1 Korẽntɩ 13:3 - Farefare Ninkaré

³ La mam sãn dɩkɛ mam n tarɩ sɛla wuu pʋɩ nasdõma, la baa mam sãn sakɛ tɩ ba yõ mam ĩyã bugum, dee ka tara nõŋlʋm, bɛla ka tarɩ yõorɔ bɔ mam.

ZE'ELEGO PAALEGA

³ N han pun dikɛ n tarega za'a bo' nɛreba, gee ŋmɛ' nyu'ɔ dikɛ n iŋa tihɛ ti ba nyɔ', gee ka tara nɔŋerɛ, nyuurɔ ka boi bini.

1 Korẽntɩ 13:3 ပူးပေါင်းရင်းမြစ်များ

Amatie 23:5

Ba tõnnɩ ba tõoma la wuu tɩ nẽrba n bɩsra ba, bɛla tɩ ba dɩkɛ gãna gʋlsɛ Nawẽnnɛ yetɔga ba pʋam dɩkɛ lʋ ba dĩa bɩɩ ba kẽnkãnsɩ. Dee pɛ fu-wogro ẽŋɛ bisa tɩ ba wɔgɛ tɩ nẽrba nã'asra ba.

Aluki 18:22

Azezi n wõm ẽn yele bɛla la, tɩ a yele ẽ yetɩ: «Sɛla ayɩla n deege dɛna fʋ ẽŋɛ: Koose fõn tarɩ sɛla la wuu dɩkɛ ligri la pʋɩ nasdõma, tɩ fʋ wʋn yẽ bõntarsõm Nawẽnnɛ yire, dee wa'am wa dɔla mam.»

Aluki 18:28

Tɩ Apɩyɛɛrɩ yele ẽ yetɩ: «Tõma basɛ tõma n tarɩ sɛla mɛ dee dɔla fõn.»

Aluki 19:8

Tɩ Azase zɛ Azezi nẽŋam, yele ẽ yetɩ: «M Zuudãana, mam wʋn dɩkɛ m bõntarsõm pʋsʋka pʋɩ bɔ nasdõma. La mam sãn pã'asɛ nẽrba to'oge ba sɛla, mam wʋn lebse bɔ ba nõor-anaasɩ.»

Azã 12:43

Ba daan nõŋɛ la nẽrsaalba pẽka gãnna Nawẽnnɛ pẽka.

Azã 13:37

Tɩ Apɩyɛɛrɩ soke ẽ yetɩ: «Zuudãana, bẽm ẽŋɛ tɩ mam kãn tã'agɛ doose fõn sẽŋɛ lɛɛlɛ wã? Mam sakɛ tɩ m ki mɛ fõn ĩyã.»

Azã 15:13

Nẽra ka boe n tarɩ nõŋlʋm gãnna nẽra n sakɛ tɩ a ki a sɩrdõma ĩyã.

Azã 6:63

La de la Nawẽnnɛ Sɩa n bɔ'ɔrɩ vɔm na, nẽrsaala ka tã wʋn ẽŋɛ sɛla sɛla. Yetɔg-sɛba tɩ mam tɔgɛ bɔ ya la, ze'ele la Nawẽnnɛ Sɩa zẽ'am bɔ'ɔra vɔm.

Tõoma 21:13

Tɩ a lerge tõma yetɩ: «Bẽm tɩ ya kaasrɩ sã'ana m sũure? Mam sakɛ mɛ tɩ ba lʋ ma, la dagɩ bɛla mã'a, baa mam sãn wʋn ki Zerizalɛm Zuudãana Azezi yʋ'ʋrɛ ĩyã, mam ken sakɛ mɛ.»

Galatɩ 5:26

Tɩ da dɛna-ya uk-m-mẽŋa dõma, tɩ da ɛɛra-ya taaba nõorɛ, bɩɩ ɩta sũure la taaba.

Filipi 2:3

Da ɩta-ya sɛla sɛla gẽela taaba la pa'al-m-mẽŋa, sikra ya mẽŋa tẽ'esra tɩ nẽrba basɛba la gãnnɩ ya.

1 Timoti 4:8

Nẽra n ɩtɩ se'em wɩsgra a ĩyã la tarɩ yõorɔ la fẽe, la a sãn dɔla Nawẽnnɛ sõŋa, la tarɩ yõorɔ mɛ sɛla woo pʋam, ẽŋa n sõŋrɩ tõma vɔm sɛka tɩ tɩ tarɩ lɛɛlɛ wã pʋam, dee wʋn bɔ tɔ vɔm n ka ba'asrɩ.

Hiburuduma 13:9

Da basɛ-ya tɩ zãsŋɔ sãasɩ buuri to'oto'ore botɩ ya tuuge. Sɛla n ãn sõŋa de la tɩ basɛ tɩ Nawẽnnɛ yel-sõnnɛ bɔ'a la keŋe tɩ sũure, la, la da dɛna ɩrgɔ sɔa n de dia yelle, sɛba n dolɩ ɩrgɔ bãma la ka yẽ yõorɔ.