1 Timoti 2:3 - Farefare Ninkaré

³ Bõn-ẽna n ãn sõŋa bɔ Nawẽnnɛ n de tɩ Fãagra dee ãna a sũure yẽlʋm.

ZE'ELEGO PAALEGA

³ Dina en de tuuntɔɔ gee tigɛ Yinɛ en de tu Faara la nini,

1 Timoti 2:3 ပူးပေါင်းရင်းမြစ်များ

Aluki 1:47

Mam tarɩ sũ-yẽlga mɛ, Nawẽnnɛ n de mam Fãagra la ĩyã,

Aromduma 14:18

Nẽr-sɛka woo n dolɩ Krisi wãna, ẽŋa dãana n paarɩ Nawẽnnɛ yɛm, la nẽrba mẽ yetɩ mɛ tɩ ẽn ɩtɩ se'em na ãn sõŋa.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 4:18

Mam to'oge sɛla woo tɩ yãma bɔ mam na mɛ, la seke gãŋɛ mɛ. Mam n to'oge ya bɔ'a la tɩ A'epafroditi tarɩ wa'am na, mam tarɩ mɛ tɩ sɛla ka le pɔ'ɔgɛ mam. Bɔ'a bãma ãn wʋ sɛla yũuŋo n ãn yẽlʋm tɩ ya kãabɛ bɔ Nawẽnnɛ, tɩ a to'oge la sũ-yẽlga.

Kolɔsɩ 1:10

Tɩ ya yel-ɩrɛ wʋn masɛ wʋ Zuudãana la n boorɩ se'em, tɩ la paagɛ a yɛm sɛla woo pʋam. Tɩ ya wʋn tõm tõon-sõma buuri wuu, dee bãŋɛ Nawẽnnɛ pa'asɛ.

1 Tesaloniki 4:1

Sɛla n pa'asɛ, m sɔbiisi, yãma zãsʋm tõma zẽ'am mɛ yãma n wʋn ɩta se'em paagɛ Nawẽnnɛ yɛm. Yãma põn ɩta la bɛla. La tõma kã'anɩ ya mɛ, dee bɛlna ya la tɩ Zuudãana Azezi yʋ'ʋrɛ tɩ ya malɩn ẽŋɛ gãŋɛ bɛla.

1 Timoti 1:1

Mam Apolɩ n de Azezi-krisi Tõntõnna n gʋlsɛ gõŋɔ wã. La de la Nawẽnnɛ n de tɩ Fãagra, la Azezi-krisi tɩ tɩ tarɩ pʋtẽ'erɛ gu'ura la, n bɔ mam nõorɛ tɩ mam dɛna a Tõntõnna.

1 Timoti 4:10

Bɛla, tõma n tõnnɩ nãmsra mõrgra la, la de la tõma n tarɩ pʋtẽ'erɛ gu'ura vɔm dãana Nawẽnnɛ n de nẽrsaalba wuu Fãagra la ĩyã, la a de la sɛba n bɔ ẽ sɩra la Fãagra gãnna.

1 Timoti 5:4

Pɔkõorɛ sãn tara kɔma bɩɩ yɩɩsɩ, bãma n masɛ tɩ ba bɩsra ba mẽŋa yir-dõma yelle, ba bɩsra ba dɔgrɩba la yelle wʋ ba dɔgrɩba la n daan bɩsrɩ ba yelle se'em na, bɛla n ãn Nawẽnnɛ sũure yẽlʋm.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.

Hiburuduma 13:16

Da basɛ-ya ɩr-sõma ɩrgɔ, la taaba sõŋrɛ, tɩ tõon-bãma n ãn wʋ kãabgɔ n ɩtɩ Nawẽnnɛ sũure yẽlʋm.

1 Pita 2:20

Fʋ sãn tõm na tõon-be'ero tɩ ba nãmsra fɔ tɩ fʋ sakɛ wĩbra, a ka tarɩ yõorɔ. La fʋ sãn tõm na tõon-sõma tɩ ba nãmsra fɔ, tɩ fʋ sakɛ wĩbra, la de la yel-sõnnɛ Nawẽnnɛ zẽ'am.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.