2 Pita 1:16 - Farefare Ninkaré

¹⁶ Tõma n tɔgɛ tɩ Zuudãana Azezi-krisi pãŋa, la a wa'aŋɔ la yelle la, la dagɩ sɔlma tɩ nẽrsaalba tẽ'esɛ nãam la ba mẽŋa yɛm. Tõma sɩrɩ yẽ a na'am pãŋa n zo'oge se'em mɛ la tɩ nini.

ZE'ELEGO PAALEGA

¹⁶ Tumam ka yeen kɔ'ɔm dɔla la pumpɔreŋɔ kãra sɔlema, tumam en bahɛ ti ya baŋɛ tu Daana Yezu Kiresta paŋa, la a lɛbega na la, gee tumam dela aze'nyɛduma bo' a pankãtɛ la.

2 Pita 1:16 ပူးပေါင်းရင်းမြစ်များ

Amatie 16:27

Nẽrsaala Dayʋa la wʋn leme wa'am mɛ la a Sɔ Nawẽnnɛ na'am pãŋa, la a malɛkadõma. La wakat-ẽŋa a wʋn yɔ nẽra woo masɛ la a tõonɛ.

Amatie 16:28

Mam yetɩ ya la sɩra, tɩ nẽr-sɛba n ze kalam wã basɛba kãn ki, sãn dagna tɩ ba wa yẽ la Nẽrsaala Dayʋa la n sẽm, la a na'am.»

Amatie 17:1

Dabsa ayoobɩ n daan tole, tɩ Azezi botɩ Apɩyɛɛrɩ, la Azakɩ, la a yɩbga Azã doose ẽ sẽŋɛ kẽnkɛrŋa ka zom tãn-kãtɛ zuo.

Amatie 24:27

Nẽrsaala Dayʋa la lemŋo wʋn ãna wʋ saaga n ẽn yãkɛ dapoore bɔba nẽegɛ ka paagɛ zanõa bɔba la.

Amatie 24:3

La a daan sẽŋɛ ka zẽa la Oliivi tãŋa zuo, tɩ a karẽnbiisi la mã'a sẽŋɛ a zẽ'am ka yele ẽ yetɩ: «Yele to wakat-sɛka tɩ bõn-bãma wuu wʋn ẽŋɛ, la sɛla n wʋn pa'alɛ fõn lemŋo, la dũnia ba'asgɔ wakatɛ.»

Amatie 28:18

Tɩ Azezi lɛm ba, yele ba yetɩ: «Nawẽnnɛ bɔ mam pãŋa wuu n boe saazuum, la tẽŋa wã zuo mɛ.

Amarkɩ 13:26

La ba wʋn yẽ Nẽrsaala Dayʋa la n boe sawara pʋam sẽna la pãn-kãtɛ, tɩ a na'am pãŋa peelem nẽegɛ.

Amarkɩ 14:62

Tɩ Azezi lerge yetɩ: «Ẽe, mam de la ẽŋa. La ya wʋn yẽ Nẽrsaala Dayʋa la tɩ a zĩ Nawẽnnɛ n de pãŋa dãana la zʋʋgɔ bɔba, ya wʋn yẽ tɩ a boe sawara pʋam sẽna.»

Aluki 1:2

Ba gʋlsɛ yel-bãma wuu wʋ nẽrba basɛba n daan yẽ yɛla la wuu halɩ ba pĩ'iluŋo, dee mõolɛ kõ-yẽlga la tɔgɛ pa'alɛ tɩ tõma wõm se'em na.

Aluki 9:43

La nẽrba la wuu n yẽ Nawẽnnɛ pãn-kãtɛ la, la di'ige ba mɛ. Nẽrba la wuu daan ken ze la yɛrɩ la bõn-sɛba wuu tɩ Azezi ẽŋɛ la. Tɩ Azezi yele a karẽnbiisi la yetɩ:

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 17:2

La de la fõn bɔ mam nõorɛ tɩ m sɔna nẽrsaalba wuu, dee bɔ sɛba tɩ fõn bɔ mam na wuu vɔm n ka ba'asrɩ.

Aromduma 1:4

La Nawẽnnɛ Sɩa la boe a zẽ'am mɛ la pãŋa, pa'alɛ tɩ a de la Nawẽnnɛ Dayʋa, ẽŋa n ki dee vo'oge la.

1 Korẽntɩ 1:17

Krisi ka tõm mam tɩ m mise nẽrba ko'om pʋam, a tõm mam tɩ m mõolɛ la Nawẽnnɛ kõ-yẽlga bɔ nẽrba, la, la dagɩ la nẽrsaalba yɛm, tɩ la da basɛ tɩ Krisi n ki kũm dɔ-puurŋa zuo la pãŋa la lebge zãŋa.

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

1 Korẽntɩ 2:1

M sɔbiisi, mam n daan wa'am ya zẽ'am wa mõolɛ Nawẽnnɛ kõ-yẽlga n sʋgɛ bɔ ya la, la dagɩ la yetɔg-mi'ilum, bɩɩ nẽrsaalba yɛm tɩ mam mõolɛ bɔ ya.

1 Korẽntɩ 2:4

Mam n daan mõolɛ dee zãsʋm kõ-yẽlga la, la daan dagɩ la nẽrsaalba yɛm yetɔga tɩ mam daan tɔgɛ bɔ ya tɩ ya sakɛ, mam daan tɔgɛ mɛ, tɩ Nawẽnnɛ Sɩa pa'alɛ a pãŋa,

1 Korẽntɩ 5:4

yele la Zuudãana Azezi yʋ'ʋrɛ yetɩ: Yãma n lagsɛ la taaba, tɩ mam pʋtẽ'erɛ bɔna la yãma, tɩ Zuudãana Azezi pãŋa bɔna la ya lɛ la,

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

2 Korẽntɩ 4:2

Tõma zagsɛ mɛ ka tõnna tõon-sɛba wuu n sʋgɛ n de yãnnɛ tõoma la, tõma ka ɩtɩ yɛm pã'asra nẽrba. La tõma ka teerɩ Nawẽnnɛ yetɔga. Tõma tɔgrɩ pa'ala la sɩra vẽelga vẽelga, tɩ nẽrba sũure n mi se'em na wʋn bãŋɛ tɩ tõma ɩtɩ sɛla n ãn sõŋa Nawẽnnɛ nifum.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Filipi 3:21

A sãn wa'am, a wʋn teege tõma ĩyã wã n põ'orɩ la mɛ, tɩ a ãna wʋ a mẽŋa ĩyã n tarɩ nã'asgɔ la. A wʋn dɩkɛ la a pãn-kãtɛ sɛka tɩ a tarɩ botɩ sɛla woo sakra a nõorɛ la, ẽŋɛ bɛla.

1 Tesaloniki 2:19

La de la yãma tɩ tõma tarɩ pʋtẽ'erɛ gu'ura, yãma n wʋn bɔ tõma sũ-yẽlga, la de la yãma n wʋn botɩ tõma yẽ nã'asgɔ tõma Zuudãana Azezi nẽŋam a lemŋo daarɛ.

2 Tesaloniki 2:9

La sãn dɛna tõon-be'ero dãana la n wʋn wa'am na, a wʋn tara la Asũtãana pãŋa ɩta bõn-yãlma la yel-kɩrsɩ, la yɛla buuri zozo'e n de pã'asgɔ.

1 Timoti 1:4

Yele ba tɩ ba basɛ kʋrʋm kʋrʋm dõma sɔlma, la yaabdõma deto kãalgɔ n ka tarɩ ba'asgɔ. Bõn-bãma tarɩ la nõke'ene sẽna, dee ka sõŋra tɩ Nawẽnnɛ tõoma sẽnna nẽŋa. Nẽrba n bɔ Nawẽnnɛ sɩra n botɩ a tõoma la sẽnna nẽŋa.

1 Timoti 4:7

Zãagɛ fʋ mẽŋa la sɔlma n ka tarɩ võorɛ, dee keŋe fʋ mẽŋa dɔla Nawẽnnɛ sõŋa.

Taitusi 1:14

Yele ba tɩ ba basɛ Zifdõma sɔlma, la bõn-sɛba tɩ nẽrba zagsɛ sɩra dee bɔ nõorɛ tɩ ba ɩta la.

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

1 Zã 4:14

La tõma yẽ mɛ, tɩ tõma tɔgra yetɩ, Nawẽnnɛ n de Sɔ la tõm na a Dayʋa, tɩ a dɛna dũnia Fãagra.

Azudi 1:14

La po dɛna la nẽr-bãma yelle tɩ A'enõkɩ n de tɩ yaaba bʋyopɔɩ dãana lan pɔsɛ la Adam na, yʋʋn to'oge Nawẽnnɛ yetɔga tɔgɛ yetɩ: «Bɩsɛ-ya, Zuudãana Nawẽnnɛ sẽm mɛ la a malɛkadõma tʋsa tʋsa

Lilegere 1:7

Bɩsɛ-ya, a boe la sawara pʋam sẽna. Nẽrsaalba wuu wʋn yẽ ẽ, baa la nẽr-sɛba n daan lʋ ẽ na. Buuri wuu nẽrba n boe dũnia wʋn kɛlla mɛ fabla a yelle. Ẽe, la de la bɛla. Amina.