1 Timoti 4:2 - Farefare Ninkaré

² Ba de la põmpɔrndõma, la pʋlibsum dõma, tɩ ba zãsna põmpɔrŋɔ dee tɩ ba zuto ka zɛɛra.

ZE'ELEGO PAALEGA

² doohe la birekɔgen-pumparenduma sɛba zuto en ka ŋmɛ'ɛri kibegera la.

1 Timoti 4:2 ပူးပေါင်းရင်းမြစ်များ

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 7:15

«Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Tõoma 20:30

La nẽrba basɛba wʋn wa isge ya pʋam tɔgra põmpɔrŋɔ yetɔga, pã'asɛ karẽnbiisi la tɩ ba doose ba.

Aromduma 1:28

Ban zagsɛ ka bɔɔra tɩ ba bãŋɛ Nawẽnnɛ na, tɩ Nawẽnnɛ basɛ ba ba tẽ'es-yooro la pʋam, tɩ ba ɩta sɛla n ka masɛ tɩ ba ɩta.

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

Efɛɛzɩ 4:14

Bɛla tɩ kãn le ãna wʋ kɔma tɩ nẽrba zãsnɩ zãsŋɔ buuri to'oto'ore pã'asra ba, ɩta yɛm tɩ ba botɩ ba tuuge, wʋ kʋsebgo, la ko-mĩ'isi n wẽ'erɩ õorŋɔ tɩ a yɛgna se'em na.

Efɛɛzɩ 4:19

Ba zuugo ka zɛɛrɩ la tõon-be'ero ɩrgɔ, ba tõnnɩ la yalsɩ, la be'em buuri wuu, ba boorɩ la tõon-dẽgrɔ mã'a.

2 Timoti 3:5

Ba ɩtɩ tɩ la ãna wʋ ba sakrɩ la Nawẽnnɛ, la ba ka sakrɩ a pãŋa la. Zãagɛ fʋ mẽŋa la nẽr-bãma buuri.

Lilegere 16:14

Ba de la Asũtãana kʋlkã'arsɩ n ɩtɩ bõn-yãlma. Ba we'esɩ la dũnia na'adõma wuu zẽ'am tɩ ba lagsɛ ba, tɩ ba zɛbɛ la Nawẽnnɛ n de ke'eŋo wuu dãana, a dabs-kãtɛ la daarɛ.