1 Pita 3:14 - Farefare Ninkaré

¹⁴ La baa nẽrba sãn nãmsra ya yan ɩtɩ sɛla n masɛ ĩyã, ya wʋn yẽ yel-sõnnɛ. Bɛla, da zɔta-ya ba dabeem, la ya da basɛ tɩ la dãana ya.

ZE'ELEGO PAALEGA

¹⁴ Gee ya han pun nameha yan iti sɛla en de ma'a zuo, sum boi mɛ la ya. Da zoti ya ba, gee me da bahɛ ti la daana ya,

1 Pita 3:14 ပူးပေါင်းရင်းမြစ်များ

Amatie 10:28

Da zɔta-ya sɛba n kʋʋrɩ ĩyã, dee ka tãna wʋn kʋ sɩa la. Zɔta-ya Nawẽnnɛ n tã wʋn botɩ ya ĩyã, la ya sɩa sã'am bug-tẽŋa la.

Amatie 10:31

Bɛla ĩyã, da zɔta-ya dabeem, yãma tarɩ yõorɔ gãnna niinto zozo'e mɛ.

Amatie 10:39

La nẽr-sɛka woo n boorɩ tɩ a gu a vɔm, a wʋn koŋe ẽ. La nẽr-sɛka n basɛ a vɔm mam ĩyã, a wʋn yẽ ẽ.»

Amatie 16:25

Se'ere n soe la, nẽr-sɛka woo n boorɩ tɩ a gu a vɔm, a wʋn koŋe ẽ. La nẽr-sɛka woo n sakɛ tɩ a koŋe a vɔm mam ĩyã, a wʋn yẽ vɔm.

Amatie 19:29

La sɛba wuu n basɛ ba yiɛ, bɩɩ ba kẽendõma, la ba yɩbsɩ, bɩɩ ba sɔdõma, bɩɩ ba madõma, bɩɩ ba kɔma, bɩɩ ba vatɔ mam yʋ'ʋrɛ ĩyã, ba wʋn to'oge bãma n basɛ sɛla la nõorɛ kɔbga, dee yẽ vɔm n ka ba'asrɩ.

Amarkɩ 10:29

Tɩ Azezi yele yetɩ: «Mam yetɩ ya la sɩra, tɩ nẽr-sɛka n basɛ a yire, bɩɩ a kẽendõma, la a yɩbsɩ, bɩɩ a ma, bɩɩ a sɔ, bɩɩ a kɔma, bɩɩ a vatɔ mam ĩyã, la Nawẽnnɛ kõ-yẽlga la ĩyã,

Amarkɩ 8:35

Nẽr-sɛka woo n boorɩ tɩ a gu a vɔm, a wʋn koŋe ẽ. La nẽr-sɛka woo n sakɛ tɩ a koŋe a vɔm mam ĩyã, la kõ-yẽlga la ĩyã, a wʋn yẽ vɔm.

Azã 14:1

Azezi le yele ba yetɩ: «Da basɛ-ya tɩ ya sũure sã'am. Bɔ-ya Nawẽnnɛ sɩra, la ya bɔ mam mẽ sɩra.

Azã 14:27

Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Tõoma 9:16

Mam wʋn pa'alɛ ẽ ẽn wʋn nãmsɛ se'em mam yʋ'ʋrɛ ĩyã.»

2 Korẽntɩ 12:10

Bɛla n soe tɩ mam ɩta sũ-yẽlga m tɔrgɔ la pʋam, la tʋʋrɛ pʋam, la tooro pʋam, la nãmsgɔ pʋam, la sũ-sã'aŋɔ pʋam, mam n sakɛ Krisi la ĩyã. Se'ere n soe la, mam tɔrgɔ la pʋam tɩ mam tarɩ pãŋa.

Filipi 1:29

Se'ere n soe la, Nawẽnnɛ n ẽŋɛ ya yel-sõnnɛ na, la dagɩ ya bɔ Krisi sɩra mã'a, la de la ya ken nãmsɛ a ĩyã.

Yemesi 1:12

Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

Yemesi 5:11

Tõma yetɩ mɛ tɩ sɛba n mõrgɛ ze'ele kãŋkãŋɛ Nawẽnnɛ sore pʋam na, de la zu-yẽlga dõma. Ya wõm ban tɔgɛ Azɔɔbɩ n ze'ele kãŋkãŋɛ se'em yelle, la ya yẽ ba'asgɔ Nawẽnnɛ n ẽŋɛ se'em bɔ ẽ. Se'ere n soe la, Nawẽnnɛ de la ninbãal-zɔta, dee tara nẽrba zĩile.

1 Pita 3:6

Asaara yʋʋn ãn na bɛla sakra a sɩra Abraham nõorɛ, wi'ira ẽ tɩ a zuudãana. Ya sãn tõnna tõon-sõma, dee ka basɛ tɩ ba kẽ'esɛ ya dabeem, ya de la a pɔyɔɔsɩ.