1 Pita 2:10 - Farefare Ninkaré

¹⁰ Kʋrʋm, ya daan dagɩ Nawẽnnɛ nẽrba, la lɛɛlɛ wã ya de la a nẽrba. A daan ka zotɩ ya ninbãalga, la a yãŋa zotɩ ya ninbãalga mɛ.

ZE'ELEGO PAALEGA

¹⁰ Ya daa nan ka de a nɛreba, gee nananawa, ya dela Yinɛ nɛreba. Ya daa nan ka to'e nimbɔ'zɔrɛ, gee nananawa, ya to'e nimbɔ'zɔrɛ.

1 Pita 2:10 ပူးပေါင်းရင်းမြစ်များ

Aromduma 10:19

Mam wʋn ken soke ya yetɩ, yãma tẽ'esɛ tɩ Ɩsrayɛlɩ dõma ka wõm a võorɛ mɛ bɩɩ? Ba wõm mɛ. Amoyisi n yʋʋn de pɔspɔsɩ dãana n yele tɩ Nawẽnnɛ yetɩ: «Mam wʋn botɩ ya tara sũure la so'olʋm nẽrba n dagɩ mam nẽrba, mam wʋn botɩ ya sũure isge la so'olʋm sɛka n ka mi sɛla võorɛ.»

Aromduma 11:30

Kʋrʋm, yãma bu-zãŋsɩ la zagsɛ Nawẽnnɛ mɛ, la lɛɛlɛ wã, a zoe yãma ninbãalga mɛ, Ɩsrayɛlɩ dõma n zagsɛ ẽ na ĩyã.

1 Korẽntɩ 7:25

Mam yetɩ m tɔgɛ la sɛba n ka tarɩ sɩrba bɩɩ pɔgba la yelle, mam ka to'oge nõorɛ Zuudãana Azezi zẽ'am. La de la mam mẽŋa pʋtẽ'erɛ, la ya wʋn bɔ mam sɩra Zuudãana la n zoe mam ninbãalga la ĩyã.

1 Timoti 1:13

Baa mam n daan pɔ'ɔrɩ a yʋ'ʋrɛ, nãmsra a nẽrba, dee tʋʋra ẽ na, a zoe mam ninbãalga mɛ. Se'ere n soe la, mam daan ka bãŋɛ mam ɩtɩ sɛla, mam n daan ka bɔ Azezi sɩra la ĩyã tɩ mam ɩta bɛla.

Hiburuduma 4:16

Bɛla, basɛ-ya tɩ tɩ lɛm Nawẽnnɛ n de yel-sõnnɛ dãana la na'am bĩmbĩnne na zẽ'am la bʋraanɛ, tɩ a zoe tɩ ninbãalga ẽŋɛ tɩ yel-sõnnɛ, dee sõŋɛ tɔ wakat-sɛka tɩ tɩ boorɩ.