1 Korẽntɩ 2:9 - Farefare Ninkaré

⁹ La de wʋ lan gʋlsɛ Nawẽnnɛ gõŋɔ pʋam se'em yetɩ: «Bõn-sɛba tɩ Nawẽnnɛ mãasʋm tɩ a bɔ nẽr-sɛba n nõŋɛ ẽ na, gãnnɩ bõn-sɛba wuu tɩ nẽra nãn ka yẽ, bɩɩ wõm, bɩɩ tẽ'esɛ a pʋtẽ'erʋm.»

ZE'ELEGO PAALEGA

⁹ Gee wuu lan gulehɛ se'em yeti, “Sɛla ti niho ka tabelɛ nyɛ, bii tuberɛ wum, bii asaala suure tabelɛ bɔkɛ dɛ, Sɛla ti Yinɛ maahum biŋe sɛba en nɔŋɛ en la” —

1 Korẽntɩ 2:9 ပူးပေါင်းရင်းမြစ်များ

Amatie 20:23

Tɩ Azezi yele ba yetɩ: «Ya wʋn sɩrɩ nãmsɛ nãmsgɔ sɛka tɩ mam wʋn nãmsɛ la. La, la dagɩ mam n wʋn looge sɛka n wʋn zĩ'ire mam zʋʋgɔ bɩɩ mam gɔbga. Mam Sɔ Nawẽnnɛ mãasʋm zẽ'e-bãma tɩ a bɔ la nẽr-sɛba tɩ a yetɩ a bɔ la.»

Amatie 25:34

Tɩ naba la wʋn yele sɛba n boe a zʋʋgɔ la yetɩ: ‹Wa'am-ya, yãma sɛba n tarɩ mam Sɔ Nawẽnnɛ yel-sõnnɛ na. To'oge-ya so'olʋm na tɩ Nawẽnnɛ daan põn mãasʋm tɩ a bɔ ya halɩ lan dẽŋɛ dũnia pĩ'iluŋo la.

Azã 3:16

Nawẽnnɛ nõŋɛ nẽrsaalba mɛ halɩ, tɩ a tõm a Bi-yẽŋa dũnia zuo, tɩ nẽr-sɛka woo n bɔ ẽ sɩra kãn sã'am, la a wʋn yẽ vɔm n ka ba'asrɩ.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

Hiburuduma 11:16

Lan de se'em na, ba yʋʋn eerɩ la tẽn-sɛka n ãn sõŋa gãnna. Tẽn-ẽŋa de la Nawẽnnɛ yire. Bɛla n soe tɩ Nawẽnnɛ ka zoe yãnnɛ tɩ ba wi'ira ẽ tɩ ba Nawẽnnɛ, la de la ẽŋa n mãasʋm tẽŋa bɔ ba.

Yemesi 1:12

Nẽr-sɛka n wĩbri nãmsgɔ pʋam tarɩ zu-yẽlga. Se'ere n soe la, ẽn ze'ele kãŋkãŋɛ la, Nawẽnnɛ wʋn bɔ ẽ bɔ'a n de vɔm n ka ba'asrɩ tɩ a bĩŋe nõorɛ tɩ a bɔ sɛba n nõŋɛ ẽ na.

Yemesi 2:5

M sɔbi-nõŋrɩsɩ, selse-ya. Nawẽnnɛ looge la nẽr-sɛba tɩ dũnia dõma bɩsrɩ tɩ ba de la nasdõma la, botɩ ba bɔ ẽ sɩra dɛna bõntatba, tɩ ba wʋn wa bɔna a so'olʋm tɩ a bĩŋe nõorɛ tɩ a bɔ sɛba n nõŋɛ ẽ na pʋam.

1 Pita 1:12

Tɩ Nawẽnnɛ yʋʋn pa'alɛ ba tɩ yel-sɛba tɩ ba mõolɩ la dagɩ bãma mẽŋa ĩyã, la de la yãma ĩyã. Yel-bãma n bɛla tɩ sɛba n mõolɛ kõ-yẽlga la tɔgɛ bɔ ya. La de la Nawẽnnɛ n tõm a Sɩa tɩ a wa'am wa bɔ ba pãŋa tɩ ba tɔgɛ. Tɩ baa malɛkadõma la mẽŋa bɔɔra tɩ ba wõm a võorɛ.

1 Zã 4:19

La sãn dɛna tõma, tõma tarɩ nõŋlʋm mɛ, se'ere n soe la, Nawẽnnɛ dẽŋɛ nõŋɛ tõma mɛ.