1 Pita 2:1 - Farefare Ninkaré

¹ Bɛla, basɛ-ya pʋtʋʋlgɔ wuu, la põmpɔrŋɔ, la pʋlibsum, la sũure, la taaba pɔ'ɔrɛ.

ZE'ELEGO PAALEGA

¹ Bala, yehe ya mɛhi, yele ana wa puan. Putoo, wikerɛ, birekɔgenɛ, nintɛrega, la yu'sageŋɔ.

1 Pita 2:1 ပူးပေါင်းရင်းမြစ်များ

Amatie 15:7

Pʋlibsum dõma wã, A'ezayi yʋʋn sɩrɩ to'oge Nawẽnnɛ yetɔga tɔgɛ ya yelle, tɩ Nawẽnnɛ yetɩ:

Amatie 23:28

Yãma mẽ ãn na bɛla. Yãma botɩ nẽrba bɩsra ya tɩ ya ãna wʋ nẽrba n ɩtɩ sɛla n masɛ, dee tɩ ya pʋam pɩrɛ la pʋlibsum, la tõon-be'ero.

Amatie 24:51

La a wʋn dige ẽ mɛ botɩ a lagɩm na pʋlibsum dõma yẽ sɩbgrɛ. Zẽ'e-ẽŋa tɩ ba wʋn kɛlla, dee dɩkɛ ba nu'usi gɩ nõorʋm.»

Amatie 7:5

Pʋlibsum dãana, dẽŋɛ yese dɔɔgɔ la fʋ mẽŋa nifum, dee yãŋa tã'agɛ yẽ sõŋa yese sɔkɔ la n boe fʋ sɔbia nifum na.

Amarkɩ 12:15

Tɩ Azezi bãŋɛ tɩ ba boorɩ tɩ ba bẽrɛ ẽŋa mɛ, soke ba yetɩ: «Bẽm tɩ ya bẽta ma? Tarɩ-ya lagfɔ wa'am tɩ m bɩsɛ.»

Aluki 11:44

Ya wʋn yẽ toogo. Se'ere n soe la, ya ãn wʋ yɔɔrɔ n naagɛ la tẽŋa tɩ nẽrba nẽera ba zuto tɔlla, dee ka mina tɩ yɔɔrɔ n boe mĩ.»

Aluki 12:1

Wakat-ẽŋa nẽr-kʋʋŋɔ n lagsɛ zo'oge mikra taaba, nẽera taaba nãma, tɩ Azezi dẽŋɛ yele a karẽnbiisi la yetɩ: «Guuse ya mẽŋa la Farisi dõma pʋlibsum na n ãn wʋ dãbɩllɛ n botɩ dãam wuu kɛlla la.

Aluki 6:42

Fõn ẽŋɛ la wãne yɛta fʋ sɔbia yetɩ, a basɛ tɩ fʋ yese sɔkɔ a nifum, dee ka bɩsra dɔɔgɔ n boe fʋ mẽŋa nifum? Pʋlibsum dãana, dẽŋɛ yese dɔɔgɔ la fʋ mẽŋa nifum, dee yãŋa tã'agɛ yẽ sõŋa yese sɔkɔ la n boe fʋ sɔbia nifum na.»

Azã 1:47

Tɩ Azezi yẽ Anatanayɛlɩ n sẽm a zẽ'am, tɩ a tɔgɛ a yelle yetɩ: «Ẽna de la Ɩsrayɛlɩ nẽra sɩra sɩra n ka tarɩ yelle.»

Aromduma 1:29

Sɛla n ka masɛ wuu n boe ba sũa pʋam. La de la be'em, la nõŋɛ bõnɔ zozo'e, la pʋtʋʋlgɔ, la ɩta sũure la tadãana bõnɔ, la nẽr-kʋa, la zɛbrɛ, la yɛm be'ero, la sũ-toogo. Ba wã'arɩ la taaba,

1 Korẽntɩ 14:20

M sɔbiisi, da ãna-ya wʋ kɔma n tẽ'esrɩ se'em na. La, la sãn dɛna be'em ɩrgɔ yelle, ãna-ya wʋ kɔm-pɩgsɩ n ka ɩtɩ be'em na. La ya tẽ'esgɔ pʋam, ãna-ya wʋ bõnkɛgsɩ la.

1 Korẽntɩ 5:8

Bɛla, basɛ-ya tɩ tɩ yese pʋtẽ'e-be'ero, la tõon-be'ero wuu tɩ vɔm pʋam, dee dɛna pʋpeelem dõma, la sɩra dõma wʋ ba diti Zɔɔg-basɛ kibsa la borborɩ n ka tarɩ dãbɩllɛ la.

2 Korẽntɩ 12:20

Mam zotɩ mɛ tɩ m wʋn wa paam ya zẽ'am yẽ tɩ ya ka ãn wʋ mam n boorɩ se'em na, tɩ yãma mẽ yẽ tɩ mam ka ãn wʋ yãma n boorɩ se'em na. Mam zotɩ mɛ tɩ zɛbrɛ, la ɩta sũure la taaba, la sũ-isgre, la gẽelgɔ, la pɔ'ɔg-taaba, la ya'anzũm, la zẽk-m-mẽŋa, la ɩr-yooro wʋn bɔna ya tẽŋasʋka.

Efɛɛzɩ 4:31

Basɛ-ya sũ-toogo, la sũ-yĩire, la sũ-isgre, la nõke'ene, la taaba tʋʋrɛ, la pʋtʋʋlgɔ wuu.

1 Tesaloniki 2:3

Tõma n pa'alɩ pa'alg-sɛba la dagɩ tuure, bɩɩ pʋtẽ'e-be'ero pa'algɔ. La tõma ka ɩtɩ yɛmkẽgsɩga pã'asra nẽrba.

1 Timoti 3:11

La ba pɔgba mẽ masɛ tɩ ba dɛna la nẽrba tɩ ba nannɩ, ba da dɛna nẽrba n tɔgrɩ nẽrba be'em, ba tara ba mẽŋa sõŋa, dee dɛna sɩra dõma sɛla woo pʋam.

Taitusi 2:3

Yele pɔg-yã'asɩ tɩ ba yel-ɩrɛ pʋam ba dɛna pʋpeelem dõma, la ba da dɛna gõngõ'osrɩba, ba da dɛna nẽrba n dɩkɛ ba mẽŋa bɔ dãam. Ba pa'ala sɛla n ãn sõŋa,

Hiburuduma 12:1

Bɛla, tõma n tarɩ nẽrba zozo'e n gilge tõma pa'ala tɩ sore la, tɩ mẽ basɛ bõn-sɛba n gu'uri tɩ sẽnnɛ, la tõon-be'ero tɩ tɩ ɩtɩ nãana nãana la, dee mõrgɛ zɔta zʋa n boe tɩ nẽŋa na.

Yemesi 1:21

Bɛla, basɛ-ya sɛla n de tõon-dẽgrɔ buuri wuu, la sɛla n de pʋtʋʋlgɔ wuu, dee sike ya mẽŋa to'oge Nawẽnnɛ yetɔga la tɩ a dɩkɛ ẽŋɛ ya sũure pʋam, n tã wʋn fãagɛ ya la.

Yemesi 3:14

La, la sãn dɛna tɩ ya ɩtɩ la sũure, dee gẽela taaba, da wẽ-ya yõ'ogɔ tɩ ya de la yɛm dõma parɩm sɩ'ɩsɛ sɩra la.

Yemesi 4:11

M sɔbiisi, da tɔgra-ya taaba yelle be'em. Nẽr-sɛka n tɔgɛ a tadãana yelle be'em, bɩɩ zɛrgra ẽ, a tɔgrɩ la Nawẽnnɛ lɔɔ la be'em dee zɛrgra ẽ. La fʋ sãn zɛrgra lɔɔ la, fʋ ka sakrɩ lɔɔ la, fʋ lebge la lɔɔ la sarɩyadita.

Yemesi 4:5

Bɩɩ yãma tẽ'esɛ tɩ lan gʋlsɛ se'em Nawẽnnɛ gõŋɔ pʋam na de la zãŋa? La yetɩ: «Nawẽnnɛ Sɩa la tɩ a ẽŋɛ tɩ pʋam na, boorɩ tɩ ẽŋa mã'a n sɔna tɔ.»

Yemesi 5:9

M sɔbiisi, da yõnna-ya taaba, tɩ Nawẽnnɛ da wa di ya sarɩya. Bɩsɛ-ya, sarɩyadita la ze la zanõrʋm.

1 Pita 2:16

Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

1 Pita 2:22

A daan ka tõm tõon-be'ego, la põmpɔrŋɔ ka yese a nõorʋm.

1 Pita 3:10

La gʋlsɛ Nawẽnnɛ gõŋɔ pʋam yetɩ: «Nẽr-sɛka n boorɩ tɩ a vɔm ãna yẽlʋm, dee tɩ a yẽ sũ-yẽlga, dẽnɩ tɩ a yõkɛ a nõorɛ la yetɔg-be'ero, dee basɛ põmpɔrŋɔ.

1 Pita 4:2

Tɩ ẽn ken vɔa dũnia zuo wakat-sɛka la, a kãn le vɔa wʋ nẽrsaala yɛmleego n boorɩ se'em, a wʋn vɔa wʋ Nawẽnnɛ n boorɩ se'em.

1 Pita 4:4

La lɛɛlɛ wã, yãma n ka le lagɩm na ba lɛ tõnna tõon-dẽgrɔ bãma la, ba ka bãŋɛ a võorɛ, tɩ ba tʋʋra ya.

Lilegere 14:5

Põmpɔrŋɔ yetɔga ka tole ze'ele ba nõorʋm, ba ka tarɩ tuure.