1 Timoti 3:2 - Farefare Ninkaré

² La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

ZE'ELEGO PAALEGA

² Bala, Yinɛ Lageŋɔ nɛŋa daana dela a zɔɛ tuurɛ, a dɛna pɔge yiŋa daana, a ana ma'ma', a tara puti'irɛ, a tara zuo, a tɔ'ɔha nɛreba, a tana pa'ala,

1 Timoti 3:2 ပူးပေါင်းရင်းမြစ်များ

Aluki 1:6

Bãma bayi daan de la nẽrba n ɩtɩ sõŋa Nawẽnnɛ nifum, dee sakra Nawẽnnɛ nõorɛ, la a lɔɔ la wuu sõŋa.

Aluki 2:36

Wakat-ẽŋa Nawẽnnɛ nõtɔ'ɔs-pɔka n mẽ daan boe tɩ a yʋ'ʋrɛ dɛna A'annɩ. Tɩ a sɔ yʋ'ʋrɛ dɛna Afanuyɛlɩ, a de la Azɛɛrɩ buuri nẽra. Ẽŋa daan de la pug-sa'arɛ dee ele sɩra paagɛ yʋʋma ayopɔɩ tɩ a sɩra la ki.

Aromduma 12:13

Sõŋɛ-ya Nawẽnnɛ nẽr-sɛba n boorɩ sõŋrɛ la, la ya ɩta sãama sãanɔ.

Filipi 2:15

Tɩ ya wʋn dɛna nẽrba n ka tarɩ yelle, ãna sõŋa ka tara dẽgrɔ. Tɩ ya wʋn dɛna Nawẽnnɛ kɔma n ka tarɩ dõrga n boe nẽr-bɛ'ɛsɩ la nẽr-yaalsɩ tẽŋasʋka, yẽgra wʋ peelem dũnia wã zuo,

1 Timoti 3:12

Dẽnɩ tɩ yel-bɩsra dɛna pɔg-yẽŋa dãana, dee tãna bɩsra a kɔma, la a yir-dõma yelle sõŋa.

1 Timoti 3:8

Yel-bɩsrɩba mẽ masɛ mɛ tɩ ba dɛna nẽrba tɩ ba nannɩ, ba da dɛna nẽrba n tarɩ nõgõla, ba da yũura dãam bugra, ba da dɛna nẽrba n ɩtɩ sɛla n ka masɛ yẽta bõntarsõm.

1 Timoti 4:3

Nẽr-bãma zãsnɩ nẽrba yetɩ, pɔgsɩ da ɛlla sɩrba, tɩ bʋraasɩ mẽ da dita pɔgba, la ba sisra dia basɛba da dita. La de la põmpɔrŋɔ, Nawẽnnɛ nãam bõn-bãma tɩ nẽr-sɛba n sakɛ ẽŋa mina sɩra la pʋ'ʋsra ẽ a yel-sõnnɛ dee dita ba.

1 Timoti 5:10

La dẽnɩ tɩ nẽrba mina tɩ a de la tõon-sõma dãana, la a uge kɔma sõŋa, la a de la nẽra n ẽŋɛ nẽrba sãanɔ, la a peege Nawẽnnɛ nẽrba nãma, la a sõŋɛ nẽr-sɛba n nãmsɛ, dee dɛna nẽra n tõm tõon-sõma buuri wuu.

1 Timoti 5:22

Da kãblɛ dɩkɛ fʋ nu'usi paglɛ nẽra zuo tɩ a tõm Nawẽnnɛ tõoma, da naagɛ la nẽra a tõon-be'ero pʋam, dɛna pʋpeelem dãana.

1 Timoti 5:9

Pɔkõ-sɛka tɩ ba tã wʋn gʋlsɛ a yʋ'ʋrɛ pa'asɛ pɔkõpa gõŋɔ pʋam de la pɔkõ-sɛka n paagɛ yʋʋma pisyoobɩ, dee ele sɩra ayɩla mã'a.

2 Timoti 2:24

La Zuudãana tõntõnna ka masɛ tɩ a zɛbra. La masɛ mɛ tɩ a dɛna nẽra n nõŋɛ nẽrba, tãna wʋn zãsʋm nẽrba la sũ-mã'asʋm.

Taitusi 2:2

Zãsʋm bʋra-yã'asɩ tɩ ba tara ba mẽŋa sõŋa, ba dɛna nẽrba tɩ ba nannɩ, ba tara pʋtẽ'e-sõŋɔ, la ba dɛna nẽrba n dolɩ Nawẽnnɛ sɩra la sõŋa, ba tara nõŋlʋm, dee dɛna nẽrba n mã'agɛ ba sũure sẽnna nẽŋa.

Hiburuduma 13:2

Da basɛ-ya sãama sãanɔ ɩrgɔ, tɩ nẽrba basɛba ẽŋɛ la bɛla, ẽŋɛ malɛkadõma sãanɛ dee ka bãŋɛ.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

1 Pita 4:9

Ɩta-ya taaba sãanɔ, da yõnna.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.