1 Korẽntɩ 2:4 - Farefare Ninkaré

⁴ Mam n daan mõolɛ dee zãsʋm kõ-yẽlga la, la daan dagɩ la nẽrsaalba yɛm yetɔga tɩ mam daan tɔgɛ bɔ ya tɩ ya sakɛ, mam daan tɔgɛ mɛ, tɩ Nawẽnnɛ Sɩa pa'alɛ a pãŋa,

ZE'ELEGO PAALEGA

⁴ Mam tugum, la n muulegɔ la daa dagi pã'ahegɔ yetɔgum, gee Sia la tuuma, la paŋa,

1 Korẽntɩ 2:4 ပူးပေါင်းရင်းမြစ်များ

Tõoma 20:27

Se'ere n soe la, mam mõolɛ Nawẽnnɛ n boorɩ se'em na wuu bɔ ya mɛ, ka sʋgɛ sɛla sɛla.

Tõoma 26:28

Tɩ Agripa yele Apolɩ yetɩ: «Fõn tẽ'esɛ tɩ fʋ botɩ mam lebge la Krisi nẽra wakatɛ fẽe wãna pʋam?»

Aromduma 15:13

Nawẽnnɛ n botɩ tõma tara pʋtẽ'erɛ la ẽ na wʋn bɔ ya sũ-yẽlga, la sũ-mã'asʋm zozo'e, yãma n bɔ Krisi sɩra la ĩyã, tɩ a Sɩa pãŋa wʋn botɩ yan tara pʋtẽ'erɛ a zẽ'am na zo'oge gãŋɛ.

Aromduma 15:19

tɩ Nawẽnnɛ Sɩa pãŋa botɩ mam ẽŋɛ bõn-yãlma, la yel-kɩrsɩ n tarɩ pãŋa. Bɛla tɩ mam ze'ele Zerizalɛm mõolɛ Azezi-krisi kõ-yẽlga la wuu zẽ'esɩ wuu halɩ ka paagɛ Iliri so'olʋm.

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

1 Korẽntɩ 1:17

Krisi ka tõm mam tɩ m mise nẽrba ko'om pʋam, a tõm mam tɩ m mõolɛ la Nawẽnnɛ kõ-yẽlga bɔ nẽrba, la, la dagɩ la nẽrsaalba yɛm, tɩ la da basɛ tɩ Krisi n ki kũm dɔ-puurŋa zuo la pãŋa la lebge zãŋa.

1 Korẽntɩ 2:1

M sɔbiisi, mam n daan wa'am ya zẽ'am wa mõolɛ Nawẽnnɛ kõ-yẽlga n sʋgɛ bɔ ya la, la dagɩ la yetɔg-mi'ilum, bɩɩ nẽrsaalba yɛm tɩ mam mõolɛ bɔ ya.

1 Korẽntɩ 2:13

La tõma n tɔgrɩ yel-bãna wã, la dagɩ nẽrsaalba yɛm yetɔga, tõma tɔgrɩ la yetɔg-sɛba tɩ Nawẽnnɛ Sɩa pa'alɛ tõma, tõma tɔgrɩ la yel-sɛba n ze'ele Nawẽnnɛ Sɩa zẽ'am bɔ'ɔra nẽr-sɛba n tarɩ Nawẽnnɛ Sɩa.

1 Korẽntɩ 4:20

Se'ere n soe la, Nawẽnnɛ so'olʋm dagɩ nõorɛ yetɔga, la de la pãŋa.

2 Korẽntɩ 6:6

La tõma tõnnɩ na pʋpeelem, la bãŋrɛ, la sũ-mã'arɛ, la ɩr-sõŋɔ, la Nawẽnnɛ Sɩa, la nõŋlʋm sɩra sɩra.

Galatɩ 1:10

Bɛla, yãma tẽ'esɛ tɩ mam boorɩ tɩ nẽrba n pẽgɛ mam bɩɩ, bɩɩ Nawẽnnɛ n pẽgɛ ma? Yãma tẽ'esɛ tɩ mam boorɩ tɩ m ẽŋɛ tɩ la paagɛ la nẽrsaalba yɛm bɩɩ? Ayɛɩ, mam sãn boorɩ nɩ tɩ m ẽŋɛ tɩ la paagɛ nẽrsaalba yɛm, mam ka de nɩ Krisi tõntõnna.

Kolɔsɩ 2:4

Mam yele ya wãna tɩ nẽra n da wa tɔgɛ nõ-yẽlʋm yetɔga pã'asɛ ya.

1 Tesaloniki 1:5

Tõma n daan tarɩ kõ-yẽlga la wa'am wa mõolɛ bɔ ya la, la ka de yetɔga mã'a, la de la Nawẽnnɛ Sɩa pãŋa. La tõma daan mi tɩ tõma n tɔgɛ se'em na de la sɩra. Yãma mi tõma n daan boe ya zẽ'am na, tõma n vɔa se'em yãma sõŋrɛ ĩyã.

1 Pita 1:12

Tɩ Nawẽnnɛ yʋʋn pa'alɛ ba tɩ yel-sɛba tɩ ba mõolɩ la dagɩ bãma mẽŋa ĩyã, la de la yãma ĩyã. Yel-bãma n bɛla tɩ sɛba n mõolɛ kõ-yẽlga la tɔgɛ bɔ ya. La de la Nawẽnnɛ n tõm a Sɩa tɩ a wa'am wa bɔ ba pãŋa tɩ ba tɔgɛ. Tɩ baa malɛkadõma la mẽŋa bɔɔra tɩ ba wõm a võorɛ.

2 Pita 1:16

Tõma n tɔgɛ tɩ Zuudãana Azezi-krisi pãŋa, la a wa'aŋɔ la yelle la, la dagɩ sɔlma tɩ nẽrsaalba tẽ'esɛ nãam la ba mẽŋa yɛm. Tõma sɩrɩ yẽ a na'am pãŋa n zo'oge se'em mɛ la tɩ nini.

2 Pita 2:18

Ba pa'alɩ la ba mẽŋa tɔgra yetɔg-kãra n ka tarɩ võorɛ, dee tara ba yɛm n boorɩ se'em n de tõon-dẽgrɔ la pã'asra nẽr-sɛba n nãn welge ba mẽŋa la nẽr-sɛba n vɔa tuure pʋam na.