1 Pita 4:11 - Farefare Ninkaré

¹¹ Nẽr-sɛka n tɔgrɩ, a tɔgɛ wʋ Nawẽnnɛ n yele se'em, nẽr-sɛka n tõnnɩ sõŋrɛ tõoma, a sõŋɛ wʋ Nawẽnnɛ n bɔ ẽ pãŋa se'em. Tɩ tõon-bãma wuu wʋn nã'asɛ Nawẽnnɛ yʋ'ʋrɛ Azezi-krisi ĩyã. Ẽŋa n soe nã'asgɔ, la pãŋa wakatɛ n ka ba'asrɩ. Amina.

ZE'ELEGO PAALEGA

¹¹ Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

1 Pita 4:11 ပူးပေါင်းရင်းမြစ်များ

Amatie 6:13

Da basɛ tɩ yelle paagɛ tɔ tɩ tɩ lui. Fãagɛ tɔ be'em dãana nu'usum basɛ. [Tɩ fõn soe so'olʋm, la pãŋa, la nã'asgɔ wakatɛ n ka ba'asrɩ. Amina!]›

Azã 13:31

Azudaasɩ n yese la, tɩ Azezi yetɩ: «Lɛɛlɛ wã Nẽrsaala Dayʋa la wʋn yẽ a na'am pãŋa, la Nawẽnnɛ wʋn yẽ nã'asgɔ a ĩyã.

Tõoma 7:38

La tɩ yaabdõma n yʋʋn lagsɛ weem na, la de la ẽŋa n ze'ele tɩ yaabdõma, la malɛka n tɔgɛ la ẽ Sinayi tãŋa zuo tẽŋasʋka, to'oge Nawẽnnɛ vɔm yetɔga tɔgɛ bɔ tɔ.

Aromduma 11:36

Sɛla woo ze'ele la Nawẽnnɛ zẽ'am. Ẽŋa ĩyã tɩ sɛla woo bɔna, dee dɛna a bõnɔ. Ẽŋa n soe nã'asgɔ wakatɛ wuu. Amina.

Aromduma 12:3

Nawẽnnɛ yel-sõnnɛ tɩ a ẽŋɛ bɔ mam na ĩyã, mam yetɩ ya wuu mɛ, tɩ ya da tẽ'esɛ tẽ'esgɔ n gãnnɩ ya mẽŋa. La tara ya tẽ'esgɔ n masɛ, tɩ la doose wʋ Nawẽnnɛ bɔ'a tɩ a bɔ ya nẽra woo, yãma n bɔ ẽ sɩra la.

Aromduma 16:27

Nawẽnnɛ ayɩla n de yɛm dãana la sɔna nã'asgɔ wakatɛ n ka ba'asrɩ, Azezi-krisi yʋ'ʋrɛ ĩyã. Amina.

Aromduma 3:2

Yõorɔ la zo'oge mɛ. Pɔspɔsɩ, Nawẽnnɛ dɩkɛ a yetɔga ẽŋɛ la Zifdõma nu'usum.

1 Korẽntɩ 10:31

Lan de se'em na, ya sãn dita mɛ, bɩɩ ya yũuri mɛ, bɩɩ sɛla woo tɩ ya ɩtɩ, ɩta-ya ba wuu nã'asra Nawẽnnɛ.

1 Korẽntɩ 12:4

Nawẽnnɛ Sɩa bɔ'a la de la to'oto'ore, la, la de la Sɩa ayɩla mẽŋa n bɔ'ɔrɩ.

1 Korẽntɩ 3:10

Nawẽnnɛ n ẽŋɛ mam yel-sõnnɛ na ĩyã, mam tõm wʋ tõnmẽta n mi mẽa sõŋa n ẽebɛ ẽbrɛ, tɩ nẽra ayẽma mẽ dɔglɛ a zuo. La nẽra woo guuse a mẽŋa la ẽn mẽtɩ se'em na.

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

2 Korẽntɩ 2:17

Tõma ka ãn wʋ nẽrba basɛba zozo'e n dɩkɛ Nawẽnnɛ kõ-yẽlga la lɛɛbra ɛɛra yõorɔ la. Ayɛɩ, la de la Nawẽnnɛ n tõm tõma, tɩ tõma pelge tɩ pʋʋrɛ tɔgra a nẽŋam Krisi doosgo pʋam.

2 Korẽntɩ 9:13

Ba sãn to'oge sõŋrɛ ẽŋa, ba wʋn pẽgɛ Nawẽnnɛ mɛ yãma n pa'alɛ tɩ yãma sakrɩ Krisi kõ-yẽlga la, la yãma n tarɩ yɛmleego, tara ya bõntarsõm pʋta la bãma, la Nawẽnnɛ nẽrba wuu la ĩyã.

Efɛɛzɩ 1:19

Mam ken sɔsra ẽ tɩ a botɩ ya bãŋɛ a pãŋa la n ãn kãtɛ gãŋɛ se'em tɩ a tarɩ tõnna la tõma n bɔ ẽ sɩra la lɛ, wʋ a na'am pãn-kãtɛ n tõnnɩ tõon-kãra se'em na.

Efɛɛzɩ 4:29

Da basɛ-ya tɩ yetɔg-be'ero yese ya nõorʋm, tɔgra-ya yetɔg-sõma n bɔ'ɔrɩ nẽrba bʋraanɛ, tɩ la sõŋra nẽr-sɛba n selsrɩ la, dee ɩta ba sõŋa.

Efɛɛzɩ 5:20

Pʋ'ʋsra-ya tɩ Sɔ Nawẽnnɛ a yel-sõnnɛ sɛla woo pʋam wakatɛ wuu, la tɩ Zuudãana Azezi-krisi yʋ'ʋrɛ.

Efɛɛzɩ 6:10

Sɛla n deege, keŋe ya mẽŋa yẽ Zuudãana pãŋa ze'ele kãŋkãŋɛ a doosgo la pʋam, a pãn-kãtɛ la ĩyã.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Filipi 2:11

Tɩ nẽra woo wʋn yetɩ, Azezi-krisi n de Zuudãana, tɩ la wʋn dɛna nã'asgɔ bɔ tɩ Sɔ Nawẽnnɛ.

Kolɔsɩ 4:6

Basɛ-ya tɩ ya yetɔga ãna sõŋa wakatɛ wuu tara yẽlʋm wʋ yaarʋm na, dee bãŋɛ yan wʋn lerge nẽra woo se'em tɩ la masɛ.

1 Tesaloniki 2:4

La de la Nawẽnnɛ n bɩsɛ tɩ tõma masɛ tɩ a dɩkɛ a kõ-yẽlga la ẽŋɛ tõma nu'usum. Bɛla, tõma ka mõolɩ tɩ la ẽŋɛ nẽrsaalba sũure yẽlʋm, tõma mõolɩ tɩ la ẽŋɛ la Nawẽnnɛ n vẽesrɩ mina tɩ pʋtẽ'erɛ n ãn se'em na sũure yẽlʋm.

1 Timoti 1:17

Nawẽnnɛ n de naba wakatɛ wuu, n ka kiiri, tɩ nini ka yẽta ẽ, ẽŋa ayɩla mã'a sɔna pẽka la nã'asgɔ wakatɛ n ka ba'asrɩ. Amina.

1 Timoti 6:16

Ẽŋa mã'a n vɔa wakatɛ wuu, a boe la peelem n nẽegɛ gãŋɛ pʋam tɩ nẽra ka tãna wʋn paagɛ mĩ, nẽra baa ayɩla ken ka yẽ ẽ, la nẽra nãn ka yẽtɩ ẽ. Ẽŋa n soe nã'asgɔ, la pãŋa n ka ba'asrɩ. Amina.

Taitusi 2:1

La fõn, zãsʋm nẽrba la bõn-sɛba n masɛ la sɩra zãsŋɔ la.

Taitusi 2:15

La de la bɛla tɩ fʋ wʋn zãsʋm ba, bɔ ba bʋraanɛ, dee kã'an ba. Ẽŋɛ bɛla la nõorɛ sɛka tɩ fʋ tarɩ la. Da basɛ tɩ nẽra pɔ'ɔgɛ fɔ.

Hiburuduma 13:7

Tẽra-ya ya nẽŋadõma n mõolɛ Nawẽnnɛ yetɔga bɔ ya la yelle. Bɩsɛ-ya ba vɔm n daan ãn se'em ka paagɛ ba kũm, tɩ ya mẽ ɩta bãma n bɔ sɩra ẽŋɛ se'em na.

Hiburuduma 5:12

Lan yuuge paagɛ se'em wã, la seke nɩ mɛ tɩ yãma lebge karẽnsãandõma pa'ala nẽrba basɛba. La baa bɛla, yãma ken bɔɔra tɩ ba zãsna ya la Nawẽnnɛ pɔspɔsɩ yɛla n de nãana, wʋ kɔma n boorɩ bĩ'isum dee ka bɔɔra di-ke'ene na.

Yemesi 1:19

M sɔbi-nõŋrɩsɩ, bãŋɛ-ya bõn-ẽna wã sõŋa, nẽra woo mõrgɛ sɛlsra sõŋa, la a mã'agɛ a mẽŋa tɔgra, la a da isgra sũure tɔtɔ.

Yemesi 1:26

Nẽr-sɛka woo n tẽ'esrɩ tɩ ẽŋa de la nẽra n dolɩ Nawẽnnɛ, dee ka tãna a nõorɛ yõkra, a pã'asrɩ la a mẽŋa, nẽr-ẽŋa Nawẽnnɛ doosgo la de la zãŋa.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:5

Yãma mẽ vɔa mɛ. Basɛ-ya tɩ Nawẽnnɛ dɩkɛ ya tɩ ya ãna wʋ kuga mẽ deego tɩ a Sɩa bɔna mĩ, tɩ ya ãna wʋ kãabgɔ kẽma bɔna mĩ tõnna wʋ Nawẽnnɛ Sɩa n boorɩ se'em, tɩ la paara a yɛm, Azezi-krisi ĩyã.

1 Pita 4:10

Yãma nẽra woo to'oge la Nawẽnnɛ yel-sõnnɛ bɔ'a, dɩkɛ-ya ba sõŋɛ nẽrba basɛba. Bɛla tɩ ya wʋn dɛna nẽrba n bɩsrɩ Nawẽnnɛ bɔ'a to'oto'ore la yelle sõŋa.

1 Pita 4:16

La nẽra sãn nãmsra ẽŋa n de Krisi nẽra ĩyã, a da zɔta yãnnɛ. A nã'asra Nawẽnnɛ, ban wi'iri ẽ Krisi nẽra la ĩyã.

1 Pita 5:11

Ẽŋa n soe pãŋa wakatɛ n ka ba'asrɩ. Amina.

Azudi 1:25

Nawẽnnɛ ayɩla mã'a n de tɩ Fãagra tɩ Zuudãana Azezi-krisi ĩyã, n soe pẽka, la nã'asgɔ, la pãŋa, la ke'eŋo, lan dẽŋɛ pĩ'iluŋo, la lɛɛlɛ wã, la wakatɛ n ka ba'asrɩ. Amina.