2 Pita 1:4 - Farefare Ninkaré

⁴ La de la bɛla tɩ a bɔ tɔ bɔ'a sɛba n ãn sõŋa gãnna wuu tɩ a bĩŋe nõorɛ tɩ a bɔ tɔ la. Tɩ bõn-bãma ĩyã ya wʋn tã'agɛ lɔkɛ be'em yɛmleego n boe dũnia zuo sã'ana nẽrba la, dee lebge ãna wʋ Nawẽnnɛ n ãn se'em na.

ZE'ELEGO PAALEGA

⁴ Bala ti a doohe yele ana wa puan, bo' tu a tuulum nɔbiŋe kãra la, ti bamam puan, ya wan ta'am piiɛ ŋmɛlema sɛ'a en boi timpaberɛ wa zuo, kunkoma'ahum zuo la, gee tugum lagum tara a sia puan naanɛ la.

2 Pita 1:4 ပူးပေါင်းရင်းမြစ်များ

Aromduma 9:4

Ba de la Ɩsrayɛlɩ dõma, la de la Nawẽnnɛ n looge ba, botɩ ba lebge a kɔma, bɔ ba nã'asgɔ, bĩŋe nõa la ba lɛ, bɔ ba lɔɔ, la sore tɩ ba nã'asra ẽ, dee yele ba ẽŋa n wʋn ẽŋɛ bõn-sɛba bɔ ba.

2 Korẽntɩ 1:20

Nawẽnnɛ n bĩŋe nõorɛ tɩ a ẽŋɛ sɛla wuu la, Azezi-krisi n yetɩ «ẽe», ẽŋa wʋn ẽŋɛ. Bɛla, la de la Azezi-krisi ĩyã tɩ tõma yɛta tɩ: «Amina!» tɩ la dɛna Nawẽnnɛ nã'asgɔ.

2 Korẽntɩ 3:18

Tõma wuu n dolɩ Zuudãana Azezi la, tãnnɛ na pilge mɛ, tɩ tõma nẽnsɩ yẽgra la Zuudãana na'am pãŋa. Tɩ Zuudãana Sɩa tɛɛra tõma, tɩ tõma ãna wʋ ẽŋa n ãn se'em na, tɩ na'am pãŋa la pa'asra zɔ'ɔra.

2 Korẽntɩ 6:17

Bɛla n soe tɩ Zuudãana Nawẽnnɛ yetɩ: «Yese-ya ba pʋam, welge-ya ya mẽŋa dee basɛ ba. La ya da kalʋm sɛla n de dẽgrɔ, tɩ mam wʋn to'oge ya.

Galatɩ 3:16

Nawẽnnɛ yʋʋn bĩŋe nõorɛ bɔ la Abraham, la a yɩɩŋa. La ka gʋlsɛ yetɩ, a bĩŋe a nõorɛ bɔ la a yɩɩsɩ, wʋ la de la nẽrba zozo'e. La yetɩ, a yɩɩŋa, la de la nẽra ayɩla mã'a. Nẽr-ẽŋa de la Krisi.

Galatɩ 6:8

Nẽr-sɛka n ɩtɩ sɛla tɩ a mẽŋa yɛmleego boorɩ, a wʋn yẽ a yɛmleego yõorɔ n de kũm. La sɛka n ɩtɩ sɛla tɩ Nawẽnnɛ Sɩa boorɩ la, a wʋn yẽ Nawẽnnɛ Sɩa n bɔ'ɔrɩ sɛla n de vɔm n ka ba'asrɩ.

Efɛɛzɩ 4:13

halɩ tɩ tɩ wʋn wa lagɩm taaba bɔ sɩra dɛna ayɩla, bãŋɛ Nawẽnnɛ Dayʋa la, lebge nẽrba n bɩ ba'asɛ paagɛ wʋ Krisi n masɛ sɛla woo pʋam se'em na.

Kolɔsɩ 3:10

dee teege tara ãsʋm paalga. La de la Nawẽnnɛ n botɩ ya teege tara ãsʋm ẽŋa, dee malgra ẽ tɩ a ãna wʋ a mẽŋa la, tɩ ya wʋn tã'agɛ bãŋra ẽŋa sõŋa sõŋa pa'asra.

Hiburuduma 12:10

Tɩ sɔdõma la daan sɩbgrɩ tɩ la wakatɛ fẽfẽe ĩyã wʋ bãma mẽŋa n tẽ'esɛ se'em na. La Nawẽnnɛ sɩbgrɩ tɩ la tõma mẽŋa sõŋrɛ ĩyã, tɩ a botɩ tɩ welge to'ore dɛna pʋpeelem dõma wʋ ẽŋa la.

Hiburuduma 9:15

La de la bɛla ĩyã tɩ Nawẽnnɛ bĩŋe nõor-paalga ẽŋa ĩyã. Ẽn ki la ĩyã, a yɔ fãagɛ nẽr-sɛba n tuuge pɔspɔsɩ nõorɛ bĩŋre la pʋam mɛ, tɩ Nawẽnnɛ n wi ba la, ba wʋn to'oge bõn-sõma tɩ a bĩŋe nõorɛ tɩ a bɔ a nẽrba la wakatɛ n ka ba'asrɩ ĩyã.

Yemesi 1:27

Tɩ Sɔ Nawẽnnɛ n boorɩ tɩ tɩ dɔla ẽ se'em tɩ la ãna sõŋa ka tara dẽgrɔ n wãna: La de la fʋ bɩsɛ kɩɩbsɩ la pɔkõpa yelle ba nãmsgɔ pʋam, la fʋ guuse fʋ mẽŋa la dũnia wã tõon-dẽgrɔ.

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

2 Pita 3:13

Tõma gu'uri la saazuum paalga, la dũnia paalga tɩ sɛla woo masɛ ãna sõŋa, wʋ ẽn bĩŋe a nõorɛ se'em na.

2 Pita 3:9

Zuudãana la n bĩŋe a nõorɛ tɩ a ẽŋɛ sɛla la, la ka yuuri tɩ a kãn ẽŋɛ wʋ nẽrba basɛba n tẽ'esrɩ se'em na. A mã'agɛ la a sũure la ya, a ka boorɩ tɩ nẽra nẽra sã'am, a boorɩ tɩ nẽra woo n teege yɛm basɛ tõon-be'ero.

1 Zã 2:25

Krisi n bĩŋe nõorɛ tɩ a bɔ tɩ sɛla n wãna: La de la vɔm n ka ba'asrɩ.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.