1 Pita 5:8 - Farefare Ninkaré

⁸ Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

ZE'ELEGO PAALEGA

⁸ Tana ya mɛhi tara, gee me maahum. Gee ya dindaana la en de Sagena la kɔ'ɔm mu'ɛ la nini nyaara wuu gbigenɛ la, ɛɛra nɛra ti a obe.

1 Pita 5:8 ပူးပေါင်းရင်းမြစ်များ

Amatie 13:39

Tɩ bɛ la n bʋrɛ kanarsɩ la dɛna Asũtãana. Tɩ bõnkɔɔla lagsgɔ wakatɛ la dɛna dũnia ba'asgɔ. Tɩ sɛba n lagsrɩ bõnkɔɔla la dɛna Nawẽnnɛ malɛkadõma.

Amatie 24:42

Bɛla, guuse ya mẽŋa, se'ere n soe la, ya ka mi daar-sɛka tɩ ya Zuudãana la wʋn leme wa'am.

Amatie 25:41

La a wʋn yele sɛba n boe a gɔbga bɔba la yetɩ: ‹Sẽŋɛ-ya fõrgɛ, Nawẽnnɛ kã'a-be'ego boe ya zuo. Sẽŋɛ-ya ka kẽ bugum n ka kĩŋri tɩ Nawẽnnɛ mãasʋm tɩ a kẽ'esɛ Asũtãana, la a malɛkadõma la pʋam.

Amatie 4:1

Nawẽnnɛ Sɩa la daan tarɩ Azezi sẽŋɛ la weem tɩ Asũtãana makɛ ẽ.

Amatie 4:11

Tɩ Asũtãana basɛ Azezi dee fõrgɛ. Tɩ malɛkadõma wa'am wa sõŋra ẽ.

Amarkɩ 4:15

Sore la zuo tɩ bõnbuuri sɛba lui la, ãn wʋ nẽr-sɛba n wõm yetɔga la, tɩ Asũtãana wa'am tɔtɔ wa yese yetɔga la ba sũure pʋam.

Aluki 21:34

Guuse ya mẽŋa tɩ ya yɛm da yɔɔra la di tɩgɛ, la dã-yũure, la dũni-ẽna vɔm yɛla, tɩ Nẽrsaala Dayʋa la lemŋo daarɛ da wa di'ige ya

Aluki 21:36

Bɛla, da gĩsra-ya, pʋ'ʋsra-ya Nawẽnnɛ wakatɛ wuu, tɩ ya wʋn yẽ pãŋa tã'agɛ põsɛ bõn-sɛba wuu n wʋn wa ẽŋɛ la, dee tã'agɛ ze'ele Nẽrsaala Dayʋa la nẽŋam.»

Aluki 22:31

La Azezi yele Asimõ-pɩyɛɛrɩ yetɩ: «Asimõ, Asimõ, bãŋɛ tɩ Asũtãana sose la sore tɩ a makɛ ya bɩsɛ, wʋ nẽra n yeele si yɛsra urgo la.

Azã 8:44

Ya sɔ de la Asũtãana, la ya boorɩ tɩ ya ẽŋɛ la ya sɔ la n boorɩ se'em na. A de la nẽr-kʋʋra halɩ pĩ'iluŋo. A ka boe sɩra pʋam, sɩra n ka boe a pʋam na ĩyã. A sãn parna, ẽn ãn se'em n bɛla, se'ere n soe la, a de la põmpɔrma, la põmpɔrŋɔ wuu sɔ.

2 Korẽntɩ 2:11

tɩ la da botɩ Asũtãana yãŋɛ tɔ. Se'ere n soe la, tõma mi ẽn boorɩ tɩ a ẽŋɛ se'em mɛ.

Efɛɛzɩ 4:27

Da bɔ-ya Asũtãana folle.

Efɛɛzɩ 6:11

Yɛ-ya Nawẽnnɛ zɛbrɛ lɔgrɔ wuu, tɩ ya wʋn tã'agɛ ze'ele kãŋkãŋɛ, tɩ Asũtãana da yãŋɛ pã'asɛ ya.

1 Timoti 2:15

La baa pɔgsɩ n nãmsrɩ dee dɔgra la, ba tã wʋn yẽ fãarɛ, ba sãn mõrgɛ ze'ele kãŋkãŋɛ Nawẽnnɛ doosgo pʋam, tara nõŋlʋm la pʋpeelem, dee guusra ba mẽŋa.

1 Timoti 2:9

Pɔgsɩ mẽ yɛɛra futo wʋ lan masɛ, tɩ la da dɛna pa'al-m-mẽŋa bɩɩ yãnnɛ. Ba da ɛɛra tɩ ba nẽnnõm dɛna zuto lʋa, bɩɩ sãlma lɔgrɔ, bɩɩ kug-sõma lɔgrɔ, la futo ligri n zo'oge yɛa.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

1 Timoti 3:2

La dẽnɩ tɩ nẽŋadãana dɛna nẽra n ka tarɩ dõrga, la a dɛna pɔg-yẽŋa dãana, la a dɛna nẽra n tarɩ a mẽŋa sõŋa, dee tara pʋtẽ'e-sõŋɔ, a dɛna nẽra tɩ ba nannɩ, la a dɛna nẽra n ɩtɩ nẽrba sãanɔ, dee tãna wʋn zãsʋm nẽrba.

2 Timoti 4:17

La Zuudãana la daan ze'ele mam poorʋm mɛ sõŋɛ mam, bɔ mam pãŋa halɩ tɩ mam mõolɛ kõ-yẽlga la sõŋa sõŋa, tɩ bu-zãŋsɩ zozo'e wõm. La mam daan yẽ fãarɛ mɛ gɩgnɛ nõorʋm.

Taitusi 1:8

La masɛ mɛ tɩ a ɩta sãama sãanɔ, la a dɛna nẽra n nõŋɛ sɛla n ãn sõŋa ɩrgɔ, la a tara pʋtẽ'e-sõŋɔ, la a dɛna nẽra n masɛ sɛla woo pʋam, la a dɛna pʋpeelem dãana, la a tãna a mẽŋa yõkra.

Taitusi 2:12

A zãsnɩ tõma tɩ tɩ basɛ la sɛla n ka dolɩ Nawẽnnɛ sore, la dũnia nẽrba n boorɩ sɛla la, dee vɔa dũnia wã zuo la pʋtẽ'e-sõŋɔ, la sɩra, dee dɔla Nawẽnnɛ sore sõŋa.

Taitusi 2:2

Zãsʋm bʋra-yã'asɩ tɩ ba tara ba mẽŋa sõŋa, ba dɛna nẽrba tɩ ba nannɩ, ba tara pʋtẽ'e-sõŋɔ, la ba dɛna nẽrba n dolɩ Nawẽnnɛ sɩra la sõŋa, ba tara nõŋlʋm, dee dɛna nẽrba n mã'agɛ ba sũure sẽnna nẽŋa.

Taitusi 2:4

ba pa'ala pɔg-bɩ'ɩsɩ tɩ ba nõŋɛ ba sɩrba, la ba kɔma,

Taitusi 2:6

Kã'an kɔmbɩ'ɩsɩ la mẽ tɩ ba tara ba mẽŋa sõŋa sɛla woo pʋam.

Yemesi 4:7

Bɛla, dɩkɛ ya mẽŋa bɔ Nawẽnnɛ, dee sɩ'ɩsɛ Asũtãana, tɩ a wʋn zoe dee basɛ ya.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

Lilegere 12:10

Tɩ mam wõm kõa n tɔgrɩ ke'enke'em Nawẽnnɛ yire yetɩ: «Nãnannɛ wã, Nawẽnnɛ fãarɛ daarɛ paagɛ mɛ, Nawẽnnɛ yãŋa pa'alɛ a pãŋa, la a na'am mɛ, dee pa'alɛ Krisi tɩ a tõm na ke'eŋo, se'ere n soe la, ba dige sɛka n wã'arɩ tɩ sɔbiisi Nawẽnnɛ zẽ'am wʋntɛɛŋa la yʋ'ʋŋɔ la mɛ.

Lilegere 12:12

Bɛla, Nawẽnnɛ yire, la yãma sɛba wuu n boe mĩ na, ẽŋɛ-ya sũ-yẽlga. La toogo n wʋn yẽ tẽŋa, la ko-kãtɛ, se'ere n soe la, Asũtãana sige ya zẽ'am la sũ-yĩire, ẽn mi tɩ a wakatɛ deege la fẽe la ĩyã.»

Lilegere 12:9

Tɩ ba daan lobe pʋryõŋ-yãlma kãtɛ la basɛ. Ẽŋa n de bõnsɛla n yʋʋn boe, tɩ ba wi'ira ẽ tɩ «Dõta» bɩɩ «Asũtãana» n pã'asrɩ dũnia nẽrba wuu la. Ba lobe ẽ, la a malɛgsɩ basɛ la tẽŋa zuo.

Lilegere 20:10

Tɩ ba wʋn yõkɛ Asũtãana n pã'asrɩ dũnia nẽrba la lobe basɛ bugum mõgrɛ n diti kidibre pʋam, zẽ'e-sɛka tɩ ba daan põn lobe dũŋa, la põmpɔrŋɔ nõtɔ'ɔsa la. Bilam ba wʋn nãmsra la wʋntɛɛŋa la yʋ'ʋŋɔ wakatɛ n ka ba'asrɩ.

Lilegere 20:2

A yõkɛ la pʋryõŋ-yãlma la n de kʋrʋm kʋrʋm bõnsɛla, n de dõta, n de Asũtãana la lʋ ẽ yʋʋma tʋsrɛ ĩyã.