1 Timoti 4:4 - Farefare Ninkaré

⁴ Se'ere n soe la, sɛla woo tɩ Nawẽnnɛ nãam ãn sõŋa mɛ. Sɛla sɛla ka boe n de fʋ zagsɛ, fʋ sãn pʋ'ʋsɛ Nawẽnnɛ a yel-sõnnɛ.

ZE'ELEGO PAALEGA

⁴ Se'ere en sɔi la, sɛlawoo ti Yinɛ naam, ani la suŋa, sɛla ka de tu zagehɛ, tu han to'e de mɛ la pɛka.

1 Timoti 4:4 ပူးပေါင်းရင်းမြစ်များ

Tõoma 10:15

Tɩ kõa la le yele ẽ yetɩ: «Bõn-sɛka tɩ Nawẽnnɛ yetɩ, a ãn sõŋa, da kãn yetɩ, a de la bõn-dẽgrɔ.»

Tõoma 15:29

La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»

Tõoma 21:25

La sãn dɛna bu-zãŋsɩ la n bɔ Azezi sɩra la yelle, tõma daan looge yɛm gʋlsɛ gõŋɔ yele ba yetɩ: ‹Ba da dita di-sɛba tɩ ba kãabɛ bɔ baga, la ba da di zɩɩm, la ba da di sɛla tɩ ba tẽgɛ kʋ. La ba da tõnna yalsɩ tõoma.› »

Aromduma 14:14

Mam n lagɩm na Zuudãana Azezi dɛna ayɩla la, mam mi sɩra sɩra tɩ sɛla ka boe dɛna dẽgrɔ a mẽŋa. La nẽra sãn tẽ'esɛ tɩ sɛla de la dẽgrɔ dee di, la de la dẽgrɔ bɔ ẽ.

Aromduma 14:20

Da sã'am-ya Nawẽnnɛ tõonɛ dia ĩyã. Dia wuu ãn sõŋa mɛ tɩ ba di. La nẽra sãn di sɛla n wʋn botɩ a tadãana tuuge, la ka ãn sõŋa.

Aromduma 14:6

Nẽr-sɛka n tẽ'esrɩ dabsa n ãn sõŋa yelle la, ɩtɩ bɛla nã'asra la Zuudãana. La nẽr-sɛka n diti sɛla woo la, mẽ bɔ'ɔrɩ la Zuudãana nã'asgɔ, ẽn pʋ'ʋsrɩ Nawẽnnɛ a yel-sõnnɛ dia la ĩyã la. La sɛka n ka diti dia basɛba la, ɩtɩ bɛla mẽ bɔ'ɔra la Zuudãana nã'asgɔ, ẽŋa mẽ pʋ'ʋsrɩ la Nawẽnnɛ a yel-sõnnɛ.

1 Korẽntɩ 10:23

Yãma nẽrba basɛba yetɩ: «Sore boe mɛ tɩ tɩ ẽŋɛ sɛla woo.» Asɩra, la, la dagɩ sɛla woo n tarɩ yõorɔ. Ba yetɩ: «Sore boe mɛ tɩ tɩ ẽŋɛ sɛla woo.» La, la dagɩ sɛla woo n sõŋrɩ.

1 Korẽntɩ 10:25

Ya tarɩ sore tɩ ya da nẽn-sɛba wuu tɩ ba koosrɩ da'asɩ pʋam obe mɛ. Da basɛ-ya tɩ la nãmsra ya pʋtẽ'era tɩ ya soke nẽnnɔ na n ze'ele zẽ'a.

1 Korẽntɩ 10:26

La gʋlsɛ Nawẽnnɛ gõŋɔ pʋam yetɩ: «Dũnia, la bõn-sɛba wuu n boe a pʋam de la Zuudãana Nawẽnnɛ bõnɔ.»

1 Korẽntɩ 10:30

Mam sãn pʋ'ʋsɛ Nawẽnnɛ dia ĩyã dee di, bẽm tɩ nẽra wʋn zɛrgɛ mam la bõn-sɛka tɩ mam pʋ'ʋsɛ Nawẽnnɛ a ĩyã?»

1 Timoti 4:3

Nẽr-bãma zãsnɩ nẽrba yetɩ, pɔgsɩ da ɛlla sɩrba, tɩ bʋraasɩ mẽ da dita pɔgba, la ba sisra dia basɛba da dita. La de la põmpɔrŋɔ, Nawẽnnɛ nãam bõn-bãma tɩ nẽr-sɛba n sakɛ ẽŋa mina sɩra la pʋ'ʋsra ẽ a yel-sõnnɛ dee dita ba.