1 Korẽntɩ 4:4 - Farefare Ninkaré

⁴ Mam mi m sũure pʋam tɩ mam ka ẽŋɛ sɛla n ka ãn sõŋa, la, la dagɩ bɛla n pa'alɛ tɩ mam masɛ ya. La de la Zuudãana n diti mam sarɩya.

ZE'ELEGO PAALEGA

⁴ Mam ka nyɛ se'ere ti mam tuue n mɛŋa, gee la bala za'a, mam ka piiɛ. La dela Daana la ma'a en gakeri mam.

1 Korẽntɩ 4:4 ပူးပေါင်းရင်းမြစ်များ

Azã 21:17

Tɩ Azezi le soke ẽ nõorɛ atã yetɩ: «Asimõ, Azã bia, fõn nõŋɛ mam?» Tɩ Apɩyɛɛrɩ sũure daan sã'am, ẽn soke ẽ nõorɛ atã yetɩ: «Fõn nõŋɛ mam mɛ bɩɩ» la. Tɩ a lerge ẽ yetɩ: «Zuudãana, fõn mi sɛla wuu mɛ, fõn mi tɩ mam nõŋɛ fõn mɛ.» Tɩ Azezi yele ẽ yetɩ: «Gu'ura m piisi la.

Tõoma 23:1

Tɩ Apolɩ bɩsra sarɩyaditba la zĩi, dee yele yetɩ: «M sɔbiisi, mam n tõm m tõoma la wuu Nawẽnnɛ nẽŋam wa paam zĩna, mam bãŋɛ m sũure pʋam mɛ tɩ la ãn sõŋa.»

Aromduma 2:13

La dagɩ sɛba n selsrɩ lɔɔ la n masɛ Nawẽnnɛ zẽ'am, la de la sɛba n sakɛ ɩtɩ wʋ lɔɔ la n yele se'em na n masɛ.

Aromduma 4:2

La sãn de nɩ Abraham tõoma ĩyã n botɩ a dɛna nẽra n masɛ Nawẽnnɛ zẽ'am, a yʋʋn tã wʋn wẽ yõ'ogɔ mɛ. La a ka tã wʋn wẽ yõ'ogɔ Nawẽnnɛ zẽ'am.

1 Korẽntɩ 4:3

La sãn dɛna mam, yãma bɩɩ dũnia wã sarɩyaditba sãn tɔgra mam yelle se'em, la ka ɩtɩ mam se'ere. Mam mẽ ka diti m mẽŋa sarɩya.

1 Korẽntɩ 4:5

Bɛla, da dẽŋɛ-ya di nẽra sarɩya dee tɩ Zuudãana la nãn ka leme. A sãn wa leme, a wʋn dɩkɛ sɛla n sʋgɛ lika pʋam yese peelem pʋam, dee botɩ bõn-sɛba wuu tɩ nẽrsaalba tẽ'esrɩ ba sũure pʋam puke. Wakat-ẽŋa, Nawẽnnɛ wʋn pẽgɛ nẽra woo wʋ lan masɛ tɩ a pẽgɛ ẽ se'em.

2 Korẽntɩ 1:12

Sɛla n bɔ'ɔrɩ tõma sũ-yẽlga de la tõma mi tɩ sũa pʋam tɩ tõma yel-ɩrɛ n ãn se'em dũnia wã pʋam, la, lan gãnnɩ wuu yãma zẽ'am, de la pʋpeelem, la sɩra n ze'ele Nawẽnnɛ zẽ'am. La dagɩ la nẽrsaala yɛm tɩ tõma ɩtɩ bɛla, la de la Nawẽnnɛ yel-sõnnɛ ĩyã.

2 Korẽntɩ 5:10

Se'ere n soe la, tõma wuu wʋn ze'ele la Krisi nẽŋam tɩ a di tõma sarɩya, dee bɔ nẽra woo yɔɔrɔ tɩ la masɛ wʋ ẽn tõm se'em dũnia wã, a sãn tõm sõŋa, bɩɩ a sãn tõm be'em.