1 Korẽntɩ 4:1 - Farefare Ninkaré

¹ Bɛla, dẽnɩ tɩ ya bãŋɛ tɩ tõma de la Krisi tõntõnɩba, tɩ Nawẽnnɛ dɩkɛ a yɛla n daan sʋgɛ ẽŋɛ tõma nu'usum tɩ tɩ tɔgɛ bɔ nẽrba.

ZE'ELEGO PAALEGA

¹ Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

1 Korẽntɩ 4:1 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Amatie 24:45

Azezi le yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore.

Amarkɩ 4:11

Tɩ a yele ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La sɛba n ka boe tõma pʋam na, yɛla wuu de la magsa bɔ ba.

Aluki 1:2

Ba gʋlsɛ yel-bãma wuu wʋ nẽrba basɛba n daan yẽ yɛla la wuu halɩ ba pĩ'iluŋo, dee mõolɛ kõ-yẽlga la tɔgɛ pa'alɛ tɩ tõma wõm se'em na.

Aluki 12:42

Tɩ Zuudãana Azezi lerge ẽ yetɩ: «Ãne n de tõntõn-sõŋɔ n tarɩ yɛm? La de la ẽŋa tɩ a zuudãana wʋn yetɩ a bɩsra a yire yelle, bɔ'ɔra a tõntõnɩba dia wʋ lan masɛ, dee sẽŋɛ sore.

Aluki 8:10

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ, la sɛba n ka boe tõma pʋam na, mam makrɩ la magsa bɔ'ɔra ba. ‹Bɛla tɩ ba wʋn bɩsra, dee ka yẽta, ba wʋn wõnna, dee ka bãŋra ba võorɛ.›

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 2:7

Tõma mõolɩ la Nawẽnnɛ yɛm n daan sʋgɛ tɩ nẽrba ka mina. Nawẽnnɛ daan põn looge yel-bãma mɛ lan dẽŋɛ dũnia pĩ'iluŋo tɩ a botɩ tɩ yẽ nã'asgɔ a zẽ'am.

1 Korẽntɩ 3:5

Apolɔsɩ de la ãne? Apolɩ de la ãne? Tõma wen dɛna la Nawẽnnɛ tõntõnɩba n daan botɩ ya bɔ Azezi-krisi sɩra. Tõma nẽra woo tõnnɩ la tõon-sɛka tɩ Zuudãana la bɔ tɔ tɩ tɩ tõm.

1 Korẽntɩ 4:13

Ba sãn tɔgɛ tõma yetɔg-be'ero, tõma lebsrɩ la yetɔg-sõma. Dũnia dõma bɩsrɩ tõma, tɩ tõma ãna wʋ sɔgrɔ la, ka tara võorɛ ba zẽ'am, halɩ wa paam zĩna.

1 Korẽntɩ 4:2

Ba sãn dɩkɛ tõonɛ ẽŋɛ nẽra nu'usum tɩ a bɩsra, ba boorɩ tɩ a dɛna la sɩra dãana.

2 Korẽntɩ 11:23

Ba yetɩ bãma de la Krisi tõntõnɩba, mam wʋn tɔgɛ wʋ mam yɛm n bɔɩ la, mam n de Krisi tõntõnna gãnna ba. Mam tõm nãmsɛ gãnna bãma mɛ. Ba kẽ'esɛ mam yʋ'a deem gãnna bãma mɛ, ba wẽ mam zo'oge gãnna bãma mɛ, nõorɛ zozo'e mam deege la m ki.

2 Korẽntɩ 12:6

Mam sãn bɔɔra tɩ m wẽ yõ'ogɔ, mam kãn dɛna yalma, se'ere n soe la, mam wʋn tɔgɛ la sɩra. La mam kãn ẽŋɛ bɛla, mam ka boorɩ tɩ ba tẽ'esɛ mam yelle gãŋɛ ban yẽ mam n ɩtɩ se'em, bɩɩ ban wõnnɩ mam n yele se'em na.

2 Korẽntɩ 4:5

La dagɩ tõma mẽŋa yelle tɩ tõma mõolɩ, la de la Azezi-krisi n de Zuudãana la kõa tɩ tõma mõolɩ. La sãn dɛna tõma, tõma de la yãma tõntõnɩba Azezi ĩyã.

2 Korẽntɩ 6:4

La sɛla woo pʋam tõma pa'alɩ mɛ tɩ tõma de la nẽrba n tõnnɩ Nawẽnnɛ tõoma. Tõma mã'arɩ tɩ sũure mɛ, wĩbra nãmsgɔ pʋam, la toogo, la sũ-sã'aŋɔ pʋam.

Efɛɛzɩ 1:9

Nawẽnnɛ basɛ tɩ tõma bãŋɛ ẽn boorɩ tɩ a ẽŋɛ se'em n daan sʋgɛ tɩ a looge yɛm tɩ a ẽŋɛ Krisi ĩyã la mɛ.

Efɛɛzɩ 6:19

La ya mẽ pʋ'ʋsra mam ĩyã tɩ m sãn yetɩ m tɔgɛ, a wʋn ẽŋɛ yetɔga m nõorʋm tɩ m tã'agɛ mõolɛ a kõ-yẽlga n sʋgɛ la, la bʋraanɛ tɩ nẽrba bãŋɛ a võorɛ.

Kolɔsɩ 2:2

Mam mõrgrɩ tɩ ya sũure n keŋe tɩ ya lagɩm taaba tara nõŋlʋm, dee tara yɛm zozo'e, tɩ ya bãŋɛ sɩra sõŋa sõŋa Nawẽnnɛ yelle n sʋgɛ n de Krisi la.

Kolɔsɩ 4:3

Pʋ'ʋsra-ya tõma mẽ ĩyã, tɩ Nawẽnnɛ bɔ tɔ sore tɩ tɩ mõolɛ a kõ-yẽlga la pa'alɛ nẽrba Krisi yelle n daan sʋgɛ la. La de la yel-ẽŋa ĩyã tɩ mam bɔna yʋ'a deem.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

1 Timoti 3:6

A da dɛna nẽr-paalga Azezi sore la pʋam, tɩ a da zẽkɛ a mẽŋa tɩ ba wa di a sarɩya wʋ Asũtãana la.

1 Timoti 3:9

Ba dɛna nẽrba n tarɩ Nawẽnnɛ sɩra n daan sʋgɛ, tɩ a puke pa'alɛ tɩ la, ɩta sɛla woo tɩ ba mi ba sũure pʋam tɩ la masɛ mɛ.

Taitusi 1:7

Dẽnɩ tɩ nẽŋadãana n bɩsrɩ Nawẽnnɛ nẽrba yelle dɛna nẽra n ka tarɩ dõrga, la a da dɛna pa'al-m-mẽŋa dãana, bɩɩ sũ-isgre dãana, a da dɛna dã-yũura, bɩɩ zɛbzɛbra, bɩɩ nẽra n ɩtɩ sɛla n ka masɛ yẽta bõntarsõm.

1 Pita 4:10

Yãma nẽra woo to'oge la Nawẽnnɛ yel-sõnnɛ bɔ'a, dɩkɛ-ya ba sõŋɛ nẽrba basɛba. Bɛla tɩ ya wʋn dɛna nẽrba n bɩsrɩ Nawẽnnɛ bɔ'a to'oto'ore la yelle sõŋa.