1 Korẽntɩ 8:3 - Farefare Ninkaré

³ La nẽra sãn nõŋɛ Nawẽnnɛ, Nawẽnnɛ mi ẽ mɛ.

ZE'ELEGO PAALEGA

³ Gee se'em en nɔŋɛ Yinɛ, Yinɛ mi' en mɛ.

1 Korẽntɩ 8:3 ပူးပေါင်းရင်းမြစ်များ

Amatie 7:23

La mam wʋn yele ba yetɩ: ‹Mam põn ka mina ya, sẽŋɛ-ya fõrgɛ, tõon-be'ero dõma wã.› »

Azã 10:14

Mam n de dũnsĩin-sõŋɔ la, la mam mi m piisi la mɛ, tɩ ba mẽ mina mam,

Azã 21:17

Tɩ Azezi le soke ẽ nõorɛ atã yetɩ: «Asimõ, Azã bia, fõn nõŋɛ mam?» Tɩ Apɩyɛɛrɩ sũure daan sã'am, ẽn soke ẽ nõorɛ atã yetɩ: «Fõn nõŋɛ mam mɛ bɩɩ» la. Tɩ a lerge ẽ yetɩ: «Zuudãana, fõn mi sɛla wuu mɛ, fõn mi tɩ mam nõŋɛ fõn mɛ.» Tɩ Azezi yele ẽ yetɩ: «Gu'ura m piisi la.

Aromduma 11:2

Nawẽnnɛ ka zagsɛ a nẽrba la tɩ a põn dẽŋɛ looge la. Ya mi Nawẽnnɛ gõŋɔ la pʋam zẽ'e-sɛka tɩ A'eli yʋʋn yõnnɩ la Nawẽnnɛ Ɩsrayɛlɩ dõma yelle, yetɩ:

1 Korẽntɩ 13:12

Tõma n mi sɛla lɛɛlɛ wã, ãn wʋ tõma bɩsrɩ la bɩsga n ka yẽtɩ sõŋa pʋam. La wakat-ẽŋa tɩ wʋn yẽ sɛla woo sõŋa. Mam n mi sɛla la, nãn de la fẽe. La mam wʋn wa bãŋɛ ẽ sõŋa sõŋa wʋ Nawẽnnɛ n mi mam sõŋa se'em na.

1 Korẽntɩ 2:9

La de wʋ lan gʋlsɛ Nawẽnnɛ gõŋɔ pʋam se'em yetɩ: «Bõn-sɛba tɩ Nawẽnnɛ mãasʋm tɩ a bɔ nẽr-sɛba n nõŋɛ ẽ na, gãnnɩ bõn-sɛba wuu tɩ nẽra nãn ka yẽ, bɩɩ wõm, bɩɩ tẽ'esɛ a pʋtẽ'erʋm.»

Galatɩ 4:9

La nãnannɛ wã tɩ ya mi Nawẽnnɛ na, la, lan gãnnɩ, Nawẽnnɛ n mi ya la, la ẽŋɛ la wãne tɩ yãma le dɔla bõn-yooro n ka tarɩ pãŋa dee ka tara võorɛ poore, le bɔɔra tɩ ya dɛna ba yamsɩ?

2 Timoti 2:19

La baa bɛla, Nawẽnnɛ n looge sɛba la ken zɛ la kãŋkãŋɛ wʋ ẽbrɛ n tarɩ pãŋa la. Yetɔg-bãna n de dãalgɔ n pa'alɛ bɛla: «Zuudãana la mi sɛba n de a nẽrba mɛ», la «sɛba wuu n yetɩ bãma de la Nawẽnnɛ nẽrba la, dẽnɩ tɩ ba basɛ tõon-be'ero».

Yemesi 1:12

Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

1 Pita 1:8

Yãma nãn ka yẽ ẽ, dee nõŋɛ ẽ, ya nãn ka yẽtɩ ẽ, dee bɔ ẽ sɩra, bɛla tɩ ya ɩta sũ-yẽlga zozo'e n ka tã wʋn pa'alɛ.

1 Zã 4:19

La sãn dɛna tõma, tõma tarɩ nõŋlʋm mɛ, se'ere n soe la, Nawẽnnɛ dẽŋɛ nõŋɛ tõma mɛ.

1 Zã 4:7

M sɩr-nõŋrɩsɩ, tɩ nõŋɛ-ya taaba, se'ere n soe la, nõŋlʋm ze'ele la Nawẽnnɛ zẽ'am. Nẽr-sɛka n tarɩ nõŋlʋm de la Nawẽnnɛ bia, la a mi Nawẽnnɛ mɛ.

Lilegere 2:13

‹Mam mi zẽ'e-sɛka tɩ yãma boe la mɛ, zẽ'e-ẽŋa tɩ Asũtãana na'am bĩmbĩnne boe. La ya dɩkɛ ya mẽŋa lablɛ la mam mɛ, ze'ele kãŋkãŋɛ bɔ mam sɩra ka basɛ, baa la wakatɛ sɛka tɩ ba daan kʋ A'ãntipasɩ n de sɩra dãana n tɔgɛ mam yelle ya zẽ'am, zẽ'e-sɛka tɩ Asũtãana boe la.

Lilegere 2:19

‹Mam bãŋɛ ya tõoma, la ya nõŋlʋm, la yan bɔ sɩra, la yan tõm bɔ nẽrba, la yan mõrgɛ sẽnna nẽŋa se'em mɛ. La mam mi tɩ ya tõnnɩ lɛɛlɛ wã zɔ'ɔra gãnna yan tõm se'em pɔspɔsɩ la mɛ.

Lilegere 2:9

‹Mam mi ya nãmsgɔ la ya nõŋɔ la yelle mɛ, la baa bɛla, ya de la bõntatba. Mam mi be'em yetɔg-sɛba tɩ nẽr-sɛba n yetɩ bãma de la Zifdõma dee ka dɛna la tɔgɛ ya. Ba de la Asũtãana nẽrba.