2 Korẽntɩ 11:3 - Farefare Ninkaré

³ La mam zotɩ la dabeem tɩ nẽr-sɛka wʋn pã'asɛ ya, tɩ ya wẽrgɛ ka le dɔla Krisi la sũure ayɩla, la pʋpeelem, wʋ Awa tɩ bõnsɛla la yʋʋn dɩkɛ yɛmkẽgsɩga pã'asɛ ẽ tɩ a tuuge la.

ZE'ELEGO PAALEGA

³ Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 11:3 ပူးပေါင်းရင်းမြစ်များ

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

Aromduma 12:8

Nẽr-sɛka bɔ'a n de a kã'ana nẽrba, a kã'ana. La sɛka bɔ'a n de a bɔ'ɔra, a bɔ'ɔra la a sũure wuu. La sɛka bɔ'a n de a dɛna nẽŋadãana, a wɩsgɛ a mẽŋa tõnna sõŋa. Tɩ nẽr-sɛka bɔ'a n de a zɔta nẽrba ninbãalga, a ɩta la sũ-yẽlga.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 11:20

Yãma sakrɩ mɛ tɩ ba kẽ'esra ya yamnɛ pʋam, sakɛ tɩ ba dita ya, fãara ya, ka nanna ya, sakɛ tɩ ba wẽ'era ya pɛgsɩ.

2 Korẽntɩ 11:29

Nẽra sãn bɔna tɔrgɔ pʋam, la ãn wʋ mam mẽ boe la tɔrgɔ pʋam na. La nẽra sãn basɛ Nawẽnnɛ doosgo, mam sũure n sã'anɩ zozo'e.

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

2 Korẽntɩ 4:2

Tõma zagsɛ mɛ ka tõnna tõon-sɛba wuu n sʋgɛ n de yãnnɛ tõoma la, tõma ka ɩtɩ yɛm pã'asra nẽrba. La tõma ka teerɩ Nawẽnnɛ yetɔga. Tõma tɔgrɩ pa'ala la sɩra vẽelga vẽelga, tɩ nẽrba sũure n mi se'em na wʋn bãŋɛ tɩ tõma ɩtɩ sɛla n ãn sõŋa Nawẽnnɛ nifum.

Galatɩ 1:6

Mam ze la yɛrɩ la yãma n darɛ basɛ Nawẽnnɛ n wi ya Krisi yel-sõnnɛ ĩyã, dee to'oge kõa ayẽma wʋ kõ-yẽlga la.

Galatɩ 2:4

Nẽrba basɛba n daan pã'asɛ tɩ bãma de la Azezi karẽnbiisi, li'ise kẽ tõma tẽŋasʋka bɔɔra tɩ ba bãŋɛ tõma n lagɩm na Azezi-krisi dɛna ayɩla la, tõma n to'oge tɩ mẽŋa se'em, bãma daan boorɩ tɩ ba basɛ tɩ tõma le dɛna la Zifdõma lɔɔ yamsɩ.

Galatɩ 3:1

Yãma Galatɩ dõma, ãne n botɩ yãma zuto lebge tɩ ya ka tara yɛm? Mam daan pa'alɛ ya Krisi n ki dɔ-puurŋa zuo la yelle mɛ sõŋa sõŋa, tɩ la dɛna vẽelga bɔ ya.

Galatɩ 4:11

Yãma n ɩtɩ se'em na botɩ dabeem n tara mam, tɩ mam n tõm se'em yãma ĩyã la, tã wʋn dɛna zãŋa.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Efɛɛzɩ 4:22

dẽnɩ tɩ ya basɛ yãma n daan vɔa se'em kʋrʋm na. Basɛ-ya vɔm kɛka, la a yɛmleego la n boorɩ sɛla n de be'em n wʋn pã'asɛ ya botɩ ya sã'am na.

Efɛɛzɩ 6:24

Nawẽnnɛ wʋn ẽŋɛ nẽr-sɛba wuu n nõŋɛ tɩ Zuudãana Azezi-krisi la nõŋlʋm n ka ba'asrɩ la yel-sõnnɛ.

Kolɔsɩ 2:18

Da basɛ-ya tɩ nẽra n ɩtɩ a mẽŋa wʋ a de la sik-m-mẽŋa dãana dee pʋ'ʋsra malɛkadõma, pã'asɛ ya yetɩ yãma n ɩtɩ sɛla de la zãŋa. Nẽr-ẽŋa dãana yetɩ Nawẽnnɛ n puke sɛla pa'alɛ ẽŋa, la a pa'alɩ la a mẽŋa zãŋa, se'ere n soe la, la de la nẽrsaalba pʋtẽ'erɛ tɩ a tarɩ.

Kolɔsɩ 2:4

Mam yele ya wãna tɩ nẽra n da wa tɔgɛ nõ-yẽlʋm yetɔga pã'asɛ ya.

Kolɔsɩ 2:8

Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

1 Tesaloniki 3:5

Bɛla tɩ mam ka tãna wʋn zĩ'ire, tɩ mam tõm Atimõtɩ tɩ a wa'am wa bãŋɛ yãma n ãn se'em Azezi sore doosgo la pʋam, mam zotɩ mɛ tɩ Asũtãana wʋn pã'asɛ ya tɩ tɩ tõoma la lebge zãŋa.

1 Timoti 1:3

Mam n daan we'esɩ Masedʋanɩ dee yele fʋ se'em na, ken weege Efɛɛzɩ tẽŋa yele nẽr-sɛba n zãsnɩ põmpɔrŋɔ zãsŋɔ la tɩ ba da zãsʋm.

1 Timoti 2:14

La, la dagɩ Adam tɩ Asũtãana daan pã'asɛ, a daan pã'asɛ la Awa yãŋɛ, tɩ a sɩ'ɩsɛ Nawẽnnɛ nõorɛ.

2 Timoti 3:13

La tõon-be'ero dõma, la sɛba n pã'asrɩ nẽrba wʋn ken kẽ'era la tõon-be'ero pʋam pa'asra wɛ'ɛsa, ba pã'asrɩ la nẽrba, dee pã'asra ba mẽŋa.

Taitusi 1:10

Se'ere n soe la, nẽrba zozo'e n boe dɛna sɩ'ɩsrɩba, la yetɔg-yooro dõma, dee pã'asra nẽrba. Lan gãnnɩ wuu, nẽr-bãma boe la Zifdõma n wãtɩ la pʋam.

Hiburuduma 13:9

Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.

2 Pita 3:17

La sãn dɛna yãma, m sɩr-nõŋrɩsɩ, yãma n dẽŋɛ tara tiire la, guuse-ya, da basɛ tɩ tõon-be'ero dõma n tuuge la, tuuge ya. Da basɛ-ya tɩ ba botɩ ya basɛ yãma n bɔ sɩra zɛ kãŋkãŋɛ wã.

2 Pita 3:3

Sɛla n gãnnɩ de la ya bãŋɛ tɩ dũnia ba'asgɔ wakatɛ, nẽrba n la'arɩ nẽrba n wʋn wa wa'am, wa vɔa vɔm sɛka n de be'em tɩ ba mẽŋa boorɩ. Ba wʋn la'ara ya,

1 Zã 2:18

M kɔma, lɛɛlɛ wã la de la dũnia ba'asgɔ wakatɛ. Yãma wõm tɩ ba yetɩ Krisi sɩ'ɩsra n sẽm. La lɛɛlɛ wã, Krisi sɩ'ɩsrɩba zo'oge mɛ bɔna, bɛla tõma mi mɛ tɩ la de la dũnia ba'asgɔ wakatɛ.

1 Zã 4:1

M sɩr-nõŋrɩsɩ, da bɔ-ya nẽr-sɛba wuu n yetɩ bãma tarɩ la Nawẽnnɛ Sɩa la sɩra, magɛ-ya ba bɩsɛ la sãn dɛna Nawẽnnɛ Sɩa. Se'ere n soe la, põmpɔrŋɔ nõtɔ'ɔsrɩba zozo'e n boe dũnia wã zuo.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.

Lilegere 12:15

Tɩ bõnsɛla la ʋkɛ ko'om a nõorʋm wʋ mõgrɛ la pɔka la poorʋm tɩ ba pe'ege ẽ fõrgɛ.

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 20:2

A yõkɛ la pʋryõŋ-yãlma la n de kʋrʋm kʋrʋm bõnsɛla, n de dõta, n de Asũtãana la lʋ ẽ yʋʋma tʋsrɛ ĩyã.