1 Pita 2:4 - Farefare Ninkaré

⁴ Lɛm-ya Zuudãana n de vɔm dãana la zẽ'am, ẽŋa ãn wʋ kug-sɛka tɩ nẽrba zagsɛ, tɩ Nawẽnnɛ looge ẽ tɩ a tara yõorɔ zozo'e.

ZE'ELEGO PAALEGA

⁴ Wa'am ya a zi'an na, eŋa en de vom ɛ̃berɛ kugere la, la saaleba en pun zagehɛ en la, gee eŋa ti Yinɛ looe, ti a dɛna tuulum lɔkɔ Yinɛ nɛŋan.

1 Pita 2:4 ပူးပေါင်းရင်းမြစ်များ

Amatie 11:28

«Wa'am-ya mam zẽ'am, yãma sɛba wuu n tʋ ze-tɩbsa targɛ la, tɩ mam wʋn bɔ ya vo'osgo.

Amatie 12:18

A yʋʋn yetɩ: «Mam tõntõnna tɩ mam looge n wãna: Nẽr-sɛka tɩ mam nõŋɛ, a paagɛ la mam yɛm. Mam wʋn basɛ tɩ m Sɩa pãŋa bɔna la ẽ, tɩ a mõolɛ sɩra, la sɛla n masɛ mam yɛm bɔ buuri wuu.

Amatie 21:42

Tɩ Azezi yele ba yetɩ: «Yãma nãn ka karẽŋɛ Nawẽnnɛ gõŋɔ la n yetɩ: ‹Kug-sɛka tɩ tõnmẽtba zagsɛ la n lebge kugre n botɩ deego la tara pãŋa. La de la Zuudãana Nawẽnnɛ n ẽŋɛ bõn-ẽna, tɩ la dɛna yel-di'iŋa bɔ tõma.›

Azã 14:19

La sãn ẽŋɛ fẽe, dũnia nẽrba kãn le yẽ mam. La yãma nõo wʋn yẽ mam, se'ere n soe la, mam n vɔa la, yãma mẽ wʋn vɔa mɛ.

Azã 14:6

Tɩ Azezi lerge ẽ yetɩ: «Mam n de sore, la sɩra, la vɔm dãana. Nẽra nẽra ka tã wʋn wa'am mam Sɔ zẽ'am, tɩ la sãn ka doose la mam.

Azã 5:26

Se'ere n soe la, Sɔ Nawẽnnɛ n tarɩ vɔm a mẽŋa bɔ'ɔra se'em na, a bɔ a Dayʋa la mẽ vɔm na bɛla, tɩ a tara bɔ'ɔra.

Azã 5:40

La ya ka boorɩ tɩ ya wa'am mam zẽ'am wa yẽ vɔm na.

Azã 6:37

Sɛba wuu tɩ mam Sɔ Nawẽnnɛ bɔ'ɔrɩ mam, sẽm mam zẽ'am mɛ. La sɛka n sẽm mam zẽ'am, mam kãn dige nẽra baa ayɩla basɛ.

Azã 6:57

Mam Sɔ n tõm mam na, de la vɔm dãana, ẽŋa ĩyã tɩ mam tara vɔm, bɛla, sɛka n diti mam ĩyã mẽ wʋn vɔa mam ĩyã.

Aromduma 5:10

Tõma daan de la Nawẽnnɛ bɛ'ɛba, la a Dayʋa la kũm ĩyã tɩ tõma naagɛ la ẽ. Bɛla, tõma n naagɛ la Nawẽnnɛ na, la de la sɩra tɩ Krisi n vɔa la ĩyã, tɩ wʋn yẽ fãarɛ.

1 Korẽntɩ 3:11

Nawẽnnɛ dɩkɛ la Azezi-krisi tɩ a dɛna ẽbrɛ la. Ẽbrɛ ayẽma ka le bɔna tɩ nẽra wʋn ẽebɛ.

Kolɔsɩ 3:4

La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

1 Pita 1:19

La de la Krisi zɩɩm n tarɩ pãŋa la. Ba kʋ Krisi la tõma ĩyã wʋ pebila n ãn sõŋa dee ka tara zãnnɛ.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

1 Pita 2:7

Yãma sɛba n bɔ ẽ sɩra la, a tarɩ la yõorɔ zozo'e bɔ ya. La sɛba n ka bɔ ẽ sɩra la, la gʋlsɛ ba yelle yetɩ: «Kug-sɛka tɩ tõnmẽtba zagsɛ la n lebge kugre n botɩ deego la tara pãŋa.»

2 Pita 1:1

Mam Asimõ-pɩyɛɛrɩ n de Azezi-krisi yamŋa la a Tõntõnna, n gʋlsɛ gõŋɔ wã bɔ'ɔra yãma sɛba tɩ Azezi-krisi n de Nawẽnnɛ la tɩ Fãagra n masɛ sɛla woo pʋam, botɩ ya bɔ ẽ sɩra sõŋa wʋ tõma n bɔ ẽ sɩra se'em na.

2 Pita 1:4

La de la bɛla tɩ a bɔ tɔ bɔ'a sɛba n ãn sõŋa gãnna wuu tɩ a bĩŋe nõorɛ tɩ a bɔ tɔ la. Tɩ bõn-bãma ĩyã ya wʋn tã'agɛ lɔkɛ be'em yɛmleego n boe dũnia zuo sã'ana nẽrba la, dee lebge ãna wʋ Nawẽnnɛ n ãn se'em na.