1 Pita 2:8 - Farefare Ninkaré

⁸ La ken gʋlsɛ yetɩ: «La de la kug-ẽŋa n wʋn basɛ tɩ nẽrba wẽ'era nãma, dee dɛna tãmpĩ-sɛka n wʋn basɛ tɩ ba lui.» Ban wẽ'erɩ nãma la, la de la ban ka bɔ Nawẽnnɛ yetɔga sɩra la ĩyã, wʋ lan masɛ tɩ la ẽŋɛ ba se'em na.

ZE'ELEGO PAALEGA

⁸ gee “Me dɛna kuge se'ere ti ba sɛrena de zuo luta, dɛna tansɛka en piti ba lɔbera.” Ban piti luta la dela, ban ka nam yelehum la, wuu ban pun maahum ba ti ba iŋɛ se'em la.

1 Pita 2:8 ပူးပေါင်းရင်းမြစ်များ

Aluki 2:34

Tɩ Asimeyõ kã kã'a-sõma bɔ ba, dee yele bia la ma Amaari tɩ Nawẽnnɛ looge bi-ẽna tɩ a botɩ Ɩsrayɛlɩ dõma zozo'e lui mɛ, dee tɩ zozo'e mẽ isge. Ẽŋa n wʋn pa'alɛ Nawẽnnɛ tõoma, dee tɩ nẽrba zozo'e wʋn zagsɛ ẽ.

Aromduma 9:22

La de la bɛla tɩ Nawẽnnɛ ẽŋɛ. Nawẽnnɛ boorɩ tɩ a pa'alɛ la a sũ-isgre, dee botɩ nẽrba wuu bãŋɛ a pãŋa. La a yõkɛ a mẽŋa mɛ, mã'agɛ a sũure la sɛba n masɛ tɩ a sũ-isgre sige ba zuto, dee nara tɩ a sã'am ba la.

1 Korẽntɩ 1:23

Tõma nõo mõolɩ la Krisi n ki kũm dɔ-puurŋa zuo la kõ-yẽlga, kõ-yẽlga ẽŋa tɩ Zifdõma dɩkɛ tɩ a dɛna pɔ'ɔrɛ yetɔga, tɩ sɛba n dagɩ Zifdõma la dɩkɛ tɩ la dɛna yalnɛ.

2 Korẽntɩ 2:16

La sãn dɛna la nẽrba basɛba, la de la kũm yũuŋo n sẽm na kũm, la nẽrba basɛba zẽ'am, la de la vɔm yũuŋo n bɔ'ɔrɩ vɔm. Ãne n wʋn tã'agɛ tõm tõon-ẽŋa?

Galatɩ 5:11

M sɔbiisi, la sãn dɛna sɩra tɩ mam mẽŋa ken mõola mɛ yɛta tɩ ba wãta, bẽm tɩ Zifdõma nãmsra mam? La sãn de nɩ na bɛla, mam n mõolɩ Krisi n ki dɔ-puurŋa zuo tɩ ba nãmsra mam na kãn le bɔna.

1 Tesaloniki 5:9

Nawẽnnɛ ka looge to tɩ a sũ-isgre sã'am tɔ, a looge to tɩ tɩ yẽ la fãarɛ tɩ Zuudãana Azezi-krisi ĩyã.

1 Pita 2:6

La gʋlsɛ Nawẽnnɛ gõŋɔ pʋam yetɩ: «Bɩsɛ, mam looge la kugre n tarɩ yõorɔ zozo'e ẽebɛ m deego Siyõ, ẽŋa n de kugre n botɩ deego la tara pãŋa. Nẽr-sɛka n bɔ ẽ sɩra, yãnnɛ kãn yõkɛ ẽ.»

1 Pita 2:7

Yãma sɛba n bɔ ẽ sɩra la, a tarɩ la yõorɔ zozo'e bɔ ya. La sɛba n ka bɔ ẽ sɩra la, la gʋlsɛ ba yelle yetɩ: «Kug-sɛka tɩ tõnmẽtba zagsɛ la n lebge kugre n botɩ deego la tara pãŋa.»

2 Pita 2:3

Ban boorɩ bõntarsõm zo'oge la ĩyã tɩ ba wʋn tɔgɛ nõ-yẽlʋm yetɔga pã'asɛ ya, yẽ yõorɔ ya zẽ'am. La halɩ kʋrʋm kʋrʋm tɩ ba sɩbgrɛ põn mãasʋm gu'ura ba, ba sã'aŋɔ kãn viige.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.