1 Pita 1:2 - Farefare Ninkaré

² La de la tɩ Sɔ Nawẽnnɛ n looge ya wʋ ẽŋa n dẽŋɛ looge a yɛm se'em na, tɩ a Sɩa welge ya to'ore, tɩ Azezi-krisi zɩɩm peege ya tɩ ya ãna sõŋa, sakra a nõorɛ. Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

ZE'ELEGO PAALEGA

² Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.

1 Pita 1:2 ပူးပေါင်းရင်းမြစ်များ

Amatie 24:22

Nawẽnnɛ sãn ka bo'oge nɩ dabs-bãma sõorɛ, nẽra nẽra ka boe n wʋn põsɛ. La nẽr-sɛba tɩ a looge la ĩyã tɩ a bo'oge dabs-bãma sõorɛ.

Amatie 24:24

Nẽrba wʋn wa'am wa parɩm tɩ bãma n de Krisi, la nẽrba wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõnna tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge.

Amatie 24:31

La a wʋn tõm na a malɛkadõma, tɩ benkonne peebe, tɩ ba sẽŋɛ dũnia zʋʋgɔ, la gɔbga, la dapoore, la zanõrɛ ka lagsɛ nẽr-sɛba tɩ Nawẽnnɛ looge la, halɩ ka paagɛ dũnia tɛka wuu.

Amarkɩ 13:20

Nawẽnnɛ sãn ka bo'oge nɩ dabs-bãma sõorɛ, nẽra ka boe nɩ n wʋn põsɛ. La Nawẽnnɛ mẽŋa nẽrba tɩ a looge la ĩyã, tɩ a bo'oge dabs-bãma sõorɛ.

Amarkɩ 13:22

Nẽrba n wʋn wa'am wa parɩm tɩ bãma n de Krisi, la nẽrba n wʋn wa'am wa parɩm tɩ bãma n de Nawẽnnɛ nõtɔ'ɔsrɩba tõm tõon-yãlma, la yel-kɩrsɩ, bɔɔra tɩ ba sãn tã'agɛ, ba botɩ nẽr-sɛba tɩ Nawẽnnɛ looge la tuuge doose ba.

Amarkɩ 13:27

La a wʋn tõm a malɛkadõma mɛ tɩ ba sẽŋɛ dũnia gɔbga la zʋʋgɔ, la dapoore la zanõrɛ, ka lagsɛ nẽr-sɛba tɩ a looge la halɩ ka paagɛ dũnia tɛka wuu.»

Aluki 18:7

La sãn dɛna bɛla, Nawẽnnɛ kãn sõŋɛ nẽr-sɛba tɩ a looge la n sosrɩ ẽ wʋntɛɛŋa la yʋ'ʋŋɔ la, bɔ ba bʋʋrɔ gãnna bɛla? A wʋn yuuge mɛ dee sõŋɛ ba bɩɩ?

Tõoma 15:18

Zuudãana Nawẽnnɛ n yele se'em n wãna, ẽŋa n ẽŋɛ bõn-bãma tɩ ba põn mina halɩ kʋrʋm kʋrʋm.»

Tõoma 2:23

Nawẽnnɛ n yʋʋn põn tẽ'esɛ bɔɔra tɩ a ẽŋɛ se'em na ĩyã, tɩ a dɩkɛ Azezi ẽŋɛ ya nu'usum, tɩ ya botɩ nẽr-sɛba n ka dolɩ Nawẽnnɛ lɔɔ la yõkɛ ẽ tarɩ ka ka lablɛ dɔ-puurŋa zuo kʋ.

Tõoma 20:32

La lɛɛlɛ wã, mam dɩkɛ ya ẽŋɛ la Nawẽnnɛ nu'usum, la a yel-sõnnɛ yetɔga la pʋam. Ẽŋa n tã wʋn sõŋɛ ya tɩ ya yẽ pãŋa pa'asɛ, dee wʋn botɩ ya po lagɩm to'oge bõn-sõma tɩ a bĩŋe tɩ a bɔ a nẽrba la.

Aromduma 1:5

Azezi-krisi ĩyã tɩ Nawẽnnɛ ẽŋɛ tɩ yel-sõnnɛ, botɩ tõma dɛna a Tõntõnɩba tɩ tɩ botɩ so'olʋm wuu nẽrba bɔ ẽ sɩra, sakɛ a nõorɛ a yʋ'ʋrɛ nã'asgɔ ĩyã.

Aromduma 1:7

Mam gʋlsɛ gõŋɔ wã bɔ'ɔra la yãma sɛba wuu n boe Rom, tɩ Nawẽnnɛ nõŋɛ ya, wi ya tɩ ya welge to'ore dɛna a nẽrba la. Tɩ Sɔ Nawẽnnɛ, la tɩ Zuudãana Azezi-krisi wʋn ẽŋɛ ya yel-sõnnɛ, dee bɔ ya sũ-mã'asʋm.

Aromduma 11:2

Nawẽnnɛ ka zagsɛ a nẽrba la tɩ a põn dẽŋɛ looge la. Ya mi Nawẽnnɛ gõŋɔ la pʋam zẽ'e-sɛka tɩ A'eli yʋʋn yõnnɩ la Nawẽnnɛ Ɩsrayɛlɩ dõma yelle, yetɩ:

Aromduma 11:28

Bãma n zagsɛ kõ-yẽlga la, ba lebge la Nawẽnnɛ bɛ'ɛba, tɩ la dɛna yãma sõŋrɛ. La, la sãn dɛna Nawẽnnɛ n looge ba la, ba de la nẽr-sɛba tɩ Nawẽnnɛ nõŋɛ ba, ba yaabdõma ĩyã.

Aromduma 15:16

botɩ mam dɛna Azezi-krisi tõntõnna tɩ m tõnna a tõoma bɔ'ɔra bu-zãŋsɩ la ĩyã. Nawẽnnɛ tõoma tɩ mam tõnnɩ na de la m mõolɛ a kõ-yẽlga bɔ bu-zãŋsɩ, tɩ Nawẽnnɛ Sɩa botɩ ba welge to'ore dɛna bɔ'a n paarɩ Nawẽnnɛ yɛm.

Aromduma 16:19

Nẽrba wuu bãŋɛ yãma n sakrɩ Zuudãana se'em mɛ. Bɛla, mam ɩtɩ sũ-yẽlga mɛ yãma ĩyã. La mam boorɩ mɛ tɩ ya tara yɛm mina sɛla n ãn sõŋa, la ya dɛna pʋpeelem dõma, da ɩta sɛla n de be'em.

Aromduma 16:26

La lɛɛlɛ wã, Nawẽnnɛ nõtɔ'ɔsrɩba gõnnɔ na yãŋa botɩ a puke mɛ, wʋ Nawẽnnɛ n ka tarɩ ba'asgɔ n bɔ nõorɛ se'em na. A botɩ so'olʋm buuri wuu nẽrba bãŋɛ ẽ mɛ, tɩ ba wʋn bɔ ẽ sɩra, sakɛ ẽ.

Aromduma 8:13

Ya sãn ɩta nẽrsaalba mẽŋa n boorɩ se'em na, ya wʋn ki mɛ. La ya sãn botɩ Nawẽnnɛ Sɩa pãŋa kʋ tõon-sɛba tɩ nẽrsaala mẽŋa boorɩ la, ya wʋn vɔa.

Aromduma 8:33

Ãne n wʋn tã'agɛ dõrɛ nẽr-sɛba tɩ Nawẽnnɛ looge la? La de la Nawẽnnɛ mẽŋa n botɩ ba masɛ.

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

1 Korẽntɩ 6:11

Yãma nẽrba basɛba daan ãn na bɛla. La Nawẽnnɛ Sɩa peege yãma tõon-be'ero mɛ botɩ ya lebge Nawẽnnɛ nẽrba, masɛ a zẽ'am Zuudãana Azezi-krisi yʋ'ʋrɛ ĩyã.

2 Korẽntɩ 10:5

la bõn-sɛba wuu n zẽkrɩ ba mẽŋa botɩ nẽrba ka bãŋra Nawẽnnɛ pãŋa. Dee yãŋra tẽ'esgɔ buuri wuu botɩ ba sakra Krisi.

Kolɔsɩ 3:12

Yãma de la nẽr-sɛba tɩ Nawẽnnɛ looge, a nõŋɛ ya mɛ, welge ya to'ore tɩ ya dɛna a nẽrba. Bɛla, zɔta-ya taaba ninbãalga, ɩta taaba sõŋa, sikra ya mẽŋa, dee tara sũ-bʋgsʋm, la sũ-mã'arɛ.

2 Tesaloniki 2:13

La ãn sõŋa tɩ tõma pʋ'ʋsra Nawẽnnɛ a yel-sõnnɛ wakatɛ wuu yãma n de tɩ sɔbiisi tɩ tɩ Zuudãana nõŋɛ la ĩyã. Se'ere n soe la, Nawẽnnɛ looge ya la halɩ pɔspɔsɩ, tɩ a Sɩa botɩ ya dɛna a nẽrba tara pʋpeelem, dee sakɛ sɩra yẽ fãarɛ.

2 Timoti 2:10

Bɛla ĩyã tɩ mam mõrgɛ wĩbra sɛla woo pʋam Nawẽnnɛ nẽrba la tɩ a looge la ĩyã, tɩ ba mẽ yẽ fãarɛ Azezi-krisi ĩyã, dee po yẽ nã'asgɔ n ka ba'asrɩ.

Taitusi 1:1

Mam Apolɩ n gʋlsɛ gõŋɔ wã, mam de la Nawẽnnɛ yamŋa, la Azezi-krisi Tõntõnna tɩ a tõm tɩ m mõolɛ a kõ-yẽlga tɩ sɛba tɩ Nawẽnnɛ looge la bɔ sɩra, dee bãŋɛ Nawẽnnɛ sɩra n pa'alɩ ban wʋn dɔla Nawẽnnɛ sore se'em.

Hiburuduma 10:22

Bɛla ĩyã, basɛ-ya tɩ tɩ lɛm Nawẽnnɛ zẽ'am la pʋpeelem, la sũure n bɔ sɩra zõnzõnnɔ, la sũure n peege tɩ tɩ mina tɩ tõon-be'ero ka le bɔna, la ĩyã n peege la ko-sõma.

Hiburuduma 11:28

La ẽn bɔ sɩra la ĩyã, tɩ a botɩ Ɩsrayɛlɩ dõma kʋ Zɔɔg-basɛ pebila ẽŋɛ zɩɩm mĩise deto nõa, tɩ malɛka sɛka n wʋn kʋ kɔm-kẽendõma la, da kʋ Ɩsrayɛlɩ dõma kɔm-kẽendõma.

Hiburuduma 12:24

Yãma lɛm na Azezi n de sɛka n boe Nawẽnnɛ la tõma tẽŋasʋka botɩ Nawẽnnɛ bĩŋe nõor-paalga la tõma lɛ. A zɩɩm na n yese bɔ tõma la pa'alɛ la sɛla n ãn sõŋa gãnna Abɛlɩ zɩɩm na.

Hiburuduma 5:9

La ẽn daan tõm Nawẽnnɛ n boorɩ se'em wuu ba'asɛ la, a lebge la sɛka tɩ nẽr-sɛba wuu n sakrɩ a nõorɛ la yẽtɩ fãarɛ n ka tarɩ ba'asgɔ a zẽ'am.

1 Pita 1:14

Sakra-ya Nawẽnnɛ nõorɛ, da le vɔa-ya wʋ yãma n daan nãn ka bãŋɛ Nawẽnnɛ sɩra, tɩ ya yɛmleego botɩ ya bɔɔra sɛla n de be'em na.

1 Pita 1:19

La de la Krisi zɩɩm n tarɩ pãŋa la. Ba kʋ Krisi la tõma ĩyã wʋ pebila n ãn sõŋa dee ka tara zãnnɛ.

1 Pita 1:20

Nawẽnnɛ yʋʋn põn looge ẽ mɛ halɩ lan dẽŋɛ dũnia nãaŋɔ, yãŋa botɩ a wa'am dũnia ba'asgɔ wakatɛ wã yãma ĩyã.

1 Pita 1:22

Yãma n sakɛ sɩra la, ya lebge la pʋpeelem dõma, tɩ ya nõŋɛ ya sɔbiisi la nõŋlʋm sɩra sɩra. Bɛla, nõŋɛ-ya taaba zozo'e la ya sũure wuu.

1 Pita 2:9

La sãn dɛna yãma, yãma de la buuri tɩ Nawẽnnɛ looge, ya de la ẽŋa n de naba la kãabgɔ kẽma, dee ken dɛna a nẽrba n welge to'ore tara pʋpeelem. A wi ya la lika pʋam, tarɩ yese a peelem n ãn sõŋa zozo'e pʋam, tɩ ya botɩ nẽrba bãŋɛ a tõon-kãra la.

2 Pita 1:2

Yãma n bãŋɛ Nawẽnnɛ, la tɩ Zuudãana Azezi la, Nawẽnnɛ wʋn ẽŋɛ ya yel-sõnnɛ, dee bɔ ya sũ-mã'asʋm zozo'e.

2 Zã 1:1

Mam n de kẽema la n gʋlsɛ bɔ'ɔra zuudãan-pɔka tɩ Nawẽnnɛ looge la, la a kɔma tɩ mam nõŋɛ sɩra sɩra la. La, la dagɩ mam mã'a, nẽr-sɛba wuu n bãŋɛ sɩra la nõŋɛ ba mɛ.

2 Zã 1:13

Fʋ sɔbi-pɔka tɩ Nawẽnnɛ looge la kɔma pʋ'ʋsrɩ fɔ.

Azudi 1:2

Nawẽnnɛ wʋn zoe ya ninbãalga zozo'e, bɔ ya sũ-mã'asʋm, la nõŋlʋm zozo'e.