1 Pita 1:13 - Farefare Ninkaré

¹³ Bɛla ĩyã, yõkɛ ya tagsgɔ tara ya mẽŋa sõŋa, dee gu'ura la ya sũure wuu yel-sõnnɛ na tɩ ya tarɩ pʋtẽ'erɛ gu'ura tɩ Nawẽnnɛ yetɩ a ẽŋɛ bɔ ya Azezi-krisi lemŋo wakatɛ la.

ZE'ELEGO PAALEGA

¹³ Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 1:13 ပူးပေါင်းရင်းမြစ်များ

Amatie 20:4

tɩ a yele ba yetɩ: ‹Ya mẽ sẽŋɛ mam va'am na ka tõm, tɩ mam wʋn yɔ ya lan masɛ se'em.›

Aluki 12:35

Azezi le yetɩ: «Mãasʋm-ya lʋ ya sagãna ya sɩɩsɩ tɩ ya wʋn tã'agɛ tõm, dee yõ ya fɩtladõma,

Aluki 17:30

Nẽrsaala Dayʋa la lemŋo daarɛ la mẽ wʋn di'ige ba la bɛla.

Aluki 17:8

Ayɛɩ, a wʋn yele ẽ yetɩ: ‹Dʋgɛ m dia, dee teege fuugo yɛ, tarɩ dia la wa'am wa bɔ ma tɩ m di. M sãn di dee yũ ba'asɛ, tɩ fʋ mẽ yãŋa di dee yũ.›

Aromduma 13:13

Basɛ-ya tɩ tɩ tõnna la pʋpeelem wʋ nẽrba n sẽnnɩ wʋntɛɛŋa. Tɩ basɛ-ya pʋyã'an-yooro, la dãam buka, la tũulgo, la yalsɩ, la zɛbrɛ, dee da ɩta sũure la taaba.

Aromduma 8:19

Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

1 Korẽntɩ 1:7

Bɛla, yãma ka koŋe bɔ'a baa ayɩla, yãma n gu'uri tɩ tɩ Zuudãana Azezi-krisi wa'am wa puke a mẽŋa la.

1 Korẽntɩ 13:13

Bɛla, bõn-bãna batã n boe wakatɛ wuu: La de la bɔ sɩra, la tɩ tara pʋtẽ'erɛ gu'ura sɛla tɩ tɩ bɔ sɩra la, la nõŋlʋm. La bõn-bãna batã pʋam, nõŋlʋm n gãnnɩ ba wuu.

Efɛɛzɩ 6:14

Bɛla, mãasʋm-ya zɛ, tara-ya sɩra tɩ a ãna wʋ sagãnnɛ tɩ ya lʋ ya sɩa la, la ya ɩta sɛla n masɛ tɩ la ãna wʋ kuto fuugo tɩ ya yɛ pĩ ya yõ'ogɔ,

Kolɔsɩ 3:4

La Krisi n de tɩ vɔm na sãn wa puke, ya wʋn po naagɛ la ẽ puke la a na'am pãŋa.

2 Tesaloniki 1:7

dee basɛ tɩ yãma sɛba n nãmsrɩ la, lagɩm na tõma vo'ose wakat-sɛka tɩ Zuudãana Azezi wʋn ze'ele Nawẽnnɛ yire wa'am, la a malɛkadõma n tarɩ pãn-kãtɛ,

2 Timoti 4:5

La fõn, tara fʋ mẽŋa sõŋa sɛla woo pʋam, sakɛ nãmsgɔ, mõolɛ Nawẽnnɛ kõ-yẽlga la, la fʋ tõm tõonɛ na tɩ Nawẽnnɛ dɩkɛ ẽŋɛ fʋ nu'usum na sõŋa.

2 Timoti 4:8

Lɛɛlɛ wã, tã'arɛ yɔɔrɔ gã mɛ gu'ura mam, tɩ Zuudãana n diti sarɩya wʋ lan masɛ la, wʋn dɩkɛ bɔ mam daarɛ ẽŋa daarɛ. La, la dagɩ mam mã'a, la de la nẽr-sɛba wuu n nõŋɛ ẽ bɔɔra tɩ a leme wa'am na.

Hiburuduma 10:35

Bɛla, da basɛ-ya sũ-ke'eŋo sɛka tɩ ya tarɩ la, tɩ ya wʋn yẽ yɔɔrɔ zozo'e.

Hiburuduma 3:6

La Krisi de la Nawẽnnɛ Dayʋa n de sɩra dãana sɔna deego la. A deego la de la tõma, tõma sãn ze'ele kãŋkãŋɛ la bʋraanɛ, dee tara pʋtẽ'erɛ gu'ura sɛla tɩ tɩ bɔ sɩra la, la sũ-yẽlga, ka paagɛ ba'asgɔ.

Hiburuduma 6:19

Tõma n tarɩ pʋtẽ'erɛ gu'ura sɛla la botɩ tõma zɛ la kãŋkãŋɛ Nawẽnnɛ nẽŋam, wʋ ka'aga n ka tẽŋa kẽ paagɛ pʋam pʋam yõkɛ kãŋkãŋɛ la. Bɛla tɩ tõma wʋn kẽ gãŋɛ fu-sɛka n beŋe Nawẽnnɛ zẽ'e-sõŋɔ la, paagɛ Nawẽnnɛ zẽ'am.

Hiburuduma 9:28

Bɛla mẽ, Krisi dɩkɛ a mẽŋa bɔ la nõorɛ ayɩla yese nẽrba zozo'e tõon-be'ero basɛ. A wʋn le leme wa'am mɛ nõorɛ bʋyi pʋam, la, la kãn dɛna tõon-be'ero yɛsga ĩyã, la de la nẽr-sɛba n gu'uri ẽ tɩ ba yẽ fãarɛ la ĩyã.

1 Pita 1:10

Nawẽnnɛ nõtɔ'ɔsrɩba la n yʋʋn tɔgɛ yel-sõnnɛ na tɩ Nawẽnnɛ wʋn wa ẽŋɛ bɔ ya la, yʋʋn ɛ mɛ vẽesɛ tɩ ba bãŋɛ fãarɛ wã yelle.

1 Pita 3:15

Nã'asra-ya Krisi ya sũure pʋam, basɛ-ya tɩ a dɛna ya Zuudãana. Mãasʋm-ya wakatɛ wuu lɛrgra nẽr-sɛka woo n sokrɩ ya, bɔɔra tɩ a bãŋɛ yãma n tarɩ pʋtẽ'erɛ gu'ura sɛla la yelle n ãn se'em na.

1 Pita 4:7

Sɛla woo ba'asgɔ lɛm mɛ. Bɛla ĩyã, tara-ya ya mẽŋa sõŋa, dee mõrgɛ la Nawẽnnɛ pʋ'ʋsgɔ.

1 Pita 5:12

Mam botɩ Asilvẽ n gʋlsɛ gõn-pɩka wã, ẽŋa n de sɔbia tɩ mam bɩsɛ tɩ a de sɩra dãana. Mam gʋlsɛ gõŋɔ wã tɩ m bɔ ya la bʋraanɛ, dee botɩ ya bãŋɛ tɩ yel-sõnnɛ na tɩ ya tarɩ la, de la Nawẽnnɛ yel-sõnnɛ mẽŋa mẽŋa pʋam tɩ ya boe.

1 Pita 5:8

Dɛna-ya nẽrba n yõkrɩ ya mẽŋa, dee guusra ya mẽŋa sõŋa, tɩ ya bɛ Asũtãana eerɩ ya mɛ, wʋ gɩgnɛ n kaarɩ ɛɛra sɛla tɩ a yõkɛ obe.

1 Zã 3:3

Nẽr-sɛka woo n tarɩ pʋtẽ'erɛ gu'ura bõn-ẽŋa Krisi ĩyã, malgrɩ a mẽŋa mɛ dɛna pʋpeelem dãana, wʋ Azezi-krisi mẽŋa n de pʋpeelem dãana se'em na.