1 Korẽntɩ 2:1 - Farefare Ninkaré

¹ M sɔbiisi, mam n daan wa'am ya zẽ'am wa mõolɛ Nawẽnnɛ kõ-yẽlga n sʋgɛ bɔ ya la, la dagɩ la yetɔg-mi'ilum, bɩɩ nẽrsaalba yɛm tɩ mam mõolɛ bɔ ya.

ZE'ELEGO PAALEGA

¹ Mam n wa'am ya zi'an na la n suurɔ, mam ka wa'am na muula Yinɛ sugelum yelehum la la yɛm kirega sɛka bii nɔmaalum puan bɔ'ɔra ya.

1 Korẽntɩ 2:1 ပူးပေါင်းရင်းမြစ်များ

Tõoma 20:21

Mam tɔgɛ pa'alɛ Zifdõma, la bu-zãŋsɩ mɛ yetɩ, ba teege yɛm basɛ tõon-be'ero, sakɛ doose Nawẽnnɛ, dee bɔ tɩ Zuudãana Azezi sɩra.

Tõoma 22:18

tɩ a yele mam yetɩ: ‹Ẽŋɛ tɔtɔ yese Zerizalɛm, se'ere n soe la, tẽŋa la nẽrba kãn sakɛ fõn wʋn tɔgɛ mam yelle bɔ ba la.›

Aromduma 16:18

Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 1:17

Krisi ka tõm mam tɩ m mise nẽrba ko'om pʋam, a tõm mam tɩ m mõolɛ la Nawẽnnɛ kõ-yẽlga bɔ nẽrba, la, la dagɩ la nẽrsaalba yɛm, tɩ la da basɛ tɩ Krisi n ki kũm dɔ-puurŋa zuo la pãŋa la lebge zãŋa.

1 Korẽntɩ 1:6

Krisi kõ-yẽlga la tɩ ba tɔgɛ bɔ ya la, yãma gʋrɛ ẽ mɛ kãŋkãŋɛ.

1 Korẽntɩ 2:13

La tõma n tɔgrɩ yel-bãna wã, la dagɩ nẽrsaalba yɛm yetɔga, tõma tɔgrɩ la yetɔg-sɛba tɩ Nawẽnnɛ Sɩa pa'alɛ tõma, tõma tɔgrɩ la yel-sɛba n ze'ele Nawẽnnɛ Sɩa zẽ'am bɔ'ɔra nẽr-sɛba n tarɩ Nawẽnnɛ Sɩa.

1 Korẽntɩ 2:4

Mam n daan mõolɛ dee zãsʋm kõ-yẽlga la, la daan dagɩ la nẽrsaalba yɛm yetɔga tɩ mam daan tɔgɛ bɔ ya tɩ ya sakɛ, mam daan tɔgɛ mɛ, tɩ Nawẽnnɛ Sɩa pa'alɛ a pãŋa,

1 Korẽntɩ 2:7

Tõma mõolɩ la Nawẽnnɛ yɛm n daan sʋgɛ tɩ nẽrba ka mina. Nawẽnnɛ daan põn looge yel-bãma mɛ lan dẽŋɛ dũnia pĩ'iluŋo tɩ a botɩ tɩ yẽ nã'asgɔ a zẽ'am.

2 Korẽntɩ 10:10

Se'ere n soe la, nẽrba n yetɩ se'em n wãna: «Apolɩ gõnnɔ na yetɔga kɛ'ɛm mɛ, dee dɛna toogo. La a mẽŋa sãn bɔna tõma zẽ'am, a ka tarɩ pãŋa, tɩ a yetɔga la dɛna ninbãalga.»

2 Korẽntɩ 11:6

Baa la mam sãn ka mina yetɔga wʋ yetɔg-mita, la dagɩ tɩ mam ka tarɩ bãŋrɛ. La tõma pa'alɛ ya bõn-ẽŋa mɛ vẽelga vẽelga sɛla woo pʋam, wakatɛ wuu.

2 Tesaloniki 1:10

wakat-sɛka tɩ a wʋn wa'am na. Daar-ẽŋa, a wʋn wa'am mɛ wa to'oge pẽka la nã'asgɔ a mẽŋa nẽrba n bɔ ẽ sɩra la zẽ'am, la yãma po bɔna ba pʋam mɛ, yãma n sakɛ a kõ-yẽlga la tɩ tõma tɔgɛ bɔ ya la ĩyã.

1 Timoti 1:11

Kõ-yẽlga ẽŋa ze'ele la sũ-yẽlga dãana Nawẽnnɛ n tarɩ na'am pãŋa la zẽ'am, ẽŋa n dɩkɛ ẽ ẽŋɛ mam nu'usum tɩ m mõolɛ.

2 Timoti 1:8

Bɛla, da zoe yãnnɛ ka tɔgɛ tɩ Zuudãana Azezi yelle. La fʋ ken da zoe yãnnɛ mam n boe yʋ'a deem Azezi-krisi kõ-yẽlga ĩyã la, lagɩm na mam sakɛ nãmsgɔ kõ-yẽlga la ĩyã, tɩ Nawẽnnɛ wʋn bɔ fʋ pãŋa.

1 Zã 4:14

La tõma yẽ mɛ, tɩ tõma tɔgra yetɩ, Nawẽnnɛ n de Sɔ la tõm na a Dayʋa, tɩ a dɛna dũnia Fãagra.

Lilegere 1:2

Azã n gʋlsɛ sɛla wuu tɩ a yẽ la pa'alɛ tɩ la de la Nawẽnnɛ yetɔga tɩ Azezi-krisi puke pa'alɛ ẽŋa.

Lilegere 1:9

Mam de la Azã n de ya sɔbia n po nãmsra, lagɩm na yãma po tara pʋrɛ Nawẽnnɛ so'olʋm na pʋam, ken po lagɩm na yãma mõrgra sẽnna nẽŋa Azezi doosgo la pʋam. Mam daan tɔgɛ la Nawẽnnɛ yetɔga, la Azezi-krisi yelle, tɩ ba tarɩ mam sẽŋɛ tẽŋa tɩ ko'om gilge yʋ'ʋrɛ n de Patmõsɩ.

Lilegere 19:10

Tɩ mam ka dũma tẽŋa a nẽŋam tɩ m nã'asɛ ẽ, tɩ a yele mam yetɩ: «Da ẽŋɛ bɛla! Mam mẽ de la Nawẽnnɛ tõntõnna wʋ fõn, la fʋ sɔbiisi la n sakɛ sɩra tɩ Azezi pa'alɛ la. La de la Nawẽnnɛ n de fʋ nã'asɛ.» Sɩra la tɩ Azezi puke pa'alɛ la n bɛla tɩ Nawẽnnɛ Sɩa botɩ a nõtɔ'ɔsrɩba tɔ'ɔsra tɔgra.