1 Pita 2:19 - Farefare Ninkaré

¹⁹ Nẽra sãn sakra nãmsgɔ n ka masɛ nɩ tɩ a nãmsɛ, ẽn sakrɩ Nawẽnnɛ na ĩyã, la de la yel-sõnnɛ.

ZE'ELEGO PAALEGA

¹⁹ Se'ere en sɔi la, la dela yɔɔrɛ bɔ'ɔra ya, yan mi' Yinɛ la, ya han ŋmibera too, gee nyɛta namehegɔ seko en dagi tuuntɔɔ.

1 Pita 2:19 ပူးပေါင်းရင်းမြစ်များ

1 Pita 2:20

Fʋ sãn tõm na tõon-be'ero tɩ ba nãmsra fɔ tɩ fʋ sakɛ wĩbra, a ka tarɩ yõorɔ. La fʋ sãn tõm na tõon-sõma tɩ ba nãmsra fɔ, tɩ fʋ sakɛ wĩbra, la de la yel-sõnnɛ Nawẽnnɛ zẽ'am.

1 Korẽntɩ 15:10

La Nawẽnnɛ yel-sõnnɛ ĩyã tɩ mam dɛna mam n de se'em lɛɛlɛ wã. Yel-sõnnɛ na tɩ Nawẽnnɛ bɔ mam na dagɩ zãŋa. Mam tõm gãnna Tõntõnɩba basɛba la wuu mɛ. La, la dagɩ mam mẽŋa n tõnnɩ bɛla, Nawẽnnɛ yel-sõnnɛ na ĩyã tɩ mam yãŋɛ tõnna bɛla.

Aluki 6:32

La ya sãn nõŋɛ sɛba n nõŋɛ ya la mã'a, Nawẽnnɛ wʋn bɔ ya sɛla mɛ bɩɩ? Baa la tõon-be'ero dõma nõŋɛ sɛba n nõŋɛ ba mɛ.

Aromduma 13:5

Bɛla ĩyã tɩ la nara tɩ nẽrba sakra nõorɛ, la dagɩ ban wʋn sɩbgɛ ya la mã'a ĩyã, la de la yan mi ya sũure pʋam tɩ la ãn sõŋa la ĩyã.

Azã 15:21

La ba wʋn ẽŋɛ ya bõn-bãma wuu mam yʋ'ʋrɛ ĩyã, se'ere n soe la, ba ka mi sɛka n tõm mam na.

2 Timoti 1:12

La de la kõ-yẽlga la ĩyã tɩ mam yẽta nãmsgɔ, la mam ka zotɩ yãnnɛ, se'ere n soe la, mam mi sɛka tɩ mam bɔ sɩra la mɛ, la mam mi m sũure pʋam tɩ a tarɩ pãŋa mɛ wʋn gu'ura sɛla tɩ a dɩkɛ ẽŋɛ mam nu'usum na sõŋa, halɩ ka paagɛ Nawẽnnɛ sarɩyadia daarɛ.

2 Korẽntɩ 8:1

M sɔbiisi, tõma boorɩ tɩ ya bãŋɛ la Nawẽnnɛ n ẽŋɛ Masedʋanɩ Wẽndeto la nẽrba yel-sõnnɛ se'em.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

Tõoma 11:23

La ẽn paagɛ yẽ tɩ Nawẽnnɛ ẽŋɛ nẽrba la yel-sõnnɛ se'em na, a sũure ẽŋɛ yẽlʋm mɛ. Tɩ a pa'alɛ ba yetɩ, ba keŋe ba mẽŋa dɔla Zuudãana la ba sũure wuu da basɛ.

Hiburuduma 10:2

Sɛba n ɩtɩ bɛla pʋ'ʋsra Nawẽnnɛ na, sãn malgɛ nɩ mɛ ãna sõŋa wakatɛ wuu ĩyã, ba kãn le tẽ'esra tɩ tõon-be'ero boe bãma zuto, la ba wʋn basɛ mɛ kãn le kãabra.

1 Pita 4:15

La da basɛ-ya tɩ ya nẽr-sɛka nãmsra ẽŋa n de nẽr-kʋʋra, bɩɩ nayiga, bɩɩ tõon-be'ero dãana, bɩɩ nẽra n kẽ'erɩ nẽrba yɛla n ka pakɛ ẽ pʋam.