1 Pita 1:5 - Farefare Ninkaré

⁵ Yãma n bɔ sɩra la, Nawẽnnɛ gu'uri ya mɛ la a pãŋa halɩ wʋn ka paagɛ ba'asgɔ wakatɛ fãagɛ ya ba'asɛ.

ZE'ELEGO PAALEGA

⁵ Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Pita 1:5 ပူးပေါင်းရင်းမြစ်များ

Azã 12:48

Sɛka n zagsɛ mam, ka sakɛ mam yetɔga la, a tarɩ sɛka n wʋn di a sarɩya. La de la yetɔga la tɩ mam tɔgɛ la n wʋn pa'alɛ tɩ a ka tarɩ bʋʋrɔ dũnia ba'asgɔ daarɛ.

Azã 17:15

Mam ka sosrɩ tɩ fʋ yese ba dũnia wã zuo, la de la tɩ fʋ gu ba la be'em dãana.

Azã 4:14

La sɛka n wʋn yũ ko-sɛba tɩ mam wʋn bɔ ẽ na, koyũuro kãn le malɩn tarɩ ẽ. La ko-sɛba tɩ mam wʋn bɔ ẽ na wʋn lebge wʋ bulga, bulla a pʋam bɔ'ɔra ẽ vɔm n ka ba'asrɩ.»

Azã 5:24

Mam yetɩ ya la sɩra sɩra, tɩ sɛka n selse mam yetɔga dee bɔ sɛka n tõm mam na sɩra, a tarɩ la vɔm n ka ba'asrɩ. La ba kãn di a sarɩya. La a yese la kũm pʋam tara vɔm n ka ba'asrɩ.

Aromduma 11:20

La de la sɩra, la de la ban ka bɔ Nawẽnnɛ sɩra la ĩyã tɩ a kʋ'ʋsɛ ba basɛ. La fõn bɔ ẽ sɩra la ĩyã tɩ fʋ toŋe mĩ. Bɛla, da ɩta tɩta'alʋm, zɔta dabeem.

Aromduma 8:18

Mam mi mɛ tɩ nãmsgɔ sɛba tɩ tõma tarɩ zĩna wã de la fẽe, ka tã wʋn dɩkɛ makɛ la nã'asgɔ sɛka tɩ tõma wʋn wa yẽ la.

1 Korẽntɩ 1:21

Nawẽnnɛ n ẽŋɛ sɛla la a yɛm na, nẽrsaalba ka tã'agɛ bãŋɛ ẽ la ba mẽŋa yɛm. Bɛla tɩ Nawẽnnɛ botɩ kõ-yẽlga la mõolgɔ tɩ nẽrsaalba yetɩ la de la yalnɛ la, fãagɛ nẽr-sɛba n bɔ ẽ sɩra la.

2 Korẽntɩ 1:24

La dagɩ tɩ tõma boorɩ tɩ mõrgɛ ya mɛ ya bɔ sɩra la pʋam. Tõma boorɩ tɩ tɩ lagɩm na ya lɛ mɛ tõm tɩ ya yẽ sũ-yẽlga. Se'ere n soe la, yãma ze mɛ kãŋkãŋɛ ya bɔ sɩra la pʋam.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 2:8

La de la Nawẽnnɛ yel-sõnnɛ la ĩyã tɩ ya yẽ fãarɛ, yan bɔ Krisi sɩra la ĩyã, la dagɩ ya mẽŋa pãŋa, la de la Nawẽnnɛ bɔ'a.

Efɛɛzɩ 3:17

tɩ Krisi wʋn bɔna ya sũure pʋam, yan bɔ sɩra la ĩyã, tɩ ya wʋn ze'ele kãŋkãŋɛ tara nõŋlʋm zozo'e.

Filipi 1:6

Mam mi sɩra sɩra tɩ Nawẽnnɛ n pɔsɛ tõon-sõŋɔ ẽŋa ya sũure pʋam na, wʋn ken tõm ẽ bɛla halɩ ka ba'asɛ Azezi-krisi lemŋo daarɛ.

Filipi 4:7

Tɩ Nawẽnnɛ wʋn bɔ ya sũ-mã'asʋm n gãnnɩ nẽrsaalba bãŋrɛ wuu, tɩ a gu'ura ya sũure, la ya tẽ'esgɔ Azezi-krisi doosgo pʋam.

2 Timoti 3:15

Fõn põn mina Nawẽnnɛ gõŋɔ la mɛ halɩ fʋ bõnbɩ'ɩlʋm, ẽŋa n tã wʋn bɔ fɔ yɛm, tɩ fʋ yẽ fãarɛ fõn bɔ Azezi-krisi sɩra la ĩyã.

Taitusi 2:13

Bɛla tɩ tɩ wʋn tara pʋtẽ'erɛ gu'ura sũ-yẽlga daarɛ la, daar-ẽŋa Azezi-krisi n wʋn leme wa'am la a na'am pãŋa. Ẽŋa n de tõma Nawẽnnɛ, la tɩ Fãagra.

Hiburuduma 6:12

Tõma ka boorɩ tɩ ya tara zẽyãgrɛ, ɩta-ya wʋ nẽr-sɛba n bɔ Nawẽnnɛ sɩra, mõrgɛ sẽŋɛ nẽŋa yẽ sɛla tɩ Nawẽnnɛ bĩŋe nõorɛ tɩ a bɔ a nẽrba la.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 1:13

Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

1 Pita 4:13

Tõn tara-ya sũ-yẽlga, tɩ yãma po nãmsra la Krisi nãmsgɔ, tɩ ya wʋn tã'agɛ ẽŋɛ sũ-yẽlga sɩrʋm wakatɛ sɛka tɩ a na'am pãŋa wʋn puke la.

1 Pita 5:1

Mam yetɩ m kã'an na sɛba n de Nawẽnnɛ nẽrba kẽma bɔna ya pʋam na. Mam mẽ de la kẽema, dee dɛna Krisi nãmsgɔ la kaset-dãana, la mam wʋn po yẽ a na'am pãŋa n wʋn wa puke la mɛ.

2 Pita 1:3

Azezi n tarɩ Nawẽnnɛ pãŋa la n botɩ tɩ bãŋɛ Nawẽnnɛ n wi tõma tɩ tɩ po yẽ a na'am pãŋa, la a sõŋa. Bɛla tɩ a bɔ tɔ bõn-sɛba wuu n wʋn basɛ tɩ tɩ vɔa vɔm sɛka n dolɩ a sore.

1 Zã 3:2

M sɩr-nõŋrɩsɩ, lɛɛlɛ wã tɩ de la Nawẽnnɛ kɔma. La tɩn wʋn wa ãna se'em na nãn ka puke. La tɩ mi tɩ Krisi sãn wa puke, tɩ wʋn ãna wʋ ẽŋa n ãn se'em na, tɩn wʋn wa yẽ ẽŋa n ãn se'em na ĩyã.

Azudi 1:1

Mam Azudi n de Azezi-krisi tõntõnna, la Azakɩ yɩbga la n gʋlsɛ gõŋɔ wã bɔ'ɔra yãma sɛba tɩ tɩ Sɔ Nawẽnnɛ wi tɩ ya dɛna a nẽrba, nõŋɛ ya, tɩ Azezi-krisi gu'ura ya la.

Azudi 1:24

Pẽgɛ-ya Nawẽnnɛ, ẽŋa n tarɩ pãŋa wʋn gu ya tɩ ya kãn basɛ a sore, dee wʋn tarɩ ya sẽŋɛ ka ze'ele a nẽŋam tɩ ya ka tara dõrga, tɩ ya yẽ a na'am pãŋa, la sũ-yẽlga zozo'e.