1 Korẽntɩ 5:1 - Farefare Ninkaré

¹ Ba tɔgrɩ tɩ ya ɩtɩ la yalsɩ, halɩ yalsɩ sɛka buuri tɩ baa sɛba n ka dolɩ Nawẽnnɛ ka sakɛ ɩta. Mam wõm tɩ ba yetɩ nẽra ayɩla n boe ya pʋam gã la a sɔ pɔga.

ZE'ELEGO PAALEGA

¹ Ba kɔ'ɔm yele mam mɛ ti galehi en boi ya puan. Galehi sɛ'a taaba en pun ka bɔna sɛba en ka dole Yinɛ puan. Beni zuo, buraa en boi ya puan gã'a la ka sɔ pɔga.

1 Korẽntɩ 5:1 ပူးပေါင်းရင်းမြစ်များ

Lilegere 21:8

La sãn dɛna dabeto, la sɛba n ka bɔ sɩra, la sɛba n tõnnɩ tõon-dẽgrɔ, la nẽr-kʋʋrba, la yalsɩ dõma, la sɛba n tõnnɩ tɩɩm tõoma, la sɛba n nã'asrɩ bõndõma tɩ ba mãalɛ, la põmpɔrndõma la wuu, bãma zẽ'a de la bugum mõgrɛ n diti kidibre pʋam. Bɛla de la kũm bʋyi dãana.»

Lilegere 2:21

Mam bɔ ẽ na wakatɛ tɩ a teege yɛm basɛ tõon-be'ero, la a ka boorɩ tɩ a teege yɛm basɛ a yalsɩ tõoma la.

Kolɔsɩ 3:5

Bɛla, basɛ-ya dũnia wã pʋtẽ'e-be'ero n de yalsɩ tõoma, la tõon-dẽgrɔ, la yalsɩ ɩrgɔ yɛmleego, la be'em yɛmleego, la nõŋɛ bõnɔ zozo'e. Nẽra n nõŋɛ bõnɔ zozo'e ãn wʋ nẽr-sɛba n kãabrɩ baga dee basɛ Nawẽnnɛ pʋ'ʋsgɔ la.

Efɛɛzɩ 5:3

Yãma n de Nawẽnnɛ nẽrba la, la ka masɛ tɩ yalsɩ, la tõon-dẽgrɔ buuri wuu, la bõnɔ zozo'e yɛmleego yelle pʋrɛ ya tẽŋasʋka.

Galatɩ 5:19

Nẽrsaala mẽŋa yɛmleego n boorɩ se'em na de la vẽelga vẽelga. La de la yalsɩ, la tõon-dẽgrɔ, la tõon-yooro,

1 Tesaloniki 4:7

Nawẽnnɛ ka looge to tɩ tɩ tõnna tõon-dẽgrɔ, a looge to tɩ tɩ welge la to'ore tara pʋpeelem.

2 Korẽntɩ 12:21

Mam zotɩ mɛ tɩ mam sãn wa wa'am yãma zẽ'am, mam dãana Nawẽnnɛ wʋn botɩ yãnnɛ yõkɛ mam yãma ĩyã, tɩ m sũure sã'am la ya nẽr-sɛba n daan tõm tõon-be'ero, dee ka teege yɛm basɛ tõon-dẽgrɔ, la yalsɩ, la tõon-yooro sɛba tɩ ba ẽŋɛ la.

1 Korẽntɩ 6:18

Zoe-ya yalsɩ. Tõon-be'e-sɛba wuu tɩ nẽrsaala ɩtɩ la ka boe a ĩyã pʋam. La tõon-be'e-sɛka n de yalsɩ la boe la nẽrsaala ĩyã pʋam.

1 Korẽntɩ 6:13

Yãma yetɩ, dia boe la pʋʋrɛ ĩyã, tɩ pʋʋrɛ mẽ bɔna dia ĩyã. La de la sɩra, la Nawẽnnɛ wʋn sã'am bãma bayi la wuu mɛ. La nẽrsaala ĩyã ka boe yalsɩ ĩyã, a boe la Zuudãana ĩyã. Tɩ Zuudãana mẽ sɔna ĩyã la.

1 Korẽntɩ 6:9

Yãma ka mi tɩ tõon-be'ero dõma kãn yẽ zẽ'a Nawẽnnɛ so'olʋm pʋam? Da pã'asɛ ya mẽŋa. Nẽr-sɛba n ɩtɩ yalsɩ, bɩɩ sɛba n kãabrɩ baga, bɩɩ sɛba n gã la taaba pɔgba la taaba sɩrba, bɩɩ bʋra-sɛba n gã la taaba,

1 Korẽntɩ 5:11

Mam daan gʋlsɛ bɔ ya yetɩ, ya da dɔla la nẽr-sɛka n yetɩ a mẽŋa tɩ ẽŋa dolɩ la Nawẽnnɛ dee ɩta yalsɩ, bɩɩ nõŋɛ bõnɔ, bɩɩ kãabra baga, bɩɩ tʋʋra nẽrba, bɩɩ yũura dãam bugra, bɩɩ zũura. Da põn lagɩm-ya la nẽr-ẽŋa dãana di.

Tõoma 15:29

La de la ya da di di-sɛba tɩ ba dɩkɛ kãabɛ bɔ baga, ya da di zɩɩm, la ya da di sɛla tɩ ba tẽgɛ kʋ, la ya da tõnna yalsɩ tõoma. Ya sãn guuse ya mẽŋa ka ẽŋɛ bõn-bãna, ya ẽŋɛ sõŋa. Nawẽnnɛ wʋn bɔ ya ĩmã'asʋm.»

Tõoma 15:20

Tɩ gʋlsɛ gõŋɔ bɔ ba yetɩ, ba da di di-sɛba tɩ ba kãabɛ bɔ baga la, tɩ ba wʋn dẽgɛ ba, ba da tõnna yalsɩ tõoma, ba da di sɛla tɩ ba tẽgɛ kʋ, la ba da di zɩɩm.

2 Korẽntɩ 7:12

Bɛla, mam n daan gʋlsɛ ya la, la dagɩ sɛka n tõm tõon-be'ero la ĩyã, la dagɩ nẽr-sɛka tɩ a ẽŋɛ ẽ be'em na mẽ ĩyã. La de la, la botɩ ya bãŋɛ sõŋa Nawẽnnɛ nẽŋam yãma n nõŋɛ tõma zo'oge se'em.

1 Korẽntɩ 1:11

M sɔbiisi, se'ere n soe tɩ mam yele bɛla la, Akolowe yir-dõma basɛba n wa'am wa tɔgɛ pa'alɛ mam tɩ ka-wõm-taaba n boe ya tẽŋasʋka.

2 Korẽntɩ 2:5

Nẽra sãn botɩ sũ-sã'aŋɔ wa'am, la dagɩ mam mã'a sũure tɩ a sã'am, la de la yãma wuu sũure tɩ a sã'am. La tɩ m da tɔgɛ tole, m yetɩ a sã'am na ya nẽrba zozo'e sũure.