1 Pita 1:11 - Farefare Ninkaré

¹¹ Azezi-krisi Sɩa yʋʋn boe la ba mɛ, dẽŋɛ pa'alɛ ba yetɩ Krisi wʋn wa yẽ la nãmsgɔ dee yãŋa yẽ na'am pãŋa. Tɩ ba yʋʋn ɛɛra tɩ ba bãŋɛ wakatɛ sɛka tɩ bõn-bãma wʋn ẽŋɛ, la lan wʋn wa doose se'em tɩ la ẽŋɛ.

ZE'ELEGO PAALEGA

¹¹ viihera ɛɛra nɛresɛka, la sansɛka ti Kiresta Sia la en boi ba puan la ta pa'alɛ ba, doohe la Sia la en te'ele yele ba namehegɔ seko taaba en maahum gura Kiresta, la na'ahegɔ seko en dole ku poore.

1 Pita 1:11 ပူးပေါင်းရင်းမြစ်များ

Amatie 26:24

Nẽrsaala Dayʋa la wʋn ki wʋ la yʋʋn põn gʋlsɛ a yelle se'em Nawẽnnɛ gõŋɔ pʋam na. La nẽr-sɛka n wʋn pa'alɛ tɩ ba yõkɛ Nẽrsaala Dayʋa la wʋn yẽ toogo. Nẽr-ẽŋa ma daan sãn ka dɔgɛ nɩ ẽ n sõɩ.»

Aluki 24:44

Bɛla poorʋm, a yele ba yetɩ: «Mam n daan ken bɔna la yãma la, mam n yele ya bõn-sɛba la n wãna. Mam daan yele ya yetɩ: Dẽnɩ tɩ bõn-sɛba wuu n gʋlsɛ mam yelle Amoyisi lɔɔ gõnnɔ pʋam, la Nawẽnnɛ nõtɔ'ɔsrɩba gõnnɔ pʋam, la yõoma gõnnɔ pʋam na ẽŋɛ.»

Azã 12:41

A'ezayi yʋʋn yele la bɛla, se'ere n soe la, a yʋʋn yẽ la Azezi na'am pãŋa, tɩ a yʋʋn tɔgɛ a yelle.

Tõoma 16:7

La ban sẽŋɛ ka lɛm Mizi so'olʋm na, ba boorɩ tɩ ba sẽŋɛ la Bitini, tɩ Azezi Sɩa la ka bɔ ba sore.

Aromduma 8:9

La yãma ka le vɔa wʋ nẽrsaalba mẽŋa n boorɩ se'em na, yãma vɔa wʋ Nawẽnnɛ Sɩa n boorɩ se'em na, Nawẽnnɛ Sɩa n boe la yãma la ĩyã. Nẽr-sɛka woo n ka tarɩ Krisi Sɩa la, a ka de Krisi nẽra.

Galatɩ 4:6

La yãma n de Nawẽnnɛ kɔma la, a tõm na a Dayʋa Sɩa tɩ a bɔna tɩ sũure pʋam, tɩ Sɩa la wi'ira Nawẽnnɛ yetɩ: «Abba, m Sɔ.»

2 Pita 1:21

Se'ere n soe la, ba ka de nẽrsaalba yɛm n boorɩ se'em, la de la Nawẽnnɛ Sɩa n botɩ nẽrsaalba tɔgɛ yetɔga n ze'ele Nawẽnnɛ mẽŋa zẽ'am.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.