1 Pita 2:16 - Farefare Ninkaré

¹⁶ Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

ZE'ELEGO PAALEGA

¹⁶ Yamam en de Yinɛ yamehi la, vɔni ya fai, gee la bala za'a, da dikɛ ya fai bɔŋa la tuna be'em.

1 Pita 2:16 ပူးပေါင်းရင်းမြစ်များ

Amatie 23:13

Yãma Farisi dõma, la lɔɔ karẽnsãandõma, pʋlibsum dõma wã, ya wʋn yẽ toogo. Se'ere n soe la, yãma gu'uri la nẽrba tɩ ba da kẽ Nawẽnnɛ so'olʋm pʋam. Ya ka kẽ'erɩ ya mẽŋa, dee mẽ ka basra nẽr-sɛba n boorɩ tɩ ba kẽ la sore tɩ ba kẽ. [

Azã 15:22

Mam sãn ka wa'am nɩ, la mam sãn ka tɔgɛ nɩ la ba lɛ, ba tõon-be'ero taalɛ ka boe ba zuo. La lɛɛlɛ wã, ba ka tã wʋn yetɩ bãma tarɩ bʋʋrɔ.

Aromduma 6:18

Nawẽnnɛ yese ya tõon-be'ero yamnɛ pʋam mɛ, botɩ ya dɛna sɛla n masɛ yamsɩ.

Aromduma 6:22

La lɛɛlɛ wã, Nawẽnnɛ yese ya tõon-be'ero pʋam mɛ, tɩ ya lebge Nawẽnnɛ yamsɩ. Ya yõorɔ de la ya welge to'ore malgra ya mẽŋa dɛna pʋpeelem dõma. Bõn-ẽŋa ba'asgɔ de la vɔm n ka ba'asrɩ.

1 Korẽntɩ 7:22

La nẽr-sɛka n de yamŋa tɩ Zuudãana la wi ẽ, a de la nẽra tɩ Zuudãana botɩ a to'oge a mẽŋa. Bɛla mẽ, nẽr-sɛka n dagɩ yamŋa tɩ Zuudãana Krisi wi ẽ, a de la Krisi yamŋa.

Galatɩ 5:1

Krisi fãagɛ tɩ basɛ tɩ tɩ sɔna la tɩ mẽŋa. Bɛla, zɛ-ya kãŋkãŋɛ, da sakɛ-ya le kẽ'esɛ ya mẽŋa yamnɛ pʋam.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Efɛɛzɩ 6:6

Da ɩta-ya bɛla ba nifum mã'a tɩ ba pẽgɛ ya. Yãma n de Krisi yamsɩ la, ɩta-ya Nawẽnnɛ n boorɩ se'em la ya sũure wuu.

Kolɔsɩ 3:24

yãma n mi tɩ ya wʋn to'oge la yɔɔrɔ tɩ Zuudãana la bĩŋe tɩ a bɔ a nẽrba la ĩyã. La de la Krisi n de Zuudãana la tɩ ya tõnnɩ bɔ'ɔra.

1 Tesaloniki 2:5

Yãma mi sõŋa tɩ tõma ka dɩkɛ nõ-yẽlʋm pã'asɛ nẽrba, la tõma ka dɩkɛ kõnkomã'asʋm tɔgɛ tɩ tɩ to'oge sɛla, Nawẽnnɛ n de tõma kaset-dãana.

Yemesi 1:25

La nẽr-sɛka n tarɩ Nawẽnnɛ lɔɔ n masɛ sõŋa n yolsrɩ nẽrba la, dee sakɛ ẽ sõŋa ɩta lan yele se'em na, ẽŋa dagɩ nẽra n selsrɩ dee yĩnna, ẽŋa dãana tarɩ la sũ-yẽlga ẽŋa n ɩtɩ sɛla la pʋam.

Yemesi 2:12

Tɔgra-ya dee tõnna tɩ la masɛ la lɔɔ n yolsrɩ nẽrba la, mina tɩ Nawẽnnɛ wʋn dɩkɛ la ẽŋa di ya sarɩya.

2 Pita 2:19

Ba yetɩ nẽrba la tɩ ba wʋn yẽ yolsgo, dee tɩ ba mẽŋa dɛna tõon-dẽgrɔ n wʋn sã'am ba la yamsɩ. Se'ere n soe la, nẽra woo de la sɛla n soe ẽ na yamŋa.

Azudi 1:4

Se'ere n soe la, nẽrba basɛba n li'ise kẽ ya pʋam. Nẽr-bãma de la sɛba n sɩ'ɩsrɩ Nawẽnnɛ, tɛɛra a yel-sõnnɛ yetɔga la, dɩkɛ tõnna tõon-dẽgrɔ, dee sɩ'ɩsra Azezi-krisi n de tɩ kɛ'ɛma la tɩ Zuudãana ayɩla mã'a la. Halɩ kʋrʋm kʋrʋm tɩ la põn gʋlsɛ sɩbgrɛ sɛka tɩ ba wʋn yẽ.