အွန်လိုင်း သမ္မာကျမ်းစာ

« အရင်

နောက်တစ်ခု »

2 Pita 1:1 - Farefare Ninkaré

¹ Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

အခန်းကိုကြည့်ပါ။ ကော်ပီ

ZE'ELEGO PAALEGA

¹ Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

2 Pita 1:1
40 ပူးပေါင်းရင်းမြစ်များ

Amatie 10:2

Karẽnbiisi pia la ayi la tɩ a looge tɩ a tõm na yʋ'ʋra n wãna: Pɔspɔsɩ dãana de la Asimõ tɩ ba wi'iri tɩ Apɩyɛɛrɩ, la a yɩbga A'ãndre, la Azebede dayɔɔsɩ Azakɩ la a yɩbga Azã,

အခန်းကိုကြည့်ပါ။

Amatie 4:18

Azezi daan eerɩ la Galile mõgrɛ la nõorʋm, yẽ bʋraasɩ bayi, Asimõ tɩ ba wi'iri tɩ Apɩyɛɛrɩ, la a yɩbga A'ãndre, tɩ ba lobrɩ yʋka mõgrɛ la pʋam, ba daan de la zũn-yõgrɩba.

အခန်းကိုကြည့်ပါ။

Aluki 1:47

Mam tarɩ sũ-yẽlga mɛ, Nawẽnnɛ n de mam Fãagra la ĩyã,

အခန်းကိုကြည့်ပါ။

Aluki 11:49

Bɛla ĩyã tɩ Nawẽnnɛ n tarɩ yɛm na yʋʋn yetɩ: ‹Mam wʋn tõm nõtɔ'ɔsrɩba, la Tõntõnɩba bɔ ba, la ba wʋn kʋ basɛba, dee nãmsɛ basɛba.›

အခန်းကိုကြည့်ပါ။

Azã 1:42

Tɩ a daan tarɩ Asimõ sẽŋɛ Azezi zẽ'am, tɩ Azezi bɩsɛ ẽ, dee yetɩ: «Fõn de la Azã bia Asimõ. Ba wʋn wi'ira fʋ tɩ Asefasɩ, bɩɩ Apɩyɛɛrɩ.» (A võorɛ de la tãmpĩa.)

အခန်းကိုကြည့်ပါ။

Azã 12:26

La nẽra sãn bɔɔra tɩ a tõm bɔ mam, dẽnɩ tɩ a dɔla mam. La mam n boe zẽ'e-sɛka la, mam tõntõnna mẽ wʋn bɔna la bilam. La nẽra sãn tõnna bɔ'ɔra mam, mam Sɔ wʋn pẽgɛ ẽ.

အခန်းကိုကြည့်ပါ။

Azã 20:21

Tɩ Azezi le yele ba yetɩ: «Sũ-mã'asʋm wʋn bɔna la ya. Mam mẽ tõnnɩ ya, wʋ mam Sɔ la n tõm mam se'em na.»

အခန်းကိုကြည့်ပါ။

Tõoma 15:14

Asimõ-pɩyɛɛrɩ tɔgɛ pa'alɛ la Nawẽnnɛ n dẽŋɛ bɩsɛ bu-zãŋsɩ yelle se'em, looge ba nẽrba basɛba tɩ ba dɛna a mẽŋa nẽrba.

အခန်းကိုကြည့်ပါ။

Aromduma 1:1

Mam Apolɩ n de Azezi-krisi yamŋa n gʋlsɛ gõŋɔ wã. Nawẽnnɛ n wi mam tɩ m dɛna Azezi-krisi Tõntõnna, welge mam to'ore tɩ m mõolɛ a kõ-yẽlga.

အခန်းကိုကြည့်ပါ။

Aromduma 1:12

La de la mam na yãma wʋn lagɩm yẽ bʋraanɛ pa'asɛ, tɩ yãma n bɔ Azezi sɩra se'em na wʋn bɔ mam bʋraanɛ, tɩ mam mẽ n bɔ Azezi sɩra se'em na wʋn bɔ yãma bʋraanɛ.

အခန်းကိုကြည့်ပါ။

Aromduma 1:17

Kõ-yẽlga la n pukri pa'ala tõma Nawẽnnɛ n ɩtɩ se'em botɩ nẽrba masɛ a zẽ'am. La de la bɔ sɩra, tarɩ ka ba'asɛ la bɔ sɩra, wʋ lan gʋlsɛ Nawẽnnɛ gõŋɔ pʋam se'em yetɩ: «Nẽra n bɔ Nawẽnnɛ sɩra masɛ a zẽ'am wʋn vɔa, ẽn bɔ ẽ sɩra la ĩyã.»

အခန်းကိုကြည့်ပါ။

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

အခန်းကိုကြည့်ပါ။

1 Korẽntɩ 15:9

Mam de la pɩka Tõntõnɩba la wuu zẽ'am, dee ka nara tɩ ba wi'ira mam tɩ Tõntõnna, mam n daan nãmsɛ Nawẽnnɛ nẽrba la ĩyã.

အခန်းကိုကြည့်ပါ။

1 Korẽntɩ 9:1

Mam ka soe m mẽŋa tãna wʋn ẽŋɛ mam n boorɩ se'em mɛ bɩɩ? Mam dagɩ la Krisi Tõntõnna bɩɩ? Mam daan ka yẽ tɩ Zuudãana Azezi mɛ bɩɩ? La dagɩ tõon-sɛba tɩ mam tõnnɩ bɔ'ɔra Zuudãana la n basɛ tɩ yãma bɔ ẽ sɩra?

အခန်းကိုကြည့်ပါ။

2 Korẽntɩ 4:13

La gʋlsɛ Nawẽnnɛ gõŋɔ pʋam yetɩ: «Mam bɔ sɩra mɛ n soe tɩ mam tɔgɛ.» Tõma mẽ bɔ Nawẽnnɛ sɩra mɛ, bɛla n soe tɩ tõma tɔgra.

အခန်းကိုကြည့်ပါ။

2 Korẽntɩ 5:21

Krisi ka tõm tõon-be'ero. La Nawẽnnɛ basɛ mɛ tɩ a lebge wʋ tõon-be'ero dãana tõma ĩyã, tɩ tõma wʋn lebge nẽrba n masɛ Nawẽnnɛ zẽ'am ẽŋa ĩyã.

အခန်းကိုကြည့်ပါ။

Galatɩ 2:8

Nawẽnnɛ n bɔ Apɩyɛɛrɩ pãŋa, tõm ẽ Zifdõma zẽ'am na, ẽŋa n ken bɔ mam pãŋa tɩ mam tõnna bu-zãŋsɩ zẽ'am.

အခန်းကိုကြည့်ပါ။

Efɛɛzɩ 3:5

Nawẽnnɛ yʋʋn ka puke ẽ pa'alɛ kʋrʋm dõma, la lɛɛlɛ wã a botɩ a Sɩa la puke ẽ pa'alɛ la sɛba tɩ a tõm, la a nõtɔ'ɔsrɩba.

အခန်းကိုကြည့်ပါ။

Efɛɛzɩ 4:11

La de la ẽŋa n bɔ tɩ bɔ'a, botɩ sɛba dɛna a Tõntõnɩba, tɩ basɛba dɛna a nõtɔ'ɔsrɩba, tɩ basɛba mõola a kõ-yẽlga la bɔ'ɔra nẽrba, tɩ basɛba sɔna Nawẽnnɛ nẽrba bɩsra, bɩɩ dɛna karẽnsãandõma.

အခန်းကိုကြည့်ပါ။

Efɛɛzɩ 4:5

La Zuudãana ayɩla n boe, la tõma n bɔ sɩra se'em na de la ayɩla, la ko'om misga de la ayɩla,

အခန်းကိုကြည့်ပါ။

Filipi 1:1

Mam Apolɩ la Atimõtɩ n de Azezi-krisi tõntõnɩba n gʋlsɛ gõŋɔ wã bɔ'ɔra yãma sɛba wuu n bɔ Azezi-krisi sɩra dɛna Nawẽnnɛ nẽrba, la ya nẽŋadõma, la ya yel-bɩsrɩba n boe Filipi.

အခန်းကိုကြည့်ပါ။

Filipi 1:29

Se'ere n soe la, Nawẽnnɛ n ẽŋɛ ya yel-sõnnɛ na, la dagɩ ya bɔ Krisi sɩra mã'a, la de la ya ken nãmsɛ a ĩyã.

အခန်းကိုကြည့်ပါ။

Filipi 3:9

lagɩm na ẽ dɛna ayɩla. Mam ka le yetɩ la de la lɔɔ la sakrɛ ĩyã tɩ mam masɛ Nawẽnnɛ zẽ'am, la de la mam n bɔ Krisi sɩra la ĩyã. Nawẽnnɛ n botɩ mam masɛ, mam n bɔ sɩra la ĩyã.

အခန်းကိုကြည့်ပါ။

2 Timoti 1:5

Mam tẽrɩ fõn bɔ Azezi sɩra la fʋ sũure wuu, wʋ fʋ ma-keko Aloyiizi, la fʋ ma A'enisi n daan dẽŋɛ bɔ Azezi sɩra se'em na. Mam mi tɩ fʋ ken bɔ sɩra la bɛla.

အခန်းကိုကြည့်ပါ။

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

အခန်းကိုကြည့်ပါ။

Taitusi 1:4

Mam n gʋlsɛ gõŋɔ wã bɔ'ɔra Atiti n lebge mam mẽŋa bia, tõma n lagɩm dɔla Azezi-krisi la ĩyã. Tɩ Sɔ Nawẽnnɛ, la tɩ Fãagra Azezi-krisi wʋn ẽŋɛ fɔ a yel-sõnnɛ, dee bɔ fɔ a sũ-mã'asʋm.

အခန်းကိုကြည့်ပါ။

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

အခန်းကိုကြည့်ပါ။

Yemesi 1:1

Mam Azakɩ n de Nawẽnnɛ, la tɩ Zuudãana Azezi-krisi tõntõnna n gʋlsɛ gõŋɔ wã pʋ'ʋsra Nawẽnnɛ nẽrba wuu n wɩrgɛ bɔna zẽ'a woo la.

အခန်းကိုကြည့်ပါ။

1 Pita 1:1

Mam Apɩyɛɛrɩ n de Azezi-krisi Tõntõnna n gʋlsɛ gõŋɔ wã bɔ'ɔra yãma sɛba tɩ Nawẽnnɛ looge tɩ ya dɛna a nẽrba wɩrgɛ bɔna Põ, la Galatɩ, la Kapadɔsɩ, la Azi, la Bitini so'olʋm pʋam dɛna sãama la.

အခန်းကိုကြည့်ပါ။

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

အခန်းကိုကြည့်ပါ။

1 Pita 2:7

Yãma sɛba n bɔ ẽ sɩra la, a tarɩ la yõorɔ zozo'e bɔ ya. La sɛba n ka bɔ ẽ sɩra la, la gʋlsɛ ba yelle yetɩ: «Kug-sɛka tɩ tõnmẽtba zagsɛ la n lebge kugre n botɩ deego la tara pãŋa.»

အခန်းကိုကြည့်ပါ။

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

အခန်းကိုကြည့်ပါ။

2 Pita 1:4

La de la bɛla tɩ a bɔ tɔ bɔ'a sɛba n ãn sõŋa gãnna wuu tɩ a bĩŋe nõorɛ tɩ a bɔ tɔ la. Tɩ bõn-bãma ĩyã ya wʋn tã'agɛ lɔkɛ be'em yɛmleego n boe dũnia zuo sã'ana nẽrba la, dee lebge ãna wʋ Nawẽnnɛ n ãn se'em na.

အခန်းကိုကြည့်ပါ။

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ