1 Korẽntɩ 8:9 - Farefare Ninkaré

⁹ La guuse ya mẽŋa, tɩ yan tarɩ nõorɛ dita sɛla woo la, da basɛ tɩ nẽr-sɛba n ka tarɩ pãŋa Nawẽnnɛ sore doosgo pʋam na tõm tõon-be'ero.

ZE'ELEGO PAALEGA

⁹ Gee bihɛ ya mɛhi suŋa ti ya fai yɔ'ɔ wa da dɛna pirega lɔkɔ bo' sɛba en ka kpe'em la.

1 Korẽntɩ 8:9 ပူးပေါင်းရင်းမြစ်များ

Amatie 18:10

Azezi le yele ba yetɩ: «Guuse-ya da pɔ'ɔra kɔm-bãna wã baa ayɩla. Mam yetɩ ya tɩ ba malɛkadõma n boe Nawẽnnɛ yire, boe mam Sɔ Nawẽnnɛ nẽŋam mɛ wakatɛ woo. [

Aromduma 15:1

Dẽnɩ tɩ tõma sɛba n tarɩ pãŋa Nawẽnnɛ doosgo pʋam na, sõŋɛ nẽr-sɛba n ka tarɩ pãŋa la, ba tɔrgɔ pʋam. La tɩ da ɛɛra sɛla n ãn tõma yẽlʋm.

1 Korẽntɩ 10:24

Nẽra nẽra da ɛɛra a mẽŋa sõŋrɛ mã'a, ɛɛra-ya taaba sõŋrɛ.

1 Korẽntɩ 10:28

La nẽra sãn yele ya yetɩ: «Di-bãna wã de la bagrɛ dia», da di-ya, sɛka n yele ya bɛla la ĩyã, tɩ la da nãmsɛ a pʋtẽ'erɛ.

1 Korẽntɩ 10:29

La dagɩ yãma mẽŋa pʋtẽ'era yelle tɩ mam yele, la de la nẽr-sɛka n yele ya la pʋtẽ'erɛ. La yãma mẽ tã soke mam yetɩ: «Bẽm soe tɩ nẽra ayẽma pʋtẽ'erɛ wʋn gu mam, tɩ mam kãn di sɛla tɩ mam tarɩ nõorɛ tɩ m di?

1 Korẽntɩ 10:32

Da ẽŋɛ-ya sɛla Zifdõma, bɩɩ sɛba n dagɩ Zifdõma, bɩɩ Nawẽnnɛ nẽrba zẽ'am tɩ la gu ba Nawẽnnɛ sore doosgo.

1 Korẽntɩ 8:10

Nẽr-sɛka n ka mi Nawẽnnɛ sore yɛla sõŋa la, sãn yẽ fõn tarɩ bãŋrɛ la n zĩ baga kãabgɔ zẽ'am ɔbra nẽnnɔ, la wʋn pã'asɛ ẽ tɩ a mẽ obe la baga nẽnnɔ.

1 Korẽntɩ 8:12

Fʋ sãn tõm tõon-be'e-ẽna sã'am fʋ sɔbia n ka mi Nawẽnnɛ sore yɛla sõŋa pʋtẽ'erɛ, fʋ ẽŋɛ la Krisi be'em.

1 Korẽntɩ 9:22

Mam sãn bɔna la nẽr-sɛba n ka tarɩ pãŋa Nawẽnnɛ sore doosgo pʋam, mam vɔa wʋ bãma, tɩ m sõŋɛ ba tɩ ba da basɛ Nawẽnnɛ sore. Mam ɩtɩ sɛla woo la bɛla bɔ'ɔra nẽrba buuri wuu, ɩta mam wʋn ẽŋɛ se'em tɩ m tã'agɛ fãagɛ ba nẽrba basɛba.

2 Korẽntɩ 11:21

Tõma n daan ẽŋɛ tɩ mẽŋa tarɩmdõma ka ẽŋɛ ya wʋ bãma n ẽŋɛ ya se'em na, la de la yãnnɛ bɔ mam bɩɩ? Nẽra sãn tãna wʋn wẽ yõ'ogɔ sɛla yelle, mam mẽ tã wʋn wẽ yõ'ogɔ mɛ a yelle. Wãna de la yalnɛ tɩ mam tɔgrɩ.

2 Korẽntɩ 11:29

Nẽra sãn bɔna tɔrgɔ pʋam, la ãn wʋ mam mẽ boe la tɔrgɔ pʋam na. La nẽra sãn basɛ Nawẽnnɛ doosgo, mam sũure n sã'anɩ zozo'e.

2 Korẽntɩ 6:3

Tõma ka boorɩ tɩ tɩ ẽŋɛ sɛla n wʋn botɩ nẽra tuuge, tɩ nẽra da zɛrgɛ tɔ tɩ tõoma la pʋam.

Galatɩ 5:13

La sãn dɛna yãma, m sɔbiisi, Nawẽnnɛ wi ya tɩ ya sɔna la ya mẽŋa. La da basɛ-ya tɩ yan soe ya mẽŋa la basɛ tɩ ya ɩta ya mẽŋa yɛm n boorɩ se'em. Vɔa-ya la taaba la nõŋlʋm tõnna sõŋra taaba.

Kolɔsɩ 2:8

Guuse-ya tɩ nẽra da dɩkɛ bãŋrɛ zãsŋɔ la yɛm yooro n de nẽrsaalba sisgo, la dũnia wã yɛla pã'asɛ ya, ba ka ze'ele Krisi zẽ'am.

1 Pita 2:16

Ɩta-ya wʋ nẽrba n soe ba mẽŋa, la da dɩkɛ-ya yan soe ya mẽŋa la tɩ la dɛna sɛla n botɩ ya tõnna be'em, tõnna-ya wʋ Nawẽnnɛ tõntõnɩba n masɛ tɩ ba tõnna se'em na.

2 Pita 2:19

Ba yetɩ nẽrba la tɩ ba wʋn yẽ yolsgo, dee tɩ ba mẽŋa dɛna tõon-dẽgrɔ n wʋn sã'am ba la yamsɩ. Se'ere n soe la, nẽra woo de la sɛla n soe ẽ na yamŋa.

Lilegere 2:14

La baa bɛla, mam tarɩ la yelle fẽe la ya. Yãma tarɩ la nẽrba n boe ya pʋam dɔla Abalaam zãsŋɔ. Abalaam yʋʋn zãsʋm na Abalakɩ ẽn wʋn ẽŋɛ se'em bẽrɛ Ɩsrayɛlɩ dõma botɩ ba obe baga nẽnnɔ, dee tõm yalsɩ tõoma.