2 Korẽntɩ 3:3 - Farefare Ninkaré

³ La de la vẽelga tɩ yãma de la Krisi gõŋɔ tɩ a doose tõma tõoma pʋam gʋlsɛ. La dagɩ gʋlsgɔ ko'om n gʋlsɛ, la de la Nawẽnnɛ n vɔa la Sɩa n gʋlsɛ. La ka gʋlsɛ kug-palagsɩ zuto, la gʋlsɛ la nẽrsaalba sũa pʋam.

ZE'ELEGO PAALEGA

³ Ya mɛhi la mɛ pa'alɛ ya ti ya dela Kiresta gɔŋɔ, ti tumam en de sɛba en maahum kɔ. Tu ka dikɛ zigemɔlegɔ gulehɛ, gee tu dikɛ la Yinɛ vua wa Fa'a Sia la gulehɛ ya. Tu ka gulehɛ iŋɛ la kugelama puan, gee tu gulehɛ iŋɛ la saaleba suya puan.

2 Korẽntɩ 3:3 ပူးပေါင်းရင်းမြစ်များ

Amatie 16:16

Tɩ Asimõ-pɩyɛɛrɩ lerge ẽ yetɩ: «Fõn de la Krisi, Nawẽnnɛ n de vɔm dãana la Dayʋa.»

1 Korẽntɩ 3:5

Apolɔsɩ de la ãne? Apolɩ de la ãne? Tõma wen dɛna la Nawẽnnɛ tõntõnɩba n daan botɩ ya bɔ Azezi-krisi sɩra. Tõma nẽra woo tõnnɩ la tõon-sɛka tɩ Zuudãana la bɔ tɔ tɩ tɩ tõm.

2 Korẽntɩ 3:6

La de la ẽŋa n botɩ tõma tã'agɛ dɛna a nõor-bĩŋre paalga la tõntõnɩba. La dagɩ lɔɔ n gʋlsɛ, la de la Nawẽnnɛ Sɩa. Lan de se'em na, lɔɔ n gʋlsɛ la sẽm na kũm, la Nawẽnnɛ Sɩa la bɔ'ɔrɩ la vɔm.

2 Korẽntɩ 3:7

Lɔɔ la yʋʋn gʋlsɛ la kug-palagsɩ zuto, tɩ Nawẽnnɛ na'am pãŋa peelem nẽegɛ wakatɛ ẽŋa, tɩ Amoyisi nẽŋa nẽegɛ yẽgra, tɩ Ɩsrayɛlɩ dõma ka tãna wʋn bɩsɛ ẽ. La na'am pãŋa la yʋʋn tollɩ mɛ. Lɔɔ la n sẽm na kũm na n yʋʋn puke la na'am pãŋa bɛla la,

2 Korẽntɩ 6:16

Bẽm lagŋɔ n boe Wẽnnaam deego, la baga tɩ ba mãalɛ tẽŋasʋka? La sãn dɛna tõma, tõma de la Nawẽnnɛ n vɔa la deego wʋ Nawẽnnɛ n yele yetɩ: «Mam wʋn bɔna la ba, kẽ'era la ba. Mam wʋn dɛna ba Nawẽnnɛ, tɩ ba dɛna mam nẽrba.»

1 Tesaloniki 1:9

Nẽrba la wuu tɔgrɩ pa'ala yãma n daan to'oge tõma sõŋa se'em, basɛ baga, dee dɔla Nawẽnnɛ tõnna bɔ'ɔra ẽŋa n de vɔm, la sɩra dãana,

Hiburuduma 10:16

«Mam n yetɩ m bĩŋe m nõorɛ se'em la ba dabsa bãma poorʋm n wãna: Mam wʋn dɩkɛ m lɔɔ la ẽŋɛ la ba sũure pʋam, mam wʋn gʋlsɛ ba ba pʋtẽ'era pʋam. Mam n de Zuudãana n yele.»

Hiburuduma 8:10

Mam n yetɩ m bĩŋe m nõorɛ se'em la Ɩsrayɛlɩ dõma dabsa bãma poorʋm n wãna: Mam wʋn dɩkɛ m lɔɔ la ẽŋɛ la ba pʋtẽ'era pʋam, mam wʋn gʋlsɛ ba la ba sũure pʋam. Mam wʋn dɛna ba Nawẽnnɛ, tɩ ba dɛna mam nẽrba.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

Lilegere 2:1

Sɛka tɩ mam yẽ la, a ken yele mam yetɩ: «Gʋlsɛ bɔ Efɛɛzɩ Wẽndeego nẽrba la gu'ura yetɩ: Sɛka n zãlɩ wõrbiɛ bayopɔɩ a zʋʋgɔ nu'ugo pʋam, dee sẽnna sãlma fɩtladõma bayopɔɩ tẽŋasʋka la n yele se'em n wãna:

Lilegere 2:12

«Gʋlsɛ bɔ Pɛrgamɩ Wẽndeego nẽrba la gu'ura yetɩ: Sɛka n tarɩ sʋkɔbgɔ n saasɛ tara nõa ayi la n yele se'em n wãna:

Lilegere 2:18

«Gʋlsɛ bɔ Tiyatiiri Wẽndeego nẽrba la gu'ura yetɩ: Nawẽnnɛ Dayʋa la nini n ãn wʋ bugwitum, tɩ a nãma yẽgra wʋ zũuro tɩ ba zuge bugum pʋam na n yele se'em n wãna:

Lilegere 2:8

«Gʋlsɛ bɔ Simirni Wẽndeego nẽrba la gu'ura yetɩ: Sɛka n de pĩ'iluŋo la ba'asgɔ, sɛka n daan ki dee vo'oge la n yele se'em n wãna:

Lilegere 3:1

«Gʋlsɛ bɔ Sardɩ Wẽndeego nẽrba la gu'ura yetɩ: Sɛka n tarɩ Nawẽnnɛ sɩɩsɩ bayopɔɩ, la wõrbiɛ bayopɔɩ la n yele se'em n wãna: ‹Mam mi ya tõoma mɛ, fʋ yʋ'ʋrɛ yese mɛ tɩ ba yetɩ ya vɔa mɛ, la, ya ki mɛ.

Lilegere 3:14

«Gʋlsɛ bɔ Laodise Wẽndeego nẽrba la gu'ura yetɩ: Sɛka n de Amina la, sɛka n de sɩra dãana, dee sɩrɩ tɔgra sɛla tɩ a nini yẽ, dee ken dɛna sɛka tɩ Nawẽnnɛ n nãam sɛla wuu ze'ele a zẽ'am n yele se'em n wãna:

Lilegere 3:22

Sɛka n wõm yetɔga wã, a selse Nawẽnnɛ Sɩa n yetɩ a nẽrba se'em na sõŋa sõŋa.› »

Lilegere 3:7

«Gʋlsɛ bɔ Filadɛlfi Wẽndeego nẽrba la gu'ura yetɩ: Sɛka n de pʋpeelem dãana, la sɩra dãana n tarɩ naba Adavidi kʋlɩnbiɛ, sɛka n yʋ'ʋrɩ tɩ nẽra ka tãna yɔ'ɔra, dee yɔ'ɔra tɩ nẽra ka tãna yʋ'ʋra la n yele se'em n wãna: