1 Pita 3:16 - Farefare Ninkaré

¹⁶ La ya ɩta bɛla la sũ-bʋgsʋm, la wɔɔrɛ. Ɩta-ya sɛla tɩ ya mi ya sũure pʋam tɩ la ãn sõŋa, tɩ yãnnɛ yõkɛ sɛba n tɔgrɩ ya be'em, yãma n tõnnɩ sõŋa Krisi ĩyã la.

ZE'ELEGO PAALEGA

¹⁶ Tari ya susunɛ, ti ba han pun yi'ira ya yu'yooro, sɛba en keheri ya itesuŋɔ Kiresta puan la, vi wan di ba.

1 Pita 3:16 ပူးပေါင်းရင်းမြစ်များ

Amatie 5:11

Yãma sɛba tɩ ba tʋʋrɩ ya, nãmsra ya, tɔgra ya tɔg-be'ero dee parna bɔ'ɔra ya, yan dolɩ mam na ĩyã, tarɩ zu-yẽlga.

Tõoma 24:16

Bɛla tɩ mam mõrgra daarɛ woo tɩ m bãŋɛ m sũure pʋam tɩ mam ka ẽŋɛ be'em Nawẽnnɛ la nẽrba nifum.

Tõoma 28:22

La tõma boorɩ tɩ tɩ wõm na fõn tẽ'esrɩ se'em, la sãn dɛna sore la tɩ fʋ dolɩ la, tõma mi tɩ zẽ'a woo ba sɩ'ɩsrɩ ẽ mɛ.»

Aromduma 9:1

Mam yetɩ la sɩra, mam de la Krisi nẽra, mam ka parnɩ. Nawẽnnɛ Sɩa n botɩ mam mina m sũure pʋam tɩ mam n yetɩ m yele se'em na, de la sɩra.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 4:2

Tõma zagsɛ mɛ ka tõnna tõon-sɛba wuu n sʋgɛ n de yãnnɛ tõoma la, tõma ka ɩtɩ yɛm pã'asra nẽrba. La tõma ka teerɩ Nawẽnnɛ yetɔga. Tõma tɔgrɩ pa'ala la sɩra vẽelga vẽelga, tɩ nẽrba sũure n mi se'em na wʋn bãŋɛ tɩ tõma ɩtɩ sɛla n ãn sõŋa Nawẽnnɛ nifum.

1 Timoti 1:19

ken bɔ Nawẽnnɛ sɩra, dee ɩta sɛla tɩ fʋ mi fʋ sũure pʋam tɩ la ãn sõŋa. Nẽrba basɛba zagsɛ bɛla mɛ, tɩ bõn-ẽŋa basɛ tɩ ba ka le dɔla Azezi sore.

1 Timoti 1:5

Mam yetɩ fʋ yele ba bɛla, tɩ ba tara la pʋtẽ'erɛ n ãn sõŋa, dee bãŋɛ ba sũure pʋam tɩ ba ka tarɩ dõrga, dee bɔ Nawẽnnɛ sɩra la ba sũure wuu tɩ ba nõŋlʋm zo'oge.

2 Timoti 1:3

Mam pʋ'ʋsrɩ Nawẽnnɛ a yel-sõnnɛ, mam tõnnɩ bɔ'ɔra ẽ mina m sũure pʋam tɩ la ãn sõŋa, wʋ mam yaabdõma n yʋʋn tõnnɩ bɔ'ɔra ẽ se'em na. Mam tẽrɩ fʋ yelle m pʋ'ʋsgɔ pʋam yʋ'ʋŋɔ la wʋntɛɛŋa ka basra.

Taitusi 2:8

La fʋ tɔgra sɩra tɩ ba da tã'agɛ zɛrgɛ fɔ, tɩ yãnnɛ wʋn yõkɛ sɛba n sɩ'ɩsrɩ la, ban kãn yẽ sɛla n de be'em tɩ zẽ'am tɔgɛ la ĩyã.

Hiburuduma 13:18

Pʋ'ʋsra-ya Nawẽnnɛ bɔ'ɔra tɔ. Tõma mi tɩ sũure pʋam mɛ tɩ tõma ka ẽŋɛ be'em, tõma boorɩ mɛ tɩ tɩ yel-ɩrɛ ãna sõŋa sɛla woo pʋam.

Hiburuduma 9:14

Krisi zɩɩm na tarɩ pãŋa mɛ gãnna bɛla zozo'e. Ẽŋa ka tarɩ tuure, la doose la Nawẽnnɛ Sɩa n boe wakatɛ wuu tɩ a dɩkɛ a mẽŋa bɔ Nawẽnnɛ, peege tɩ tõon-be'ero n sẽm na kũm na, tɩ tɩ sũure ãna sõŋa, tɩ tɩ tõnna bɔ'ɔra vɔm dãana Nawẽnnɛ.

1 Pita 2:12

Basɛ-ya tɩ ya yel-ɩrɛ ãna sõŋa nẽr-sɛba n ka dolɩ Nawẽnnɛ na tẽŋasʋka, tɩ baa ba sãn dõta ya yetɩ ya de la tõon-be'ero dõma, ba wʋn yẽ ya tõon-sõma la, nã'asɛ Nawẽnnɛ a wa'aŋɔ daarɛ.

1 Pita 2:15

Se'ere n soe la, Nawẽnnɛ n boorɩ se'em de la ya ɩta sõŋa, basɛ tɩ nẽr-sɛba n ka mi sɛla dee tɔgra gɔɔn-yetɔga la go'oge.

1 Pita 2:19

Nẽra sãn sakra nãmsgɔ n ka masɛ nɩ tɩ a nãmsɛ, ẽn sakrɩ Nawẽnnɛ na ĩyã, la de la yel-sõnnɛ.

1 Pita 3:21

Bɛla de la makrɛ pa'ala ko'om misga n fãarɩ ya lɛɛlɛ wã. Ko'om misga dagɩ ĩyã dẽgrɔ yɛsga yelle, la de la sɛla n pa'alɩ tɩ nẽra looge yɛm tɩ a doose Nawẽnnɛ la pʋpeelem. Ko'om misga fãarɩ ya mɛ Azezi-krisi n ki dee vo'oge la ĩyã.

1 Pita 4:4

La lɛɛlɛ wã, yãma n ka le lagɩm na ba lɛ tõnna tõon-dẽgrɔ bãma la, ba ka bãŋɛ a võorɛ, tɩ ba tʋʋra ya.