2 Korẽntɩ 4:4 - Farefare Ninkaré

⁴ La de la sɛba n ka bɔ Nawẽnnɛ sɩra la. Asũtãana n de dũnia wã naba la n pĩ ba yɛm tɩ ba da bãŋɛ Krisi n de Nawẽnnɛ wõnnɛ na kõ-yẽlga na'am pãŋa.

ZE'ELEGO PAALEGA

⁴ Ba yele la dela, tiŋa wa zuo yinɛ la n pi' sɛba n ka nam Yezu la puti'ira, ti a gu ba ti ba da nyɛta faarɛ yelehum niihum la n de Kiresta suŋa la. Kiresta se'em n de Yinɛ mɛŋa naanɛ la.

2 Korẽntɩ 4:4 ပူးပေါင်းရင်းမြစ်များ

Amatie 13:22

La gõ'osɩ la zẽ'a tɩ bõnbuuri sɛba lui la, ãn wʋ nẽr-sɛka n wõm Nawẽnnɛ so'olʋm kõ-yẽlga la, tɩ a yɛm yɔɔra la dũnia wã yɛla, tɩ bõntarsõm yɛla pã'asra ẽ, botɩ yetɔga la ka tãna wʋn wɔm biɛ a sũure pʋam.

Azã 1:14

Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:18

Nẽra nẽra nãn ka yẽ Nawẽnnɛ. La de la Nawẽnnɛ Bi-yẽŋa la n boe la ẽ lɛ n botɩ tõma bãŋɛ ẽ, ẽŋa la Nawẽnnɛ de la bʋyɩla.

Azã 12:31

Lɛɛlɛ wã de la dũnia wã sarɩyadia wakatɛ. Lɛɛlɛ wã ba wʋn dige dũnia wã naba basɛ yẽŋa.

Azã 12:35

Tɩ Azezi yele ba yetɩ: «Peelem ken bɔna la ya lɛ mɛ wakatɛ fẽe. Peelem wã n ken bɔna la ya wakat-sɛka la, sẽnna-ya tɩ lika da wa liŋe ya. Sɛka n sẽnnɩ lika pʋam ka mi ẽn we'esɩ zẽ'a.

Azã 12:40

«Nawẽnnɛ pĩ ba nini mɛ, tɩ ba da yẽta la ba nini na, dee lige ba pʋtẽ'era, tɩ ba da wõm a yetɔga la võorɛ. Sãn dagɩ nɩ bɛla, ba wʋn teege nɩ yɛm tɩ a bɔ ba laafɛ.»

Azã 12:45

La sɛka n yẽ mam, yẽ la sɛka n tõm mam na.

Azã 14:30

Mam kãn le tɔgɛ la ya lɛ zo'oge, se'ere n soe la, dũnia naba sẽm mɛ. La a ka tarɩ pãŋa la mam.

Azã 15:24

Mam sãn ka tõm nɩ tõon-sɛba tɩ nẽra baa ayɩla nãn ka tõm ba tẽŋasʋka, ba tõon-be'ero taalɛ ka boe ba zuo. La lɛɛlɛ wã, ba yẽ mam tõoma mɛ, dee sise mam na m Sɔ la.

Azã 16:11

A wʋn botɩ ba bãŋɛ sarɩyadia yelle, se'ere n soe la, Nawẽnnɛ di dũnia wã naba sarɩya mɛ, tɩ a koŋe bʋʋrɔ.

Azã 8:12

Tɩ Azezi le tɔgɛ la nẽrba la yetɩ: «Mam de la dũnia peelem. Nẽr-sɛka n dolɩ mam, a kãn malɩn sẽnna lika pʋam, a wʋn yẽ peelem n bɔ'ɔrɩ vɔm.»

Tõoma 26:23

Ba yʋʋn yetɩ, dẽnɩ tɩ Krisi nãmsɛ ki, la ẽŋa n wʋn dɛna pɔspɔsɩ nẽra n wʋn vo'oge, dee wʋn mõolɛ kõ-yẽlga n de peelem bɔ Zifdõma la bu-zãŋsɩ.»

1 Korẽntɩ 10:20

Mam yetɩ ya mɛ tɩ ya bãŋɛ tɩ sɛla tɩ bag-kãabrɩba kãabrɩ la, ba kãabrɩ bɔ'ɔra la kʋlkã'arsɩ, dagɩ Nawẽnnɛ. Mam ka boorɩ tɩ ya lagɩm na kʋlkã'arsɩ.

2 Korẽntɩ 2:11

tɩ la da botɩ Asũtãana yãŋɛ tɔ. Se'ere n soe la, tõma mi ẽn boorɩ tɩ a ẽŋɛ se'em mɛ.

2 Korẽntɩ 2:12

Mam n daan paagɛ Trʋasɩ tɩ m mõolɛ Krisi kõ-yẽlga la, mam daan yẽ tɩ Zuudãana la yo'oge sore bɔ mam mɛ,

2 Korẽntɩ 3:11

Bɛla, sɛla n yʋʋn tollɩ la n tarɩ na'am pãŋa la, sɛla n boe wakatɛ wuu la n tarɩ na'am pãŋa zo'oge gãnna bɛla.

2 Korẽntɩ 3:14

La Ɩsrayɛlɩ dõma la yɛm yʋʋn ka like. Halɩ wakat-ẽŋa wa paam lɛɛlɛ wã, ba sãn karẽŋra nõor-bĩŋre kɛka gõŋɔ la, tãnnɛ na ken pĩ ba nẽnsɩ mɛ, tɩ ba ka bɔkra a võorɛ. Tãn-ẽŋa ka pilgri, sãn dagna Krisi peelem pʋam mã'a.

2 Korẽntɩ 3:18

Tõma wuu n dolɩ Zuudãana Azezi la, tãnnɛ na pilge mɛ, tɩ tõma nẽnsɩ yẽgra la Zuudãana na'am pãŋa. Tɩ Zuudãana Sɩa tɛɛra tõma, tɩ tõma ãna wʋ ẽŋa n ãn se'em na, tɩ na'am pãŋa la pa'asra zɔ'ɔra.

2 Korẽntɩ 4:6

Nawẽnnɛ n yʋʋn yetɩ: «Peelem nẽegɛ lika pʋam» na, la de la ẽŋa n botɩ peelem nẽegɛ tõma sũa pʋam, botɩ tõma bãŋɛ Nawẽnnɛ na'am pãŋa n nẽegɛ Krisi nẽŋa zuo.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Efɛɛzɩ 2:2

Yãma n daan ɩtɩ se'em na ãn wʋ dũnia nẽrba n ka mi Nawẽnnɛ n ɩtɩ se'em na, dɔla Asũtãana n de pãnsɩ dõma n boe saazuum naba la, ẽŋa n tõnnɩ na sɛba n sɩ'ɩsrɩ Nawẽnnɛ nõorɛ la.

Efɛɛzɩ 6:12

Tõma zɛbrɛ ka boe la nẽrsaalba, tõma zɛbrɩ la Asũtãana kɛ'ɛndõma, la a pãnsɩ dõma, la dũnia lika tõon-be'ero na'adõma, la kʋlkã'arsɩ wuu n boe saazuum.

Filipi 2:6

Azezi-krisi la Nawẽnnɛ n de ayɩla la, a ka tẽ'esɛ tɩ ẽŋa n zõn na Nawẽnnɛ na, de la sɛla tɩ ẽŋa wʋn gʋrɛ kãŋkãŋɛ.

Kolɔsɩ 1:15

Azezi-krisi de la Nawẽnnɛ tɩ ba ka yẽtɩ la wõnnɛ. Ẽŋa n de bõn-sɛba n nãam na wuu yiɛn dãana.

Kolɔsɩ 1:27

Nawẽnnɛ n boorɩ tɩ a basɛ tɩ a nẽrba la bãŋɛ yel-ẽŋa n daan sʋgɛ la na'am pãŋa n ãn sõŋa zo'oge se'em bu-zãŋsɩ tẽŋasʋka. Yel-ẽŋa n sʋgɛ la de la Krisi boe la ya lɛ, botɩ ya wʋn yẽ na'am pãŋa tɩ ya tarɩ pʋtẽ'erɛ gu'ura la a zẽ'am.

1 Timoti 1:11

Kõ-yẽlga ẽŋa ze'ele la sũ-yẽlga dãana Nawẽnnɛ n tarɩ na'am pãŋa la zẽ'am, ẽŋa n dɩkɛ ẽ ẽŋɛ mam nu'usum tɩ m mõolɛ.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 1:3

Ẽŋa n tarɩ Nawẽnnɛ na'am pãŋa wa pa'alɛ tɔ, a ãn wʋ Nawẽnnɛ mẽŋa n ãn se'em na. La a yetɔga la tarɩ pãŋa mɛ botɩ sɛla woo bɔna a zẽ'a. Ẽŋa n yese nẽrsaalba tõon-be'ero tɩ ba lebge sõŋa la poorʋm, a sẽŋɛ ka zẽa la Naba Wẽnnɛ zʋʋgɔ saazuum-zuum.

Hiburuduma 6:4

Nẽr-sɛba n bãŋɛ Nawẽnnɛ sɩra bɔna peelem pʋam, yẽ Nawẽnnɛ yel-sõnnɛ, to'oge Nawẽnnɛ Sɩa pãŋa,

2 Pita 1:19

Bɛla n basɛ tɩ tõma malɩn bãŋɛ sõŋa sõŋa tɩ Nawẽnnɛ nõtɔ'ɔsrɩba yetɔga la de la sɩra. La ãn sõŋa tɩ ya tara yetɔg-bãma sõŋa, ba ãn wʋ fɩtla n nẽegɛ lika pʋam. Tara-ya ba halɩ ka paagɛ beere yɩlɩŋrɛ, tɩ Krisi nẽegɛ ya sũure pʋam wʋ bewã'arɛ la.

1 Zã 2:11

La sɛka n sisri a sɔbia, boe la lika pʋam, la a sẽnnɩ na lika pʋam, ka mina ẽn we'esɩ zẽ'a, se'ere n soe la, lika la fɔ a nini mɛ.

1 Zã 2:8

La a yɛrɩ dɛna la nõor-paalga tɩ mam gʋlsɛ bɔ'ɔra ya. La de la Azezi-krisi zẽ'am, la yãma zẽ'am tɩ yel-ẽŋa de sɩra, se'ere n soe la, lika la tollɩ mɛ, dee tɩ peelem sɩra sɩra darɛ nẽera.

1 Zã 5:19

Tõma mi tɩ tõma de la Nawẽnnɛ nẽrba. La dũnia dõma wuu boe la be'em dãana Asũtãana nu'usum.