1 Pita 4:13 - Farefare Ninkaré

¹³ Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

ZE'ELEGO PAALEGA

¹³ Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.

1 Pita 4:13 ပူးပေါင်းရင်းမြစ်များ

Amatie 16:27

Nẽrsaala Dayʋa la wʋn leme wa'am mɛ la a Sɔ Nawẽnnɛ na'am pãŋa, la a malɛkadõma. La wakat-ẽŋa a wʋn yɔ nẽra woo masɛ la a tõonɛ.

Amatie 25:21

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

Amatie 25:23

Tɩ a zuudãana la yele ẽ yetɩ: ‹La ãn sõŋa. Fʋ de la tõntõn-sõŋɔ n de sɩra dãana. Fõn ẽŋɛ sɩra la sɛla fẽe tɩ mam bɔ fʋ la ĩyã, mam wʋn basɛ tɩ fʋ sɔna bõnɔ zozo'e bɩsra. Wa'am wa naagɛ la mam ẽŋɛ sũ-yẽlga.›

Amatie 25:31

«Nẽrsaala Dayʋa la sãn leme wa'am la a na'am pãŋa, la a malɛkadõma wuu, a wʋn zĩ'ire la a na'am bĩmbĩnne zuo.

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Amatie 5:12

Ẽŋɛ-ya sũ-yẽlga sɩrʋm, ya yɔɔrɔ n wʋn zo'oge Nawẽnnɛ yire la ĩyã. Ba mẽ daan nãmsɛ Nawẽnnɛ nõtɔ'ɔsrɩba n dẽŋɛ yãma la bɛla.»

Amarkɩ 8:38

Nẽr-sɛka n zoe yãnnɛ mam ĩyã, la mam yetɔga la ĩyã, zamãana ẽna wã n ka dolɩ Nawẽnnɛ la sɩra, dee dɛna tõon-be'ero dõma wã tẽŋasʋka, Nẽrsaala Dayʋa la mẽ wʋn zoe yãnnɛ na ẽ, wakat-sɛka tɩ a wʋn leme wa'am la a Sɔ Nawẽnnɛ na'am pãŋa, la a malɛkadõma la.»

Aluki 17:30

Nẽrsaala Dayʋa la lemŋo daarɛ la mẽ wʋn di'ige ba la bɛla.

Tõoma 16:25

Tɩ sõnsʋa tɩ Apolɩ la Asɩlaasɩ pʋ'ʋsra dee yõona yõoma pẽgra Nawẽnnɛ, tɩ sɛba n po bɔna yʋ'a deem na sɛlsra.

Tõoma 5:41

Tɩ Tõntõnɩba la yese sarɩyadia zẽ'am na sũ-yẽlga, ban masɛ tɩ ba yẽ nãmsgɔ Azezi ĩyã la.

Aromduma 5:3

La tõma ken ɩta la sũ-yẽlga nãmsgɔ pʋam, tõma mi tɩ nãmsgɔ botɩ tɩ mõrgra sẽnna la nẽŋa.

Aromduma 8:17

Tõma n de a kɔma la, tɩ wʋn po to'oge bõn-sõma sɛba tɩ a bĩŋe tɩ a bɔ a kɔma la, tɩ wʋn lagɩm na Krisi po to'oge bõn-sɛba tɩ a wʋn to'oge la. Tõma n nãmsrɩ la Krisi lɛ la, tɩ mẽ wʋn po lagɩm na ẽ yẽ nã'asgɔ.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

2 Korẽntɩ 1:5

Tõma n yẽtɩ nãmsgɔ zo'oge wʋ Krisi la, bɛla, tõma mẽ wʋn yẽ bʋraanɛ zo'oge Krisi ĩyã.

2 Korẽntɩ 1:7

Tõma tarɩ pʋtẽ'erɛ la yãma mɛ, mina sõŋa sõŋa tɩ yãma n po nãmsra la tõma la, yãma mẽ wʋn po yẽ bʋraanɛ la tõma.

2 Korẽntɩ 4:10

Tõma tarɩ nãmsgɔ mɛ tɩ ĩyã pʋam wʋ Azezi kũm nãmsgɔ la daarɛ woo ka gɔ'ɔra, tɩ nẽrba wʋn yẽ Azezi vɔm tõma pʋam.

2 Korẽntɩ 4:17

Nãmsgɔ sɛka tɩ tõma yẽtɩ wakatɛ fẽfẽe wã de la pɩka ka tãna wʋn dɩkɛ makɛ la nã'asgɔ zozo'e n ka tarɩ ba'asgɔ tɩ a wʋn botɩ tõma yẽ la.

Filipi 3:10

Mam n boorɩ se'em wuu de la m bãŋɛ Krisi, la pãn-sɛka n basɛ tɩ a vo'oge la, la m lagɩm na ẽ nãmsɛ, ãna wʋ ẽn ãn se'em a kũm na pʋam,

Kolɔsɩ 1:24

Lɛɛlɛ wã, mam sũure ãn yẽlʋm mɛ, mam n nãmsrɩ bɔ'ɔra yãma la ĩyã. Mam n nãmsrɩ wã de la Krisi nãmsgɔ n deege dɛna mam nãmsɛ bɔ a nẽrba n de a ĩyã la.

2 Timoti 2:12

La tɩ sãn mõrgɛ ze'ele kãŋkãŋɛ, tɩ wʋn lagɩm na ẽ di na'am. Tɩ sãn zagsɛ yetɩ tõma ka mi ẽ, a mẽ wʋn zagsɛ yetɩ ẽŋa ka mi to.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 2:21

La de la bɛla ĩyã tɩ Nawẽnnɛ wi ya. Krisi mẽ daan nãmsɛ yãma ĩyã mɛ, basɛ mãmsgɔ tɩ ya dɔla a nabara ɩta wʋ ẽŋa n ẽŋɛ se'em na.

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.

Lilegere 1:7

Bɩsɛ-ya, a boe la sawara pʋam sẽna. Nẽrsaalba wuu wʋn yẽ ẽ, baa la nẽr-sɛba n daan lʋ ẽ na. Buuri wuu nẽrba n boe dũnia wʋn kɛlla mɛ fabla a yelle. Ẽe, la de la bɛla. Amina.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.