1 Pita 2:24 - Farefare Ninkaré

²⁴ Ẽŋa n to'oge tõma zẽ'am ki dɔ-puurŋa zuo tõma tõon-be'ero ĩyã, tɩ la sãn dɛna la tõon-be'ero tõoma, tõma ãn wʋ tɩ ki mɛ, dee vɔa ɩta sɛla n masɛ. A pɔglʋŋɔ la ĩyã tɩ ya yẽ laafɛ.

ZE'ELEGO PAALEGA

²⁴ Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 2:24 ပူးပေါင်းရင်းမြစ်များ

Amatie 8:17

La de la bɛla tɩ Nawẽnnɛ nõtɔ'ɔsa A'ezayi n yʋʋn yele se'em na ẽŋɛ. A yʋʋn yetɩ: «Ẽŋa n to'oge tõma tooro, la tɩ bã'asɩ basɛ.»

Aromduma 6:11

Bɛla mẽ, geele-ya ya mẽŋa wʋ yãma ki mɛ tɩ tõon-be'ero ka le sɔna ya, dee vɔa bɔ'ɔra Nawẽnnɛ nã'asgɔ, yãma n lagɩm na Azezi-krisi dɛna ayɩla la ĩyã.

Lilegere 22:2

zɔta tẽŋa la pʋam pallɛ tẽŋasʋka. Tɩa n bɔ'ɔrɩ vɔm n boe kʋlaaga la sakʋgrɔ bayi la wɔnna biɛ nõorɛ pia la ayi yʋʋnɛ pʋam. A wɔnnɩ na nõorɛ ayɩla wõrga woo pʋam. Tɩa la võorɔ bɔ'ɔrɩ la dũnia so'olʋm wuu ĩmã'asʋm.

1 Zã 2:29

Yãma mi tɩ Krisi de la sɛka n masɛ, bɛla, bãŋɛ-ya tɩ nẽr-sɛka n mẽ ɩtɩ sɛla n masɛ de la Nawẽnnɛ bia.

Yemesi 5:16

Bɛla, pelge ya pʋa tɔgɛ ya tõon-be'ero pa'alɛ taaba, pʋ'ʋsɛ bɔ taaba, tɩ ya wʋn yẽ ĩmã'asʋm. Nẽra n masɛ Nawẽnnɛ zẽ'am pʋ'ʋsgɔ tõnnɩ mɛ la pãŋa zozo'e.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

Galatɩ 3:13

La tõma n ka ẽŋɛ lɔɔ la n yele se'em na wuu ĩyã, Nawẽnnɛ kã'a-be'ego n boe tõma zuto. La Krisi n ki dɔ-puurŋa zuo la, a dɔkɛ kã'a-be'ego la tõma zuto mɛ, tɩ ẽŋa mẽŋa sɔɔgɛ tõma zẽ'am, tɩ kã'a-be'ego la bɔna a zuugo, se'ere n soe la, la gʋlsɛ yetɩ: «Kã'a-be'ego boe nẽr-sɛka tɩ ba yulse ẽ dɔɔgɔ zuo la zuugo.»

Aromduma 6:2

Ayɛɩ, la dagɩ bɛla. La sãn dɛna tõon-be'ero ɩrgɔ yelle, tõma de la kũm, tõon-be'ero ka le sɔna tõma. Tɩ wʋn ẽŋɛ la wãne le tõnna tõon-be'ero?

Kolɔsɩ 3:3

Se'ere n soe la, ya ki mɛ, la ya vɔm boe la Krisi lɛ Nawẽnnɛ zẽ'am.

Aromduma 6:13

Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Azã 1:29

Tɩ beere wiige, tɩ Azã yẽ Azezi n sẽm a zẽ'am. Tɩ a yetɩ: «Bɩsɛ-ya, ẽna n de Nawẽnnɛ Pebila n yesrɩ nẽrsaalba tõon-be'ero basra.

Aromduma 7:6

La lɛɛlɛ wã, tõma to'oge tɩ mẽŋa lɔɔ la zẽ'am mɛ. Se'ere n soe la, tõma lebge la kũm lɔɔ la zẽ'am, a daan tarɩ tõma wʋ tõma boe la yʋ'a deego pʋam na. Bɛla lɛɛlɛ wã, tõma dolɩ la so-paalɛ tɩ Nawẽnnɛ Sɩa pa'alɛ tɔ, tõnna bɔ'ɔra Nawẽnnɛ, la ka le dɛna lɔɔ kɛka n gʋlsɛ la tɩ tõma dolɩ.

1 Zã 3:7

M kɔma, da basɛ-ya tɩ nẽra pã'asɛ ya. Sɛka n ɩtɩ sɛla n masɛ, de la nẽra n masɛ, wʋ Azezi mẽŋa n masɛ se'em na.

Aromduma 6:7

Se'ere n soe la, nẽra sãn ki, tõon-be'ero ka le tara pãŋa la ẽ.

Aromduma 6:16

Ya mi tɩ ya sãn dɩkɛ ya mẽŋa bɔ nẽra dɛna a yamŋa sakɛ a nõorɛ, ya sɩrɩ de la sɛka tɩ ya sakrɩ la yamsɩ. Bɛla, ya sãn sakɛ tõon-be'ero, ya de la tõon-be'ero yamsɩ, tɩ la sẽna la kũm. La ya sãn sakɛ Nawẽnnɛ nõorɛ, ya de la a yamsɩ, tɩ a botɩ ya dɛna nẽrba n masɛ a zẽ'am.

2 Korẽntɩ 6:17

Bɛla n soe tɩ Zuudãana Nawẽnnɛ yetɩ: «Yese-ya ba pʋam, welge-ya ya mẽŋa dee basɛ ba. La ya da kalʋm sɛla n de dẽgrɔ, tɩ mam wʋn to'oge ya.

Tõoma 5:30

Nawẽnnɛ tɩ tõma yaabdõma yʋʋn pʋ'ʋsrɩ la n vo'oge Azezi tɩ ya daan ka lablɛ dɔ-puurŋa zuo kʋ la.

Aluki 4:18

«Zuudãana Nawẽnnɛ Sɩa n boe la mam, ẽŋa n looge mam bɔ mam pãŋa, tɩ m bʋglɛ sũ-sã'aŋɔ dõma sũure, tɩ m mõolɛ kõ-yẽlga la bɔ nasdõma, dee tõm mam tɩ m tɔgɛ bɔ yamsɩ tɩ ba wʋn yẽ yolsgo, dee tɔgɛ bɔ fɔɔsɩ tɩ ba nini wʋn pike, dee yese sɛba n boe nãmsgɔ pʋam la basɛ,

Amatie 5:20

Mam yetɩ ya la sɩra sɩra, tɩ ya sãn ka ɩta Nawẽnnɛ n boorɩ se'em na gãnna lɔɔ karẽnsãandõma, la Farisi dõma, ya kãn tã'agɛ kẽ Nawẽnnɛ so'olʋm pʋam.»

Hiburuduma 12:13

Basɛ-ya tɩ ya nãma la sẽnna sorɔɔrɔ n de tẽntẽesɩ zuto, tɩ nẽr-sɛka n dũ'usri la da lui, a wʋn yẽ ĩmã'asʋm.

Tõoma 13:29

La ban daan ẽŋɛ sɛla wuu wʋ lan põn gʋlsɛ a yelle se'em ba'asɛ la, ba sike ẽ dɔ-puurŋa la zuo mɛ laagɛ.

Tõoma 10:35

La buuri wuu pʋam nẽr-sɛka n nannɩ Nawẽnnɛ dee ɩta sɛla woo tɩ la masra, ẽŋa dãana n paagɛ a yɛm.

Hiburuduma 7:26

La de la kãabgɔ kẽma nẽŋadãana n ãn wãna n masɛ tɩ tɩ tara: A de la pʋpeelem dãana, ka tara yelle, ka tara dõrga, a welge a mẽŋa mɛ la tõon-be'ero dõma, tɩ Nawẽnnɛ zẽkɛ ẽ sẽŋɛ saazuum-zuum.

Kolɔsɩ 2:20

Yãma lagɩm na Krisi ki mɛ, tɩ a botɩ dũnia yɛla ka le tara pãŋa la ya lɛ. Bẽm tɩ ya ɩta wʋ dũnia wã n ken sɔna ya, basɛ tɩ ba le mõrgra ya tɩ ya sakra sisgo bãna wã n yetɩ:

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

Tõoma 10:39

Tõma yẽ bõn-sɛba wuu tɩ a daan tõm Zerizalɛm la Zifdõma so'olʋm na wuu mɛ, dee tɩ ba daan ka ẽ dɔ-puurŋa zuo kʋ.

Amatie 27:26

Tɩ Apilatɩ basɛ Abarabasɩ bɔ ba, dee botɩ ba wẽ Azezi la ka'asa, dee dɩkɛ ẽ bɔ tɩ ba ka ka ẽ dɔ-puurŋa zuo.

Efɛɛzɩ 5:9

Peelem tõoma de la sɛla woo n ãn sõŋa, la sɛla n masɛ, la sɩra.

Azã 19:1

Bɛla tɩ Apilatɩ botɩ ba tarɩ Azezi sẽŋɛ ka wẽ ẽ na ka'asa.

Filipi 1:11

tɩ ya tõoma wʋn dɛna tõon-sõma n masɛ n ze'ele Azezi-krisi zẽ'am, tɩ la wʋn botɩ Nawẽnnɛ yẽ pẽka la nã'asgɔ.

Amarkɩ 15:15

La Apilatɩ daan boorɩ tɩ a ẽŋɛ tɩ nẽrba la sũure n ẽŋɛ yẽlʋm, tɩ a yese Abarabasɩ basɛ bɔ ba. Dee botɩ ba wẽ Azezi la ka'asa, dee dɩkɛ ẽ bɔ tɩ ba ka ẽ dɔ-puurŋa zuo.

1 Korẽntɩ 15:3

Zãsŋɔ sɛka n gãnnɩ tɩ mam daan to'oge n bɛla tɩ mam dẽŋɛ zãsʋm ya: Krisi ki la tõma tõon-be'ero ĩyã, wʋ lan gʋlsɛ Nawẽnnɛ gõŋɔ pʋam se'em na.

Kolɔsɩ 2:14

Tõma daan sɩ'ɩsɛ la Nawẽnnɛ lɔɔ, tõm tõon-be'ero n pa'alɛ tɩ tõma masɛ la sɩbgrɛ. La ban ka Krisi kũm dɔ-puurŋa zuo la, Nawẽnnɛ basɛ yel-ẽŋa taalɛ mɛ, tɩ a ka le bɔna tõma zuo.

Hiburuduma 10:5

Bɛla n soe tɩ Krisi n daan sẽm dũnia zuo la, a daan yele Nawẽnnɛ yetɩ: «Fõn ka boorɩ kãabgɔ, la bɔ'a, la fõn ẽŋɛ la ĩyã bɔ mam.

Hiburuduma 10:10

Azezi-krisi ẽŋɛ la Nawẽnnɛ n boorɩ se'em, a dɩkɛ la a mẽŋa kãabɛ bɔ ẽ nõorɛ ayɩla wakatɛ wuu ĩyã, tɩ tõma welge to'ore dɛna Nawẽnnɛ nẽrba.