1 Pita 4:4 - Farefare Ninkaré

⁴ La lɛɛlɛ wã, yãma n ka le lagɩm na ba lɛ tõnna tõon-dẽgrɔ bãma la, ba ka bãŋɛ a võorɛ, tɩ ba tʋʋra ya.

ZE'ELEGO PAALEGA

⁴ La iŋɛ nɛreba la pakerɛ ti yan ka le lagena la ba tuna tuunyooro tunɔ taaba la, bala ti ba yaala ya la.

1 Pita 4:4 ပူးပေါင်းရင်းမြစ်များ

Amatie 23:25

Yãma lɔɔ karẽnsãandõma, la Farisi dõma, pʋlibsum dõma wã, ya wʋn yẽ toogo. Yãma peerɩ ya laasɩ, la ya wama pɔa mɛ tɩ ba ãna sõŋa, dee tɩ ba pʋam pɩrɛ la nayigum, la be'ero bõnɔ.

Aluki 15:13

Tɩ la ẽŋɛ dabsa fẽe, tɩ yɩbga la lagsɛ a bõntarsõm na wuu yese sẽŋɛ tẽŋa n zãagɛ, ka tõm tõon-yooro sã'am ẽn tarɩ sɛla la wuu.

Tõoma 13:45

La Zifdõma n yẽ nẽr-kʋʋŋɔ la n zo'oge la, tɩ ba ẽŋɛ sũure sɩ'ɩsɛ Apolɩ n tɔgɛ se'em na, dee tɔgra tɔg-be'ero.

Tõoma 18:6

Tɩ ba sɩ'ɩsɛ dee tɔgra ẽ tɔg-be'ero. Tɩ a pĩsũm a futo pa'alɛ tɩ ba ka ẽŋɛ sõŋa, dee yele ba yetɩ: «Ya sãn yẽ nãmsgɔ, ya yelle boe la ya mẽŋa zuo, la dagɩ mam yelle. La zĩna tɛka mam wʋn sẽŋɛ la sɛba n dagɩ Zifdõma la zẽ'am.»

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

Efɛɛzɩ 5:18

Da yũura-ya dãam bugra, tɩ a sã'anɩ la nẽra. Basɛ-ya tɩ Nawẽnnɛ Sɩa sɔna ya, tõnna la ya lɛ sɛla woo pʋam.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 3:16

La ya ɩta bɛla la sũ-bʋgsʋm, la wɔɔrɛ. Ɩta-ya sɛla tɩ ya mi ya sũure pʋam tɩ la ãn sõŋa, tɩ yãnnɛ yõkɛ sɛba n tɔgrɩ ya be'em, yãma n tõnnɩ sõŋa Krisi ĩyã la.

2 Pita 2:12

Nẽr-bãma ɩtɩ la yooryooro, ba ãn wʋ dũnsi n ka tarɩ yɛm tɩ ba yõgrɩ kʋʋra la. Ba tɔgrɩ la sɛla tɩ ba ka mi be'em, ba mẽ wʋn sã'am wʋ dũnsi la.

2 Pita 2:22

La ẽŋɛ ba bɛla pa'alɛ tɩ magsa wã de la sɩra, ba yetɩ: «Baaga lebe ka di la sɛla tɩ a tĩ la», dee le yetɩ: «Kurkuri tɩ ba peege ẽ sõŋa sõŋa la, lebe ka bilim na bɛglʋm pʋam.»

Azudi 1:10

Nẽr-bãma tɔgrɩ la sɛla tɩ ba ka mi be'em, ba ɩtɩ la yooryooro, ba ãn wʋ dũnsi n ka tarɩ yɛm n ɩtɩ se'em na, bõn-ẽŋa n sã'anɩ ba.