩra la mɛ, la a de la tõon-be'ero dãana gãnna sɛka n ka dolɩ Nawẽnnɛ na.

2 Timoti 4:3

Se'ere n soe la, wakatɛ n sẽm tɩ nẽrba kãn le bɔɔra tɩ ba selse sɩra zãsŋɔ la, ba wʋn dɔla la ba mẽŋa yɛm n boorɩ se'em, bɛla ba wʋn ɛɛra la karẽnsãandõma zozo'e n wʋn zãsʋm ba sɛla tɩ ba nõŋɛ tɩ ba selse mã'a.

Taitusi 1:11

La masɛ tɩ fʋ gu ba tɩ ba da tɔgra bɛla, tɩ ba zãsnɩ nẽrba la sɛla n ka masɛ, wã'ara nẽrba basɛba yiɛ, ba zãsnɩ sɛla n ka masɛ ɛɛra la bõntarsõm.

Taitusi 3:10

Nẽra sãn tara welgre sẽnna, fʋ kã'an ẽ nõorɛ ayi, tɩ a sãn ken zagsɛ, fʋ basɛ ẽ, la ya da le tara yetɔga la ẽ.

Hiburuduma 10:29

La sãn dɛna bɛla, nẽr-sɛka n kɛsɛ Nawẽnnɛ Dayʋa la, kãn yẽ sɩbgrɛ n de be'em halɩ gãnna bɛla bɩɩ? Nẽr-ẽŋa bɩsɛ Azezi zɩɩm na tɩ Nawẽnnɛ bĩŋe a nõorɛ a ĩyã la zãŋa. La, la de la zɩɩm ẽŋa tɩ Nawẽnnɛ dɩkɛ botɩ nẽra la welge to'ore dɛna Nawẽnnɛ nẽra. Ẽŋa dãana ken pɔ'ɔgɛ Nawẽnnɛ Sɩa n de yel-sõnnɛ dãana la mɛ.

1 Pita 1:8

Yãma nãn ka yẽ ẽ, dee nõŋɛ ẽ, ya nãn ka yẽtɩ ẽ, dee bɔ ẽ sɩra, bɛla tɩ ya ɩta sũ-yẽlga zozo'e n ka tã wʋn pa'alɛ.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

1 Zã 2:26

La de la nẽr-sɛba n zɩgrɩ tɩ ba pã'asɛ ya tɩ ya tuuge la yelle tɩ mam gʋlsɛ wãna bɔ'ɔra ya.

1 Zã 4:1

M sɩr-nõŋrɩsɩ, da bɔ-ya nẽr-sɛba wuu n yetɩ bãma tarɩ la Nawẽnnɛ Sɩa la sɩra, magɛ-ya ba bɩsɛ la sãn dɛna Nawẽnnɛ Sɩa. Se'ere n soe la, põmpɔrŋɔ nõtɔ'ɔsrɩba zozo'e n boe dũnia wã zuo.

Azudi 1:18

Ba daan yele ya yetɩ: «Dũnia ba'asgɔ wakatɛ, nẽrba n la'arɩ nẽrba n wʋn wa bɔna dɔla ba mẽŋa yɛm n boorɩ se'em, sɩ'ɩsra Nawẽnnɛ.»

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.

Lilegere 13:14

Bõn-yãlma la tɩ a ẽŋɛ pɔspɔsɩ dũŋa la nifum na, botɩ a pã'asɛ dũnia nẽrba mɛ. A yele ba tɩ ba mãalɛ bõnɔ tɩ a ãna wʋ dũŋa la tɩ ba pɔglʋm na sʋ'a tɩ a vɔa la.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.

Lilegere 3:8

‹Mam mi ya tõoma mɛ, mam mi tɩ ya pãŋa ka zo'oge, la baa la bɛla, ya sakɛ mam yetɔga la mɛ, la ya ka sɩ'ɩsɛ tɩ yãma ka mi mam. Mam yo'oge la sore bɔ ya, la nẽra nẽra kãn yãŋɛ yʋ ẽ.

Lilegere 5:9

Ba daan yõonɩ la yõom-paalɛ yetɩ: «Fõn masɛ tɩ fʋ to'oge gõŋɔ la lakɛ bõnɔ na n tabɛ la. Se'ere n soe la, ba daan kʋ fõn mɛ, tɩ fõn dɩkɛ fʋ zɩɩm na yɔ to'oge nẽrsaalba buuri wuu, la yetɔga buuri wuu, la tẽnsɩ wuu nẽrba, la so'olʋm wuu nẽrba bɔ Nawẽnnɛ.

Lilegere 6:10

Tɩ ba tɔgra ke'enke'em yetɩ: «Zuudãana n gãnnɩ wuu n ãn sõŋa, n de sɩra dãana, fõn wʋn yuuge paagɛ la wãne dee di dũnia nẽrba sarɩya sɩbgɛ ba, ban kʋ tõma la ĩyã?»