1 Pita 5:9 - Farefare Ninkaré

⁹ Bɔ-ya Azezi-krisi sɩra ze'ele kãŋkãŋɛ, dee sɩ'ɩsɛ Asũtãana, la ya bãŋɛ tɩ ya sɔbiisi n boe dũnia zẽ'a woo mẽ nãmsrɩ la nãmsgɔ bãma mẽŋa buuri.

ZE'ELEGO PAALEGA

⁹ Da bo' ya en sore, sɛ ya ze'ele kankaŋɛ ya sakerɛ la puan, se'ere en sɔi la, ya mi' ti ya suurɔ en boi timpaberɛ wa zuo za'a, me dole la namehegɔ kuna mɛa puan tɔla.

1 Pita 5:9 ပူးပေါင်းရင်းမြစ်များ

Aluki 22:32

La mam pʋ'ʋsɛ Nawẽnnɛ mɛ bɔ fɔ, tɩ fõn bɔ mam sɩra la, fʋ da basɛ. La fʋ sãn wa leme wa dɔla mam, fʋ bɔ fʋ sɔbiisi la bʋraanɛ tɩ ba ze'ele kãŋkãŋɛ.»

Azã 16:33

Mam yele ya bɛla tɩ ya tara la sũ-mã'asʋm mam yetɔga la ĩyã. Dũnia wã pʋam ya tarɩ la nãmsgɔ, la keŋe ya sũure, tɩ mam yãŋɛ dũnia mɛ.»

Tõoma 14:22

La ba daan tɔgɛ pa'alɛ karẽnbiisi la mɛ, bɔ ba bʋraanɛ yetɩ, ba mõrgɛ bɔna Azezi sɩra la pʋam da basɛ. Dee yele ba yetɩ: «Tɩ wʋn yẽ la nãmsgɔ zozo'e dee kẽ Nawẽnnɛ so'olʋm pʋam.»

1 Korẽntɩ 10:13

Yel-sɛba n paarɩ ya la, la de la yel-bãma n mẽ paarɩ nẽrba basɛba. La Nawẽnnɛ de la sɩra dãana, a kãn basɛ tɩ yel-sɛka n gãnnɩ ya pãŋa paagɛ ya. La yelle pʋam, a wʋn bɔ ya pãŋa tɩ ya wĩbe, dee ẽŋɛ sore tɩ ya yese.

Efɛɛzɩ 4:27

Da bɔ-ya Asũtãana folle.

Efɛɛzɩ 6:16

La ya bɔ Nawẽnnɛ sɩra sɛla woo pʋam tɩ la gu'ura ya la Asũtãana pɛɛma n ãn wʋ bugum na, tɩ ya tã'agɛ kĩŋe ba.

Kolɔsɩ 2:5

Baa mam n zãagɛ la yãma la, mam yɛm boe la ya mɛ, mam sũure ãn yẽlʋm mɛ, mam yẽ tɩ ya yel-ɩrɛ dolɩ sore sõŋa sõŋa, la yan bɔ Krisi sɩra zɛ kãŋkãŋɛ la.

1 Tesaloniki 3:3

Tɩ nãmsgɔ sɛka n nãmsrɩ ya la da basɛ tɩ ya nẽra baa ayɩla bʋraanɛ bo'oge Nawẽnnɛ sore la doosgo pʋam. Yãma mẽŋa mi tɩ la de la pẽrgrɛ tɩ tɩ nãmsɛ.

1 Timoti 6:12

Mõrgɛ mẽ mẽerɛ sõŋa Nawẽnnɛ sore doosgo la pʋam yẽ vɔm n ka ba'asrɩ, tɩ la de la bɛla ĩyã tɩ Nawẽnnɛ looge fo, tɩ fʋ daan tɔgɛ yetɔg-sõŋɔ yetɩ fõn bɔ Azezi sɩra nẽrba zozo'e nẽŋam na.

2 Timoti 3:12

La de la bɛla, nẽr-sɛba wuu n boorɩ tɩ ba vɔa wʋ Nawẽnnɛ n boorɩ se'em Azezi-krisi doosgo pʋam, ba wʋn nãmsɛ ba mɛ.

2 Timoti 4:7

Mam mẽ mẽerɛ sõŋa mɛ yãŋɛ, mam zoe paagɛ zʋa la tɛka mɛ, la mam bɔ Nawẽnnɛ sɩra mɛ ka basɛ.

Hiburuduma 11:33

La de la ban bɔ Nawẽnnɛ sɩra la ĩyã, tɩ ba yãŋɛ na'adõma to'ose ba so'olʋm, ba tõm sɛla n masɛ mɛ, ba yẽ tɩ Nawẽnnɛ n bĩŋe nõorɛ se'em na ẽŋɛ mɛ, ba mũm gɩgma nõa mɛ.

Hiburuduma 12:8

Nawẽnnɛ sãn ka demse ya wʋ ẽn ɩtɩ a kɔma wuu se'em na, bɛla ya yi de la tãmpĩiba, ya dagɩ a kɔma.

Yemesi 4:7

Bɛla, dɩkɛ ya mẽŋa bɔ Nawẽnnɛ, dee sɩ'ɩsɛ Asũtãana, tɩ a wʋn zoe dee basɛ ya.

1 Pita 1:6

Bɛla ĩyã tɩ ya tara sũ-yẽlga, baa la de ya sãn yẽta yɛla to'oto'ore n nãmsrɩ ya wakatɛ fẽe lɛɛlɛ wã.

1 Pita 2:21

La de la bɛla ĩyã tɩ Nawẽnnɛ wi ya. Krisi mẽ daan nãmsɛ yãma ĩyã mɛ, basɛ mãmsgɔ tɩ ya dɔla a nabara ɩta wʋ ẽŋa n ẽŋɛ se'em na.

1 Pita 3:14

La baa nẽrba sãn nãmsra ya yan ɩtɩ sɛla n masɛ ĩyã, ya wʋn yẽ yel-sõnnɛ. Bɛla, da zɔta-ya ba dabeem, la ya da basɛ tɩ la dãana ya.

1 Pita 4:13

Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 6:11

Tɩ ba bɔ ba nẽra woo fu-pɛɛlga, dee yele ba yetɩ ba gu fẽe, halɩ tɩ ba kʋ ba sɔbiisi n de ba tõntõn-taaba, n de ba kʋ ba wʋ bãma la, tɩ ba sõorɛ paagɛ.

Lilegere 7:14

Tɩ mam lerge ẽ yetɩ: «M zuudãana, fõn mi.» Tɩ a yele mam yetɩ: «Ba de la nẽr-sɛba n ze'ele toog-kãtɛ pʋam na. Ba peege ba futo mɛ Pebila la zɩɩm pʋam tɩ ba pelge.