1 Pita 4:3 - Farefare Ninkaré

³ Kʋrʋm, yãma n daan lagɩm na sɛba n ka dolɩ Nawẽnnɛ ɩta bãma n boorɩ se'em na, da le ɩta-ya bɛla. Yãma daan lagɩm na ba mɛ, ba yalsɩ, la ba be'em yɛmleego, la ba dã-yũure, la ba pʋyã'an-yooro, la ba dã-buka, la ba baga kãabgɔ n de be'em na pʋam.

ZE'ELEGO PAALEGA

³ Ya pun diŋɛ dikɛ la saŋa zo'e zo'e tuna sɛla ti sɛba en dagi Yuuduma ita la. Zufagehum, kunkɔma'ahum, buka, dikãra, yaalegɔ, la baga kaabegɔ.

1 Pita 4:3 ပူးပေါင်းရင်းမြစ်များ

Amarkɩ 7:22

la taaba pɔgba la taaba sɩrba gã'a, la nẽra n nõŋɛ bõnɔ, la pʋtʋʋlgɔ, la yɛmkẽgsɩga, la tõon-dẽgrɔ, la nẽra n ɩtɩ sũure la a tadãana bõnɔ, la pɔ'ɔrɛ yetɔga, la pa'al-m-mẽŋa, la yalm-tõoma.

Tõoma 17:30

Nawẽnnɛ ka geele wakat-sɛka tɩ tõma daan ka mi la. La lɛɛlɛ wã, a bɔ nõorɛ zẽ'a woo yetɩ, nẽrba wuu teege yɛm basɛ tõon-be'ero.

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

1 Korẽntɩ 12:2

Ya mi tɩ yan daan nãn ka bɔ Azezi sɩra la, ya daan taagɛ la baga n de mugro la poore dɔla, ka tãna wʋn basɛ.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

Galatɩ 5:19

Nẽrsaala mẽŋa yɛmleego n boorɩ se'em na de la vẽelga vẽelga. La de la yalsɩ, la tõon-dẽgrɔ, la tõon-yooro,

Galatɩ 5:21

La nõŋɛ bõnɔ, la dãam buka, la pʋyã'an-yooro, la bõnɔ basɛba n wõn na bõn-bãma. Mam dẽŋɛ kã'ana ya mɛ, wʋ mam n daan põn yele ya se'em na, tɩ nẽr-sɛka woo n ɩtɩ bõn-bãma kãn yẽ zẽ'am Nawẽnnɛ so'olʋm pʋam.

Efɛɛzɩ 5:18

Da yũura-ya dãam bugra, tɩ a sã'anɩ la nẽra. Basɛ-ya tɩ Nawẽnnɛ Sɩa sɔna ya, tõnna la ya lɛ sɛla woo pʋam.

1 Tesaloniki 4:5

Da basɛ-ya tɩ yalsɩ tõoma yɛmleego tara ya, wʋ sɛba n ka dolɩ Nawẽnnɛ n ɩtɩ se'em na.

Taitusi 3:3

Tõma mẽ daan de la nẽrba n ka mi sɛla, la sɩ'ɩsrɩba, la nẽrba n bʋrgɛ ka dɔla sɩra sore, tɩ tõma yɛmleego, la bõn-yooro tɩ tõma boorɩ la sɔna tõma. Tõma daan vɔa la pʋtʋʋlgɔ pʋam, ɩta sũure la tɩ taaba bõnɔ, dee dɛna nẽrba tɩ ba ka nõŋɛ, dee sisra taaba.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.