2 Korẽntɩ 5:9 - Farefare Ninkaré

⁹ Bɛla tɩ tõma mõrgra bɔɔra tɩ tɩ ẽŋɛ tɩ la paagɛ a yɛm, tõma sãn bɔna dũnia ĩyã wã pʋam, bɩɩ tɩ sãn sẽŋɛ a zẽ'am.

ZE'ELEGO PAALEGA

⁹ Bala, tu bɔna inganɛ wa puan, la tu ka boi inganɛ wa puan, tumam lu' tu suya ti tu tigɛ la a nini.

2 Korẽntɩ 5:9 ပူးပေါင်းရင်းမြစ်များ

Azã 6:27

Da tõnna-ya dia n wʋn sã'am ĩyã, tõnna-ya di-sɛba n bɔ'ɔrɩ vɔm n ka ba'asrɩ ĩyã, Nẽrsaala Dayʋa n wʋn bɔ ya vɔm ẽŋa. Se'ere n soe la, la de la ẽŋa tɩ Nawẽnnɛ n de Sɔ la bɔ ẽ a nõorɛ.»

Tõoma 10:35

La buuri wuu pʋam nẽr-sɛka n nannɩ Nawẽnnɛ dee ɩta sɛla woo tɩ la masra, ẽŋa dãana n paagɛ a yɛm.

Aromduma 14:18

Nẽr-sɛka woo n dolɩ Krisi wãna, ẽŋa dãana n paarɩ Nawẽnnɛ yɛm, la nẽrba mẽ yetɩ mɛ tɩ ẽn ɩtɩ se'em na ãn sõŋa.

Aromduma 14:8

Tõma sãn vɔa, tɩ vɔa la Zuudãana ĩyã. La tɩ sãn ki, tɩ ki la Zuudãana ĩyã. Bɛla, tɩ sãn vɔa mɛ, bɩɩ tɩ sãn ki mɛ, tɩ de la Zuudãana la nẽrba.

Aromduma 15:20

La mam n boorɩ se'em de la m mõolɛ Krisi kõ-yẽlga la zẽ'e-sɛba tɩ ba nãn ka wõm a yelle la, mam ka boorɩ tɩ m mõolɛ zẽ'e-sɛka tɩ nẽra ayẽma dẽŋɛ mõolɛ la, tɩ m da mẽ nẽra ayẽma ẽbrɛ zuo.

1 Korẽntɩ 15:58

Bɛla, m sɔbi-nõŋrɩsɩ, mõrgɛ-ya ze'ele kãŋkãŋɛ. Tõnna-ya Zuudãana tõoma la wakatɛ wuu da basɛ, yãma n mi tɩ nãmsgɔ sɛka tɩ ya nãmsrɩ Zuudãana la ĩyã dagɩ zãŋa la.

2 Korẽntɩ 5:6

Bɛla tɩ tõma tara bʋraanɛ zozo'e daarɛ woo, dee mina tɩ tõma n ken bɔna dũnia ĩyã wã pʋam na, tõma zãagɛ la Zuudãana kẽ'a zẽ'a na mɛ.

2 Korẽntɩ 5:8

Tõma tarɩ bʋraanɛ mɛ zo'oge, dee boorɩ nɩ tɩ tɩ basɛ dũnia ĩyã wã, dee sẽŋɛ ka bɔna Zuudãana la zẽ'am.

Efɛɛzɩ 1:6

A ẽŋɛ bɛla tɩ tɩ pẽgɛ ẽ mɛ, a yel-sõnnɛ n zo'oge gãŋɛ tɩ a ẽŋɛ bɔ tɔ zãŋa, tõma n de ayɩla la a Dayɔ-nõŋrɛ la ĩyã.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

Kolɔsɩ 1:29

La de la bɛla ĩyã tɩ mam tõnna dee mõrgra. La de la Krisi pãn-kãtɛ tɩ a bɔ mam zozo'e la n botɩ mam tõnna bɛla.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

1 Tesaloniki 4:11

Mõrgɛ ya mẽŋa vɔa la sũ-mã'asʋm, la ya bɩsra ya mẽŋa tõoma yelle, tõnna-ya la ya mẽŋa nu'usi dita, wʋ tõma n daan yele ya se'em na.

1 Timoti 4:10

Bɛla, tõma n tõnnɩ nãmsra mõrgra la, la de la tõma n tarɩ pʋtẽ'erɛ gu'ura vɔm dãana Nawẽnnɛ n de nẽrsaalba wuu Fãagra la ĩyã, la a de la sɛba n bɔ ẽ sɩra la Fãagra gãnna.

Hiburuduma 12:28

Bɛla, tõma n wʋn to'oge so'olʋm n kãn sã'am na ĩyã, basɛ-ya tɩ tɩ pʋ'ʋsra Nawẽnnɛ a yel-sõnnɛ, tõnna se'em n wʋn ãna a sũure yẽlʋm bɔ'ɔra ẽ, la tɩ nã'asra ẽ, dee zɔta ẽ.

Hiburuduma 4:11

Bɛla, tɩ wɩsgɛ tɩ mẽŋa yẽ vo'osgo ẽna, tɩ guuse tɩ nẽra baa ayɩla da doose sɩ'ɩsgɔ la sore koŋe ka kẽ.

2 Pita 3:14

Bɛla, m sɩr-nõŋrɩsɩ, yãma n gu'uri bɛla la, nargɛ-ya pãŋa ãna sõŋa, tɩ ya da tara dõrga Nawẽnnɛ nifum, tɩ ya wʋn bɔna la ẽ la sũ-mã'asʋm.