1 Pita 1:18 - Farefare Ninkaré

¹⁸ Nawẽnnɛ fãagɛ ya mɛ vɔm sɛka n ka tarɩ yõorɔ tɩ ya daan zãsʋm ya yaabdõma zẽ'am na pʋam. Ya mi tɩ la dagɩ bõn-sɛba n sã'anɩ wʋ sãlma, bɩɩ zũuro tɩ a dɩkɛ yɔ fãagɛ ya.

ZE'ELEGO PAALEGA

¹⁸ Ya mi ti Yinɛ yɔ mɛ to'e ya yehe vom yoo sebo ti ya to'e ya yaabeduma zi'an la. A ka yɔ mɛ la lɔgeseto en sageni, ana wuu salempɛɛla bii salema,

1 Pita 1:18 ပူးပေါင်းရင်းမြစ်များ

Amarkɩ 8:37

Bẽm tɩ nẽrsaala wʋn dɩkɛ teege vɔm? Sɛla kaɩ.

Aromduma 1:21

Ba mi Nawẽnnɛ mɛ, la ba ka nã'asrɩ ẽ, la ba ka pʋ'ʋsrɩ ẽ a yel-sõnnɛ wʋ lan narɩ ba ẽŋɛ se'em na. Ba tẽ'esgɔ la lebge la tẽ'es-yooro, tɩ ba pʋtẽ'e-yooro la kẽ'esɛ ba lika pʋam.

1 Korẽntɩ 3:20

La ken gʋlsɛ yetɩ: «Zuudãana mi yɛm dõma tẽ'esgɔ mɛ, a mi tɩ ba de la zãŋa.»

1 Korẽntɩ 6:20

Nawẽnnɛ da ya la da'aga n de toogo, bɛla, dɩkɛ-ya ya ĩyã, nã'asra Nawẽnnɛ.

1 Korẽntɩ 7:23

Nawẽnnɛ da ya la toogo, bɛla da lebge-ya nẽrba yamsɩ.

Galatɩ 1:4

Azezi-krisi n dɩkɛ a mẽŋa bɔ tɩ ba kʋ ẽ tõma tõon-be'ero ĩyã, tɩ a fãagɛ tɔ dũnia wã be'em pʋam basɛ, wʋ tɩ Sɔ Nawẽnnɛ n boorɩ se'em na.

Efɛɛzɩ 4:17

Bɛla tɩ mam yɛta ya la ninmõ'orɛ la Zuudãana nõorɛ, tɩ ya da le ɩta wʋ sɛba n ka dolɩ Nawẽnnɛ n ɩtɩ se'em na, bãma n ɩtɩ se'em na, ãn wʋ ban tẽ'esrɩ se'em n ka tarɩ võorɛ la.

Taitusi 2:14

Ẽŋa n dɩkɛ a vɔm bɔ tõma ĩyã, tɩ a fãagɛ tɔ tõon-be'ero wuu pʋam, dee basɛ tɩ tɩ malgɛ ãna sõŋa dɛna a mẽŋa nẽrba, mõrgɛ tõnna tõon-sõma.

Hiburuduma 9:12

A daan kẽ Nawẽnnɛ zẽ'e-sõŋɔ la pʋam na nõorɛ ayɩla mã'a wakatɛ wuu ĩyã. La dagɩ bʋʋsɩ zɩɩm, la lɔl-pɔla zɩɩm tɩ a dɩkɛ kãabɛ bɔ Nawẽnnɛ, a dɩkɛ la a mẽŋa zɩɩm kãabɛ bɔ Nawẽnnɛ fãagɛ tõma wakatɛ n ka ba'asrɩ ĩyã.

1 Pita 1:7

Nãmsgɔ la de la sɛla n makrɩ bɩsra ya bɔ sɩra la n ãn se'em. Sãlma de la sɛla n sã'anɩ, la ba ẽn dɩkɛ ẽ makɛ la bugum bɩsɛ ẽn ãn se'em. La yãma bɔ sɩra la tarɩ yõorɔ mɛ zozo'e gãnna sãlma. Bɛla tɩ la makra ya bɔ sɩra la bɩsra, tɩ ya sãn ze'ele kãŋkãŋɛ, ya wʋn yẽ pẽka, la nã'asgɔ Azezi-krisi lemŋo daarɛ.

1 Pita 4:3

Kʋrʋm, yãma n daan lagɩm na sɛba n ka dolɩ Nawẽnnɛ ɩta bãma n boorɩ se'em na, da le ɩta-ya bɛla. Yãma daan lagɩm na ba mɛ, ba yalsɩ, la ba be'em yɛmleego, la ba dã-yũure, la ba pʋyã'an-yooro, la ba dã-buka, la ba baga kãabgɔ n de be'em na pʋam.

1 Zã 3:5

La yãma mi tɩ Azezi-krisi wa'am tɩ a yese la nẽrba tõon-be'ero basɛ, la a mẽŋa ka tarɩ tõon-be'ero.