1 Pita 5:3 - Farefare Ninkaré

³ Da ɛɛra-ya tɩ ya sɔna sɛba tɩ ba dɩkɛ gu'ule ya la, la pãŋa. Dɛna-ya nẽrba tɩ ya yel-ɩrɛ wʋn pa'alɛ ba sɛla n ãn sõŋa, tɩ ba ãna wʋ yãma n ãn se'em na.

ZE'ELEGO PAALEGA

³ Da dikɛ ya zeero ziile sɛba en boi ya nu'uhen la, gee deni ya makerɛ bo' piihi la.

1 Pita 5:3 ပူးပေါင်းရင်းမြစ်များ

Azã 13:15

Se'ere n soe la, la de la mãmsgɔ tɩ mam ẽŋɛ bɔ ya, tɩ ya mẽ ɩta wʋ mam n ẽŋɛ ya se'em na.

Tõoma 20:28

Tara-ya ya mẽŋa, la nẽr-sɛba wuu tɩ Nawẽnnɛ Sɩa gu'ule ya la sõŋa. Bɩsra-ya Nawẽnnɛ nẽrba la tɩ a fãagɛ la a Bia zɩɩm tɩ ba dɛna a mẽŋa nẽrba la sõŋa.

1 Korẽntɩ 11:11

La Zuudãana doosgo la pʋam, pɔka boe la bʋraaga nu'usum, tɩ bʋraaga mẽ bɔna pɔka nu'usum.

1 Korẽntɩ 3:5

Apolɔsɩ de la ãne? Apolɩ de la ãne? Tõma wen dɛna la Nawẽnnɛ tõntõnɩba n daan botɩ ya bɔ Azezi-krisi sɩra. Tõma nẽra woo tõnnɩ la tõon-sɛka tɩ Zuudãana la bɔ tɔ tɩ tɩ tõm.

1 Korẽntɩ 3:9

Tõma lagɩm taaba tõnna la Nawẽnnɛ tõoma. La yãma ãn wʋ Nawẽnnɛ va'am, la ya ãn wʋ Nawẽnnɛ deego.

2 Korẽntɩ 1:24

La dagɩ tɩ tõma boorɩ tɩ mõrgɛ ya mɛ ya bɔ sɩra la pʋam. Tõma boorɩ tɩ tɩ lagɩm na ya lɛ mɛ tõm tɩ ya yẽ sũ-yẽlga. Se'ere n soe la, yãma ze mɛ kãŋkãŋɛ ya bɔ sɩra la pʋam.

2 Korẽntɩ 4:5

La dagɩ tõma mẽŋa yelle tɩ tõma mõolɩ, la de la Azezi-krisi n de Zuudãana la kõa tɩ tõma mõolɩ. La sãn dɛna tõma, tõma de la yãma tõntõnɩba Azezi ĩyã.

Filipi 3:17

M sɔbiisi, lagɩm ɩta-ya mam n ɩtɩ se'em na, bɩsra-ya sɛba yel-ɩrɛ n ãn wʋ tõma n ɩtɩ se'em na, tɩ la dɛna mãmsgɔ bɔ ya.

Filipi 4:9

Ɩta-ya bõn-sɛba tɩ mam zãsʋm ya, tɩ ya to'oge, sɛla tɩ ya wõm dee yẽ mam zẽ'am na, tɩ Nawẽnnɛ n bɔ'ɔrɩ sũ-mã'asʋm na wʋn bɔna la ya lɛ.

1 Tesaloniki 1:7

Bɛla, yãma de la sɛba tɩ Masedʋanɩ, la Akayi so'olʋm nẽr-sɛba n bɔ Azezi sɩra la wʋn bɩsra, ɩta yãma n ẽŋɛ se'em na.

2 Tesaloniki 3:9

Tõma n daan ɩtɩ bɛla la, la dagɩ tɩ tõma ka tarɩ la sore tɩ tɩ sose sõŋrɛ ya zẽ'am, tõma daan tõnnɩ tɩ pa'alɛ ya, tɩ ya mẽ ɩta la bɛla.

1 Timoti 4:12

Da basɛ tɩ nẽra zɛɛn fɔ, fõn de bõnbɩ'a la ĩyã, basɛ tɩ fʋ yetɔga, la fʋ yel-ɩrɛ, la fʋ nõŋlʋm, la fõn bɔ Nawẽnnɛ sɩra se'em, la fʋ pʋpeelem ãna sõŋa, tɩ la pa'alɛ Nawẽnnɛ nẽrba, bãma n wʋn vɔa se'em.

Taitusi 2:7

Fõn mẽŋa botɩ fʋ yel-ɩrɛ wuu ãna sõŋa, pa'alɛ ba ban wʋn ãna se'em, la fʋ zãsʋm nẽrba Nawẽnnɛ yetɔga la sɩra, la ninmõ'orɛ.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.