1 Pita 3:4 - Farefare Ninkaré

⁴ Basɛ-ya tɩ ya sõŋa la dɛna sũure pʋam sõŋa n de sũ-bʋgsʋm la sũ-mã'asʋm. Sõŋa ẽna n ka sã'anɩ dee tara yõorɔ zozo'e Nawẽnnɛ nifum.

ZE'ELEGO PAALEGA

⁴ gee tugum bahɛ ya ti ya nunɔm la bɔna ya puan, ya ana ma'ma, gee tara bããlam sia vom la en de sunsɛka en ka tari ba'ahegɔ, tara tuulum kãtɛ Yinɛ nɛŋan la.

1 Pita 3:4 ပူးပေါင်းရင်းမြစ်များ

Amatie 11:29

Dɩkɛ-ya mam sɔgrɩga sɔgɛ ya mẽŋa, zãsʋm sɛla tɩ mam wʋn pa'alɛ ya la, tɩ ya wʋn yẽ vo'osgo. Se'ere n soe la, mam de la sũ-bʋgsʋm dãana, la sik-m-mẽŋa dãana.

Amatie 21:5

A yʋʋn yetɩ: «Yele-ya Siyõ tẽŋa nẽrba yetɩ: ‹Ya naba la n wãna n sẽm. A sike a mẽŋa bã la bõŋa, la a biire sẽna.› »

Amatie 23:26

Yãma Farisi dõma, ya de la fɔɔsɩ! Peege-ya ya laasɩ la pʋam pɔspɔsɩ, tɩ ba poore la mẽ wʋn ãna sõŋa.

Amatie 5:5

Sũ-bʋgsʋm dõma tarɩ zu-yẽlga, se'ere n soe la, Nawẽnnɛ wʋn bɔ ba dũnia tɩ ba sɔna.

Aluki 11:40

Ya de la geto! La dagɩ Nawẽnnɛ n ẽŋɛ poorʋm na, n ken ẽŋɛ pʋam na?

Aluki 16:15

Tɩ Azezi yele ba yetɩ: «Yãma pa'alɩ ya mẽŋa nẽrba nẽŋam wʋ ya de la nẽr-sõma. La Nawẽnnɛ mi ya pʋtẽ'era n ãn se'em mɛ. Bõn-sɛka tɩ nẽrsaalba pẽgrɩ la, de la bõn-dẽgrɔ Nawẽnnɛ zẽ'am.

Aromduma 1:23

Lan de ba nã'asra Nawẽnnɛ n ka kiiri n tarɩ na'am pãŋa la, ba tõn nã'asra la bõna tɩ nẽrba mãalɛ n ãn wʋ nẽrsaalba n kiiri, la bõn-ẽgla, la sɛla n tarɩ nãma anaasɩ, la bõn-vuula.

Aromduma 2:29

Zifu sɩra sɩra de la sɛka n de Zifu a sũure pʋam. Wãaga sɩra sɩra de la Nawẽnnɛ Sɩa n ɩtɩ sũure pʋam, la dagɩ wãaga wʋ lɔɔ n gʋlsɛ se'em na. Nawẽnnɛ n pẽgrɩ nẽr-ẽŋa, la dagɩ nẽrsaalba.

Aromduma 6:6

Tɩ mina-ya tɩ tõma n de se'em kʋrʋm na lagɩm na Krisi mɛ ki dɔ-puurŋa la zuo, tɩ tõma tõon-be'ero yɛmleego pãŋa wʋn sã'am ba'asɛ, tɩ tõma kãn le dɛna tõon-be'ero yamsɩ.

Aromduma 7:22

Mam sũure pʋam, mam ɩtɩ sũ-yẽlga mɛ la Nawẽnnɛ lɔɔ la.

2 Korẽntɩ 10:1

Mam Apolɩ tɩ ya yetɩ, mam sãn bɔna yãma zẽ'am, mam de la nẽr-bʋgsgɔ, la mam sãn ka bɔna yãma zẽ'am, mam tarɩ la bʋraanɛ tɔgra la, mam belnɩ ya mɛ la Krisi sũ-bʋgsʋm, la a sõŋa.

2 Korẽntɩ 4:16

Bɛla tɩ tõma bʋraanɛ ka bɔ'ɔra. La baa tõma ĩyã n sã'anɩ na, tõma sɩa lebgrɩ la paalga daarɛ woo.

Galatɩ 5:23

la sũ-bʋgsʋm, la yõk-m-mẽŋa. Lɔɔ ka boe n sɩ'ɩsrɩ bõn-bãma.

Efɛɛzɩ 4:2

La masɛ mɛ tɩ ya sikra ya mẽŋa sɛla woo pʋam, tara sũ-bʋgsʋm, la sũ-mã'arɛ, la ya tara nõŋlʋm da isgra sũure la taaba.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

Kolɔsɩ 3:3

Se'ere n soe la, ya ki mɛ, la ya vɔm boe la Krisi lɛ Nawẽnnɛ zẽ'am.

1 Tesaloniki 4:11

Mõrgɛ ya mẽŋa vɔa la sũ-mã'asʋm, la ya bɩsra ya mẽŋa tõoma yelle, tõnna-ya la ya mẽŋa nu'usi dita, wʋ tõma n daan yele ya se'em na.

2 Tesaloniki 3:12

Tõma yetɩ nẽr-bãma mɛ, dee kã'ana ba la Zuudãana Azezi-krisi yʋ'ʋrɛ tɩ ba yõkɛ ba mẽŋa mõrgɛ tõm bɩsɛ ba mẽŋa yelle.

1 Timoti 2:2

Sɔsra-ya Nawẽnnɛ bɔ'ɔra na'adõma, la sɛba wuu n tarɩ ke'eŋo, tɩ tɩ tã'agɛ vɔa la laafɛ, tɩ dãaŋɔ da bɔna, tɩ tɩ tã'agɛ dɔla Nawẽnnɛ sore sõŋa, tɩ tɩ yel-ɩrɛ ãna sõŋa.

2 Timoti 2:25

La masɛ tɩ a pa'ala nẽr-sɛba n ka sakrɩ la, la sũ-bʋgsʋm, tɩ Nawẽnnɛ tã wʋn basɛ tɩ ba teege yɛm mɛ bãŋɛ sɩra,

Taitusi 3:2

Ba da tɔgra nẽrba be'em, ba da dɛna zɛbzɛbrɩba, la ba dɛna nẽrba n tarɩ sũ-mã'asʋm, dee ɩta sũ-bʋgsʋm la nẽrba wuu.

Yemesi 1:21

Bɛla, basɛ-ya sɛla n de tõon-dẽgrɔ buuri wuu, la sɛla n de pʋtʋʋlgɔ wuu, dee sike ya mẽŋa to'oge Nawẽnnɛ yetɔga la tɩ a dɩkɛ ẽŋɛ ya sũure pʋam, n tã wʋn fãagɛ ya la.

1 Pita 1:23

Ba dɔgɛ yãma la dɔg-paalga, la dagɩ nẽrsaala dɔka n bɔ'ɔrɩ vɔm sɛka n sã'anɩ la, la de la Nawẽnnɛ yetɔga n vɔa dee bɔna wakatɛ wuu la, n botɩ ya yẽ dɔg-paalga tara vɔm n ka ba'asrɩ.

1 Pita 3:15

Nã'asra-ya Krisi ya sũure pʋam, basɛ-ya tɩ a dɛna ya Zuudãana. Mãasʋm-ya wakatɛ wuu lɛrgra nẽr-sɛka woo n sokrɩ ya, bɔɔra tɩ a bãŋɛ yãma n tarɩ pʋtẽ'erɛ gu'ura sɛla la yelle n ãn se'em na.