2 Korẽntɩ 7:1 - Farefare Ninkaré

¹ Bɛla m sɩr-nõŋrɩsɩ, nõor-bĩŋre bãma wuu n de tõma bõnɔ na, basɛ-ya tɩ tɩ malgɛ tɩ mẽŋa la dẽgrɔ wuu n dẽgrɩ ĩyã, la sɩa, dee ãna sõŋa, vɔa pʋpeelem pʋam masɛ sɛla woo pʋam, zɔta Nawẽnnɛ.

ZE'ELEGO PAALEGA

¹ Tumam n diŋɛ tara nɔbiŋe-ana wa la, n suurɔ, bahɛ ya ti tu pee tu mɛhi ingɔŋɔ la sia puan galeŋɔ woo puan. Tu bahɛ ti tuulum vom pirɛ, doohe tu Yinɛ zoolum puan.

2 Korẽntɩ 7:1 ပူးပေါင်းရင်းမြစ်များ

Amatie 12:33

Ya sãn yetɩ, tɩa ãn sõŋa, ya yetɩ a biɛ ãn sõŋa. Bɩɩ ya sãn yetɩ, tɩa de tɩ-be'ego, ya yetɩ a biɛ mẽ de la biɛ be'ero. Se'ere n soe la, tɩa biɛ n botɩ ba bãŋra ẽn de tɩ-sɛka.

Amatie 5:48

Bɛla, dɛna-ya nẽrba tɩ ya ɩrgɔ wuu wʋn masɛ, wʋ ya Sɔ Nawẽnnɛ n boe saazuum ɩrgɔ wuu n masɛ se'em na.»

Amatie 5:8

Pʋpeelem dõma tarɩ zu-yẽlga, se'ere n soe la, ba wʋn yẽ Nawẽnnɛ.

Tõoma 9:31

Tɩ Azezi nẽr-kʋʋŋɔ la n boe Zude, la Galile, la Samaari tẽnsʋm na, daan ka le yẽ nãmsgɔ. Tɩ Nawẽnnɛ Sɩa sõŋra ba, tɩ ba kãllɛ pa'asra, tɩ ba zɛ kãŋkãŋɛ nã'asra Zuudãana la ba sũure wuu.

Aromduma 5:20

La sãn dɛna lɔɔ la, a wa'am mɛ tɩ tuure wʋn zo'oge pãɩ. La zẽ'e-sɛka tɩ tõon-be'ero zo'orɩ pa'asra, Nawẽnnɛ yel-sõnnɛ zo'orɩ mɛ pa'asra gãnna bɛla.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

2 Korẽntɩ 1:20

Nawẽnnɛ n bĩŋe nõorɛ tɩ a ẽŋɛ sɛla wuu la, Azezi-krisi n yetɩ «ẽe», ẽŋa wʋn ẽŋɛ. Bɛla, la de la Azezi-krisi ĩyã tɩ tõma yɛta tɩ: «Amina!» tɩ la dɛna Nawẽnnɛ nã'asgɔ.

Efɛɛzɩ 2:3

Tõma wuu daan lagɩm ãna wʋ bãma n ãn se'em na, tõma daan vɔa wʋ nẽrsaala yɛmleego n boorɩ se'em, ɩta tɩ ĩyã, la tɩ yɛm n boorɩ se'em n de be'em na. La tõma n daan ãn se'em na basɛ tɩ tɩ daan masɛ la Nawẽnnɛ sɩbgrɛ wʋ nẽrba basɛba la.

1 Tesaloniki 3:13

A wʋn bɔ ya bʋraanɛ tɩ ya ze'ele kãŋkãŋɛ a sore la zuo la pʋpeelem, ka tara dõrga tɩ Sɔ Nawẽnnɛ nẽŋam, wakat-sɛka tɩ tɩ Zuudãana Azezi wʋn leme wa'am la a nẽrba wuu la.

1 Tesaloniki 4:7

Nawẽnnɛ ka looge to tɩ tɩ tõnna tõon-dẽgrɔ, a looge to tɩ tɩ welge la to'ore tara pʋpeelem.

1 Tesaloniki 5:23

Nawẽnnɛ n de sũ-mã'asʋm dãana la mẽŋa wʋn basɛ tɩ ya dɛna ẽŋa mã'a nẽrba tara pʋpeelem. A wʋn gu ya ĩyã, la ya sɩa, la ya yɛm wuu tɩ ya kãn tara dõrga tɩ Zuudãana Azezi-krisi lemŋo daarɛ.

Hiburuduma 12:23

La ya ken lɛm na Nawẽnnɛ nẽrba lagsgɔ n de a kɔm-kẽendõma tɩ ba yʋ'ʋra gʋlsɛ Nawẽnnɛ yire la. La ya lɛm Nawẽnnɛ n de nẽrba wuu sarɩyadita. Ya lɛm na nẽr-sɛba n masɛ Nawẽnnɛ zẽ'am, dee masɛ sɛla woo pʋam na sɩɩsɩ zẽ'am.

Hiburuduma 12:28

Bɛla, tõma n wʋn to'oge so'olʋm n kãn sã'am na ĩyã, basɛ-ya tɩ tɩ pʋ'ʋsra Nawẽnnɛ a yel-sõnnɛ, tõnna se'em n wʋn ãna a sũure yẽlʋm bɔ'ɔra ẽ, la tɩ nã'asra ẽ, dee zɔta ẽ.

Hiburuduma 4:1

Nawẽnnɛ n bĩŋe a nõorɛ tɩ tɩ kẽ a vo'osgo zẽ'am na ken bɔna mɛ, bɛla tɩ guuse, tɩ ba'asgɔ ya nẽr-sɛka da wa yẽ tɩ a koŋe ka kẽ.

Hiburuduma 6:9

M sɩr-nõŋrɩsɩ, baa tõma n tɔgrɩ wãna la, tõma mi tɩ sũure pʋam sɩra sɩra tɩ yãma boe la so-sõŋɔ n wʋn botɩ ya yẽ fãarɛ la zuo.

Yemesi 4:8

Lɛm-ya Nawẽnnɛ, tɩ a mẽ wʋn lɛm ya. Tõon-be'ero dõma, peege ya nu'usi, pʋtẽ'era ayi dõma, peege ya sũure.

1 Pita 1:15

Dɛna-ya pʋpeelem dõma ya yel-ɩrɛ wuu pʋam, wʋ Nawẽnnɛ n wi ya la n de pʋpeelem dãana se'em na.

1 Pita 1:17

Yãma n pʋ'ʋsrɩ Nawẽnnɛ na, ya wi'iri ẽ tɩ ya Sɔ. Nawẽnnɛ ka tũ'usri nẽrba. A diti nẽrsaalba sarɩya la sɩra, wʋ nẽra woo tõoma n de se'em na. Bɛla, pa'alɛ-ya tɩ yãma nannɩ ẽ ya yel-ɩrɛ wuu pʋam, yãma n ken bɔna dũnia zuo wã.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:11

M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

1 Zã 1:7

La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.

1 Zã 1:9

Tɩ sãn pelge tɩ pʋʋrɛ tɔgɛ tɩ tõon-be'ero, Nawẽnnɛ wʋn basɛ tɩ tõon-be'ero taalɛ mɛ, dee peege to, yese sɛla wuu n ka masɛ, se'ere n soe la, a de la sɩra dãana dee ɩta sɛla n masɛ.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.