1 Pita 1:8 - Farefare Ninkaré

⁸ Yãma nãn ka yẽ ẽ, dee nõŋɛ ẽ, ya nãn ka yẽtɩ ẽ, dee bɔ ẽ sɩra, bɛla tɩ ya ɩta sũ-yẽlga zozo'e n ka tã wʋn pa'alɛ.

ZE'ELEGO PAALEGA

⁸ La yan pun ka nyɛ en la, ya nɔŋɛ en mɛ. La yan pun ka nyɛ en nananawa la, ya nam en mɛ, gee nyɛɛna mɛ la nyɛɛma kãtɛ sɛ'a en ka tari tɛka pirɛ suŋa.

1 Pita 1:8 ပူးပေါင်းရင်းမြစ်များ

Amatie 10:37

Nẽr-sɛka n nõŋɛ a sɔ bɩɩ a ma gãnna mam, a ka masɛ tɩ a dɛna mam nẽra. La nẽr-sɛka woo n nõŋɛ a dayʋa bɩɩ a pɔyʋa gãnna mam, a ka masɛ tɩ a dɛna mam nẽra.

Azã 14:15

«Ya sãn nõŋɛ mam, ya wʋn sakɛ mam nõorɛ la mɛ.

Azã 14:21

Sɛka n bãŋɛ mam nõorɛ la tɩ mam bɔ la, dee sakra ɩta bɛla, la de la ẽŋa n nõŋɛ mam. Mam Sɔ la wʋn nõŋɛ sɛka n nõŋɛ mam na mɛ. La mam wʋn nõŋɛ ẽŋa dãana, dee dɩkɛ m mẽŋa pa'alɛ ẽ.»

Azã 14:24

Sɛka n ka nõŋɛ mam, a ka sakɛ ɩta mam yetɔga n yele se'em na. La yetɔga la tɩ ya wõnnɩ wã dagɩ mam mẽŋa yetɔga, la de la mam Sɔ la n tõm mam na yetɔga.

Azã 16:22

Bɛla nãnannɛ wã yãma mẽ tarɩ la sũ-sã'aŋɔ, la mam wʋn le wa yẽ ya, la ya sũure wʋn ẽŋɛ yẽlʋm. La nẽra baa ayɩla kãn tã'agɛ sã'am ya sũ-yẽlga la.

Azã 20:29

Tɩ Azezi yele ẽ yetɩ: «La de la fõn yẽ mam na ĩyã tɩ fʋ bɔ sɩra? Sɛba n ka yẽ dee bɔ'ɔra sɩra la tarɩ zu-yẽlʋm.»

Azã 8:42

Tɩ Azezi yele ba yetɩ: «Nawẽnnɛ sãn de nɩ ya sɔ, ya wʋn nõŋɛ nɩ mam, se'ere n soe la, mam ze'ele la Nawẽnnɛ zẽ'am wa'am. Mam ka wa'am m mẽŋa, ẽŋa n tõm mam.

Tõoma 16:34

Tɩ a tarɩ Apolɩ la Asɩlaasɩ sẽŋɛ a yire ka bɔ ba dia. Tɩ ẽŋa la a yir-dõma la wuu sũure daan ãna yẽlʋm zozo'e, ban bɔ Nawẽnnɛ sɩra la ĩyã.

Aromduma 14:17

Bẽm ĩyã, Nawẽnnɛ so'olʋm na dagɩ dia, la bõn-yũula yelle, la de la sɛla n masɛ, la sũ-mã'asʋm, la sũ-yẽlga tɩ Nawẽnnɛ Sɩa bɔ'ɔrɩ.

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

2 Korẽntɩ 1:22

Ẽŋa n dãalɛ tõma pa'alɩ tɩ ẽŋa n soe to, bɔ tõma a Sɩa n de sɛla n pa'alɩ tɩ tɩ wʋn yẽ sɛla wuu tɩ a bĩŋe tɩ a bɔ tɩ la.

2 Korẽntɩ 12:4

la mam n mi sɛla de la a wõm na yetɔga mĩ tɩ nẽra ka tã wʋn tɔgɛ, la sɛla tɩ ba ka bɔ nẽrsaala nõorɛ tɩ a yele.

2 Korẽntɩ 4:18

Tõma pʋtẽ'erɛ n boe la sɛla la, dagɩ sɛla tɩ nini yẽtɩ. A de la sɛla tɩ nini ka yẽtɩ. Bõn-sɛka tɩ nini yẽtɩ tollɩ mɛ. La sɛla tɩ nini ka yẽtɩ la boe la wakatɛ n ka ba'asrɩ.

2 Korẽntɩ 5:7

La tõma dolɩ la sɛla tɩ tõma bɔ sɩra dee nãn ka yẽ.

2 Korẽntɩ 9:15

Tɩ pʋ'ʋsɛ-ya Nawẽnnɛ a yel-sõnnɛ, a bɔ'a n ka tarɩ makrɛ la ĩyã.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Galatɩ 5:6

Azezi-krisi doosgo la pʋam, fʋ sãn wã, bɩɩ fʋ sãn ka wã, la ka tarɩ võorɛ, sɛla n tarɩ yõorɔ de la fʋ bɔ Azezi sɩra tõnna la nõŋlʋm.

Efɛɛzɩ 3:19

la ya bãŋɛ a nõŋlʋm na n gãŋɛ tɩ nẽrba ka tãna wʋn bãŋɛ ba'asɛ la. Tɩ bõn-sɛba wuu n ze'etɩ Nawẽnnɛ zẽ'am wʋn pɩrɛ ya.

Efɛɛzɩ 6:24

Nawẽnnɛ wʋn ẽŋɛ nẽr-sɛba wuu n nõŋɛ tɩ Zuudãana Azezi-krisi la nõŋlʋm n ka ba'asrɩ la yel-sõnnɛ.

Filipi 1:25

Mam mi tɩ bõn-ẽŋa de la sɩra. Bɛla, mam mi tɩ mam wʋn ken vɔa mɛ bɔna la ya wuu, sõŋɛ ya tɩ ya sẽŋɛ nẽŋa Azezi-krisi doosgo pʋam, tara sũ-yẽlga.

Filipi 3:3

Tõma n pʋ'ʋsrɩ Nawẽnnɛ la a Sɩa pãŋa, dee ɩta sũ-yẽlga Azezi-krisi doosgo pʋam, ka te'ege nẽrsaalba n ɩtɩ sɛla la, tõma n de nẽrba n wã wãaga mẽŋa mẽŋa.

Filipi 4:4

Ɩta-ya sũ-yẽlga daarɛ woo Zuudãana doosgo la pʋam. Mam le yɛta ya mɛ ɩta-ya sũ-yẽlga.

Hiburuduma 11:1

Bɔ sɩra de la fõn mi sɩra sɩra tɩ fõn tarɩ pʋtẽ'erɛ gu'ura sɛla la, fʋ wʋn yẽ, a botɩ fʋ mina la sɛla n ka yẽtɩ la nini.

Hiburuduma 11:27

Ẽn bɔ Nawẽnnɛ sɩra la ĩyã, tɩ a ze'ele Ezipti fõrgɛ dee ka zoe naba la sũ-isgre, a yʋʋn mõrgɛ mɛ ze'ele kãŋkãŋɛ, se'ere n soe la, a yẽ la Nawẽnnɛ tɩ ba ka yẽtɩ la nini.

1 Pita 1:6

Bɛla ĩyã tɩ ya tara sũ-yẽlga, baa la de ya sãn yẽta yɛla to'oto'ore n nãmsrɩ ya wakatɛ fẽe lɛɛlɛ wã.

1 Pita 2:7

Yãma sɛba n bɔ ẽ sɩra la, a tarɩ la yõorɔ zozo'e bɔ ya. La sɛba n ka bɔ ẽ sɩra la, la gʋlsɛ ba yelle yetɩ: «Kug-sɛka tɩ tõnmẽtba zagsɛ la n lebge kugre n botɩ deego la tara pãŋa.»

1 Pita 5:4

Tɩ dũnsĩin-kɛ'ɛma la sãn wa puke, ya wʋn to'oge yɔɔrɔ n ka sã'anɩ n tarɩ pẽka.