2 Pita 1:5 - Farefare Ninkaré

⁵ Bɛla, nargɛ-ya pãŋa, tɩ ya bɔ sɩra la pʋam, ɩr-sõŋɔ pa'asɛ, tɩ ɩr-sõŋɔ la pʋam, bãŋrɛ pa'asɛ,

ZE'ELEGO PAALEGA

⁵ Putɛ'dina zuo la, kpeŋe ya mɛŋa sadɔɔ seko woo puan, la ya tiregɛ ya sakerɛ la, la tunsuma. Ti tuunsuma la puan, mi'ilum pa'ahɛ bini,

2 Pita 1:5 ပူးပေါင်းရင်းမြစ်များ

Aluki 16:26

La bõn-sɛka n pa'asɛ, bog-ko'ogo n beŋe tõma la yãma, tɩ nẽra sãn bɔɔra tɩ a ze'ele kalam sẽŋɛ yãma zẽ'am, a kãn tã'agɛ. La nẽra mẽ sãn bɔɔra tɩ a ze'ele yãma zẽ'am wa'am tõma zẽ'am, a kãn tã'agɛ.›

Aluki 24:21

La tõma daan tarɩ pʋtẽ'erɛ tɩ la de la ẽŋa n wʋn fãagɛ Ɩsrayɛlɩ dõma la. La zĩna de la dabsa atã n wãna tɩ yel-ẽna wã ẽŋɛ.

Azã 6:27

Da tõnna-ya dia n wʋn sã'am ĩyã, tõnna-ya di-sɛba n bɔ'ɔrɩ vɔm n ka ba'asrɩ ĩyã, Nẽrsaala Dayʋa n wʋn bɔ ya vɔm ẽŋa. Se'ere n soe la, la de la ẽŋa tɩ Nawẽnnɛ n de Sɔ la bɔ ẽ a nõorɛ.»

1 Korẽntɩ 14:20

M sɔbiisi, da ãna-ya wʋ kɔma n tẽ'esrɩ se'em na. La, la sãn dɛna be'em ɩrgɔ yelle, ãna-ya wʋ kɔm-pɩgsɩ n ka ɩtɩ be'em na. La ya tẽ'esgɔ pʋam, ãna-ya wʋ bõnkɛgsɩ la.

Efɛɛzɩ 5:17

Bɛla ĩyã, da dɛna-ya geto, bãŋɛ-ya Zuudãana la n boorɩ se'em.

Filipi 1:9

La mam n sosrɩ Nawẽnnɛ bõn-sɛka de la ya nõŋlʋm wʋn pa'asra daarɛ woo, la bãŋrɛ, la yɛm vẽlgrɛ,

Filipi 2:12

Bɛla, m sɩr-nõŋrɩsɩ, mam n daan boe la ya lɛ la, ya daan sakrɩ mɛ wakatɛ wuu, la mam n ka boe ya zẽ'am wã, ken ɩta-ya gãnna bɛla. Tõnna-ya fãarɛ la tõoma sõŋa sõŋa la Nawẽnnɛ zʋa.

Filipi 4:8

M sɔbiisi, sɛla n deege, basɛ-ya tɩ ya pʋtẽ'era tẽ'esra sɛla woo n de sɩra, la sɛla woo n narɩ nã'asgɔ, la sɛla woo n masɛ, la sɛla woo n tarɩ pʋpeelem, la sɛla woo n ɩtɩ sũure yẽlʋm, la sɛla woo tɩ nẽrba yetɩ la ãn sõŋa, tẽ'esra-ya bõn-sɛba wuu n ãn sõŋa masɛ pẽka yelle.

Kolɔsɩ 1:9

Bɛla tɩ lan sẽŋɛ la daar-sɛka tɩ tõma wõm yãma yelle la, tɩ tõma pʋ'ʋsra Nawẽnnɛ yãma ĩyã wa paam lɛɛlɛ wã. Tõma sosrɩ ẽ tɩ a botɩ ya bãŋɛ ẽŋa n boorɩ se'em sõŋa sõŋa, la ya tara yɛm, la bãŋrɛ wuu tɩ Nawẽnnɛ Sɩa bɔ'ɔrɩ.

Kolɔsɩ 2:3

La de la ẽŋa n tarɩ yɛm la bãŋrɛ wuu n sʋgɛ n tarɩ yõorɔ zozo'e.

Hiburuduma 11:6

Nẽra sãn ka bɔ Nawẽnnɛ sɩra, a ka tã wʋn paagɛ a yɛm. Nẽra sãn lɛnna Nawẽnnɛ zẽ'am, dẽnɩ tɩ a bɔ sɩra tɩ a boe mɛ, la a yɔɔrɩ sɛba n eerɩ ẽ mɛ.

Hiburuduma 12:15

Guuse-ya tɩ ya nẽra nẽra da wa mõŋɛ a mẽŋa Nawẽnnɛ yel-sõnnɛ, ken guuse-ya tɩ nẽr-sɛka da ãna wʋ yẽg-toogo n puse ya tẽŋasʋka, wʋn basɛ tɩ toogo la loŋe nẽrba zozo'e sã'am ba.

Hiburuduma 6:11

Bɛla tõma n boorɩ se'em de la ya nẽra woo keŋe a mẽŋa bɛla, sẽnna nẽŋa ka paagɛ ba'asgɔ, yẽ bõn-sɛba tɩ a tarɩ pʋtẽ'erɛ gu'ura la.

1 Pita 3:7

Bɛla mẽ, yãma sɛba n de sɩrba la, bɔna-ya la ya pɔgba la lɛ, la wõm taaba, la ya bãŋɛ tɩ ba ka tarɩ pãŋa wʋ yãma la, la ya nanna ba, tɩ bãma la yãma n wʋn lagɩm to'oge Nawẽnnɛ yel-sõnnɛ n de vɔm. Ɩta-ya bɛla tɩ sɛla da gu ya pʋ'ʋsgɔ.

2 Pita 1:10

Bɛla m sɔbiisi, mõrgɛ ya mẽŋa ze'ele kãŋkãŋɛ Nawẽnnɛ n wi ya, la ẽn looge ya la pʋam. Ya sãn ẽŋɛ bɛla, ya kãn bʋrgɛ dee basɛ Nawẽnnɛ sore.

2 Pita 1:11

La de la bɛla tɩ ya wʋn yẽ sore sõŋa kẽ Azezi-krisi n de tɩ Zuudãana, la tɩ Fãagra la so'olʋm n boe wakatɛ n ka ba'asrɩ la pʋam.

2 Pita 3:14

Bɛla, m sɩr-nõŋrɩsɩ, yãma n gu'uri bɛla la, nargɛ-ya pãŋa ãna sõŋa, tɩ ya da tara dõrga Nawẽnnɛ nifum, tɩ ya wʋn bɔna la ẽ la sũ-mã'asʋm.

2 Pita 3:18

Sẽŋɛ-ya nẽŋa vɔa Azezi-krisi n de tɩ Zuudãana la tɩ Fãagra la yel-sõnnɛ pʋam, bãŋra ẽ pa'asra. Ẽŋa n soe na'am pãŋa lɛɛlɛ wã, la wakatɛ n ka ba'asrɩ. Amina.