2 Pita 1:8 - Farefare Ninkaré

⁸ Se'ere n soe la, ya sãn ɩta bõn-bãna wã zozo'e, ba wʋn basɛ tɩ ya tõm Nawẽnnɛ tõoma, dee bãŋɛ tɩ Zuudãana Azezi-krisi pa'asɛ.

ZE'ELEGO PAALEGA

⁸ Yele ana han sirum bɔna ya puan, gee malum pa'aha ya puan, la wan gu', ti ya ka tara tɔregɔ, gee gu' sɛla en wan bahɛ ti ya kan wuna yan mi' tu Daana Yezu Kiresta la.

2 Pita 1:8 ပူးပေါင်းရင်းမြစ်များ

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Amatie 20:3

Tɩ wʋntɛɛŋa bɩ fẽe, tɩ a le yese yẽ nẽrba basɛba n ze da'am ka tõnna,

Amatie 20:6

Tɩ a le yese wẽnnɛ n we'esɩ lua, le yẽ nẽrba basɛba n ze, tɩ a soke ba yetɩ: ‹Bẽm ĩyã tɩ yãma zɛ kalam daarɛ la wuu pʋam ka ɩta sɛla sɛla?›

Amatie 25:26

Tɩ a zuudãana la yele ẽ yetɩ: ‹Tõntõn-be'ego wã, fʋ de la zẽyãka. Fõn mi tɩ mam lagsrɩ la bõnkɔɔla sɛba tɩ mam ka bʋrɛ, dee vaara bõn-sɛba tɩ mam ka yɛrgɛ la,

Azã 15:2

Wil-sɛka n puse mam zuo dee ka wɔnna biɛ, a wãarɩ ẽ mɛ basra. La wil-sɛka woo n wɔnnɩ biɛ, a yorsrɩ ẽ mɛ tɩ a ãna sõŋa malɩn wɔnna biɛ zɔ'ɔra.

Azã 17:3

La vɔm n ka ba'asrɩ la de la ba bãŋɛ fõn, fʋ yɩla mã'a n de Sɩra Dãana Nawẽnnɛ na, la ba bãŋɛ mam Azezi-krisi tɩ fʋ tõm na.

Azã 5:42

La mam mi ya, mam mi tɩ ya ka nõŋɛ Nawẽnnɛ.

Aromduma 12:11

Wɩsgɛ-ya ya mẽŋa, da zɔta-ya zẽyãgrɛ. Tõnna-ya Nawẽnnɛ tõoma la ya sũure wuu.

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

2 Korẽntɩ 13:5

Vẽesɛ-ya ya mẽŋa bɩsɛ ya sãn bɔna Krisi sore la zuo. Ya mẽŋa geele bɩsɛ, yãma ka mi tɩ Krisi boe la yãma mɛ? Sãn dagɩ nɩ bɛla, ya koŋe mɛ.

2 Korẽntɩ 8:2

Ba yẽ toogo mɛ nãmsɛ zozo'e, la ba tarɩ sũ-yẽlga zo'oge mɛ, tɩ baa la ba nõŋɔ la n zo'oge la, ba bɔ sõŋrɛ zo'oge mɛ la ba sũure wuu.

2 Korẽntɩ 8:7

Yãma mõrgɛ sɛla woo pʋam mɛ: Yãma bɔ Krisi sɩra zo'oge mɛ, tãna tɔgra Nawẽnnɛ yelle sõŋa, tara Nawẽnnɛ mi'ilum zo'oge, wɩsgɛ ya mẽŋa sɛla woo pʋam, la yãma tarɩ tõma nõŋlʋm zo'oge mɛ. Bɛla, mõrgɛ-ya la sõŋrɛ tõon-ẽŋa mẽ tõonɛ.

2 Korẽntɩ 9:14

Ba wʋn nõŋɛ ya mɛ pʋ'ʋsra Nawẽnnɛ ya ĩyã, ẽŋa n ẽŋɛ ya yel-sõnnɛ zozo'e la ĩyã.

Filipi 1:9

La mam n sosrɩ Nawẽnnɛ bõn-sɛka de la ya nõŋlʋm wʋn pa'asra daarɛ woo, la bãŋrɛ, la yɛm vẽlgrɛ,

Filipi 2:5

Tara-ya pʋtẽ'e-sɛka tɩ Azezi-krisi daan tarɩ la.

Filipi 3:8

Mam n bãŋɛ Azezi-krisi n de m Zuudãana n ãn sõŋa gãnna wuu la, mam bɩsɛ bõn-bãma wuu wʋ sɛla n ka tarɩ yõorɔ. Krisi ĩyã mam basɛ bõn-bãma mɛ, bɩsɛ ba wʋ sɔgrɔ tɩ m tã'agɛ yẽ Krisi,

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 2:7

zɛ kãŋkãŋɛ wʋ tɩa yẽga n kẽ tẽŋa zɛ kãŋkãŋɛ se'em na, ken bɔ-ya sɩra la ya sũure wuu wʋ ban zãsʋm ya se'em na, la ya pʋ'ʋsra Nawẽnnɛ a yel-sõnnɛ zozo'e.

Kolɔsɩ 3:16

Basɛ-ya tɩ Krisi yetɔga la bɔna la ya lɛ sõŋa sõŋa. Tɩ ya tara yɛm zozo'e zãsna taaba, dee kã'ana taaba. Yõona-ya Nawẽnnɛ yõoma, yõona-ya yõom-sõma buuri wuu tɩ Nawẽnnɛ Sɩa bɔ ya la ya sũure wuu, pʋ'ʋsra Nawẽnnɛ a yel-sõnnɛ.

1 Tesaloniki 3:12

Tɩ Zuudãana wʋn basɛ tɩ ya nõŋlʋm taaba ĩyã, la ya nõŋlʋm nẽrba wuu ĩyã pa'asra zozo'e wʋ tõma n nõŋɛ ya se'em na.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

2 Tesaloniki 1:3

M sɔbiisi, tõma masɛ mɛ tɩ tɩ pʋ'ʋsra Nawẽnnɛ daarɛ woo a yel-sõnnɛ yãma ĩyã. La ãn sõŋa mɛ tɩ tõma ɩta bɛla, se'ere n soe la, yãma n bɔ Azezi sɩra la sẽnnɩ nẽŋa mɛ zozo'e, tɩ yãma nẽra woo nõŋlʋm taaba ĩyã pa'asra.

1 Timoti 5:13

Sɛla n pa'asɛ, ba sãn gʋlsɛ ba, ba wʋn lebge la zẽyãgsɩ ɛɛra kaara yiɛ, la, la dagɩ bɛla mã'a, ba wʋn lebge la yetɔg-tɔgsrɩba kẽ'era nẽrba yɛla pʋam, dee tɔgra yetɔg-sɛba n ka narɩ ba tɔgɛ.

Taitusi 3:14

Tõma nẽrba la masɛ mɛ tɩ ba zãsʋm tõnna tõon-sõma tɩ la sõŋɛ sɛba n boorɩ sõŋrɛ la, dee da vɔa vɔm n ka tarɩ yõorɔ.

Afilmõ 1:6

Mam sosrɩ Nawẽnnɛ tɩ fõn lagɩm na tõma bɔ Azezi-krisi sɩra la wʋn sẽnna nẽŋa, a wʋn basɛ tɩ fʋ bãŋɛ bõn-sõma sɛba wuu tɩ tɩ tarɩ Krisi doosgo pʋam.

Hiburuduma 6:12

Tõma ka boorɩ tɩ ya tara zẽyãgrɛ, ɩta-ya wʋ nẽr-sɛba n bɔ Nawẽnnɛ sɩra, mõrgɛ sẽŋɛ nẽŋa yẽ sɛla tɩ Nawẽnnɛ bĩŋe nõorɛ tɩ a bɔ a nẽrba la.

2 Pita 1:2

Yãma n bãŋɛ Nawẽnnɛ, la tɩ Zuudãana Azezi la, Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

2 Pita 1:3

Azezi n tarɩ Nawẽnnɛ pãŋa la n botɩ tɩ bãŋɛ Nawẽnnɛ n wi tõma tɩ tɩ po yẽ a na'am pãŋa, la a sõŋa. Bɛla tɩ a bɔ tɔ bõn-sɛba wuu n wʋn basɛ tɩ tɩ vɔa vɔm sɛka n dolɩ a sore.

2 Pita 2:20

Nẽr-sɛba n bãŋɛ Azezi-krisi n de tɩ Zuudãana, la tɩ Fãagra la, ba basɛ dũnia tõon-dẽgrɔ mɛ. Ba sãn le kẽ ba pʋam basɛ tɩ ba sɔna ba, ba poorʋm toogo la wʋn gãnna pɔspɔsɩ la.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.