1 Pita 2:11 - Farefare Ninkaré

¹¹ M sɩr-nõŋrɩsɩ, yãma de la sãama la kɔɔs-weto dũnia zuo, bɛla mam kã'anɩ ya mɛ tɩ ya basɛ nẽrsaalba n boorɩ se'em n de be'em n sã'anɩ ya la.

ZE'ELEGO PAALEGA

¹¹ N sunɔŋerɛ duma mam ka'ani ya mɛ la ninmu'urɛ, wuu yan de saama, la nɔgereba la, ti ya yehe ya mɛhi ingɔŋɔ wa kɔrehi sɛ'a en zaberɛ la ya sia la puan.

1 Pita 2:11 ပူးပေါင်းရင်းမြစ်များ

Aluki 21:34

Guuse ya mẽŋa tɩ ya yɛm da yɔɔra la di tɩgɛ, la dã-yũure, la dũni-ẽna vɔm yɛla, tɩ Nẽrsaala Dayʋa la lemŋo daarɛ da wa di'ige ya

Tõoma 15:20

Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm.

Tõoma 15:29

La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»

Aromduma 12:1

M sɔbiisi, Nawẽnnɛ n zoe tõma ninbãalga bɛla la, mam kã'anɩ ya tɩ ya dɩkɛ ya mẽŋa bɔ ẽ tɩ la ãna wʋ kãabgɔ n vɔɩ, tɩ ya welge to'ore dɛna a nẽrba n paarɩ a yɛm. Bɛla n de pʋ'ʋsgɔ sore n masɛ bɔ Nawẽnnɛ.

Aromduma 7:23

La mam yẽ la bõnɔ ayẽma n boe mam pʋam zɛbra la mam pʋtẽ'e-sõŋɔ la, botɩ mam dɛna tõon-be'ero la n boe mam pʋam tõnna la yamŋa.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

2 Korẽntɩ 5:20

Bɛla, Krisi n tõm tõma tɩ tõma sɔɔgɛ a zẽ'am tɔgra la yãma wʋ Nawẽnnɛ mẽŋa n tɔgrɩ kã'ana ya tõma yetɔga la pʋam. Krisi ĩyã tõma sosrɩ ya mɛ tɩ ya naagɛ la Nawẽnnɛ.

2 Korẽntɩ 6:1

Tõma n lagɩm na Nawẽnnɛ tõnna la ĩyã, tõma sosrɩ ya mɛ tɩ ya da basɛ tɩ yel-sõnnɛ na tɩ ya to'oge Nawẽnnɛ zẽ'am na dɛna zãŋa.

2 Korẽntɩ 7:1

Bɛla m sɩr-nõŋrɩsɩ, nõor-bĩŋre bãma wuu n de tõma bõnɔ na, basɛ-ya tɩ tɩ malgɛ tɩ mẽŋa la dẽgrɔ wuu n dẽgrɩ ĩyã, la sɩa, dee ãna sõŋa, vɔa pʋpeelem pʋam masɛ sɛla woo pʋam, zɔta Nawẽnnɛ.

Galatɩ 5:24

Nẽr-sɛba n de Azezi-krisi nẽrba la ka ba mẽŋa n boorɩ se'em n de be'em, la ba yɛmleego la mɛ dɔ-puurŋa zuo, tɩ ba ka le sɔna ba.

Efɛɛzɩ 2:19

Bɛla, ya ka le dɛna sãama, bɩɩ nẽrba n ze'ele zẽ'a ayẽma, ya de la buuri ayɩla la Nawẽnnɛ nẽrba, ya de la a yire nẽrba.

Efɛɛzɩ 4:1

Mam n boe yʋ'a deem Zuudãana doosgo yelle la, mam sosrɩ ya tɩ ya dɔla sorɔɔgɔ la sõŋa, wʋ lan masɛ Nawẽnnɛ n wi ya tɩ ya ãna se'em na.

2 Timoti 2:22

Zãagɛ fʋ mẽŋa la yel-yooro sɛba tɩ kɔmbɩ'ɩsɩ boorɩ tɩ ba ɩta n de be'em na, dee ɛ sɛla n masɛ, ken bɔ Nawẽnnɛ sɩra, ɛ nõŋlʋm, la sũ-mã'asʋm, dee lagɩm na nẽr-sɛba n pʋ'ʋsrɩ tɩ Zuudãana la pʋpeelem na.

Hiburuduma 11:13

Nẽr-bãma wuu ki la ba bɔ sɩra la pʋam. Ba yʋʋn ka to'oge bõn-sɛba tɩ Nawẽnnɛ bĩŋe nõorɛ tɩ a bɔ ba la, la ba yʋʋn tũule yẽ ba la halɩ zãazãarɛ, tɩ ba sũure ãna yẽlʋm. La ba bãŋɛ mɛ yele tɩ bãma de la sãama ka tara zẽ'a dũnia zuo.

Hiburuduma 6:9

M sɩr-nõŋrɩsɩ, baa tõma n tɔgrɩ wãna la, tõma mi tɩ sũure pʋam sɩra sɩra tɩ yãma boe la so-sõŋɔ n wʋn botɩ ya yẽ fãarɛ la zuo.

Yemesi 4:1

Zɛbrɛ la nõkɛ'ɛma n boe ya tẽŋasʋka la ze'ele la bɛ? La de la yan boorɩ se'em n de be'em n boe ya pʋam botɩ ya ɩta bɛla.

1 Pita 1:1

Mam Apɩyɛɛrɩ n de Azezi-krisi Tõntõnna n gʋlsɛ gõŋɔ wã bɔ'ɔra yãma sɛba tɩ Nawẽnnɛ looge tɩ ya dɛna a nẽrba wɩrgɛ bɔna Põ, la Galatɩ, la Kapadɔsɩ, la Azi, la Bitini so'olʋm pʋam dɛna sãama la.

1 Pita 1:17

Yãma n pʋ'ʋsrɩ Nawẽnnɛ na, ya wi'iri ẽ tɩ ya Sɔ. Nawẽnnɛ ka tũ'usri nẽrba. A diti nẽrsaalba sarɩya la sɩra, wʋ nẽra woo tõoma n de se'em na. Bɛla, pa'alɛ-ya tɩ yãma nannɩ ẽ ya yel-ɩrɛ wuu pʋam, yãma n ken bɔna dũnia zuo wã.

1 Pita 4:12

M sɩr-nõŋrɩsɩ, da basɛ-ya tɩ nãmsgɔ kãtɛ sɛka n paarɩ ya la ãna wʋ yel-di'iŋa bɔ ya.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

2 Pita 3:1

M sɩr-nõŋrɩsɩ, la de la gõŋɔ bʋyi dãana n wãna tɩ mam gʋlsɛ bɔ'ɔra ya. Gõnnɔ bayi la pʋam, mam tẽegɛ ya la sɛla tɩ ya dẽŋɛ bãŋɛ la, tɩ m puke ya pʋtẽ'era sõŋa.