1 Korẽntɩ 13:2 - Farefare Ninkaré

² La mam sãn tara bɔ'a tɔ'ɔsra Nawẽnnɛ yetɔga tɔgra bɔ'ɔra nẽrba, dee tãna wʋn bãŋɛ yɛla n sʋgɛ wuu võorɛ, dee tara mi'ilum wuu, la mam sãn bɔ Nawẽnnɛ sɩra tãna wʋn botɩ tãŋa vurge, dee ka tara nõŋlʋm, mam de la zãŋa.

ZE'ELEGO PAALEGA

² N me han tara purega bo'olum paŋa, bɔkera sɛla en sugɛ, gee tara sɛlawoo mi'ilum, tara sakerɛ woo wan ta'am vɔ zɔya, gee ka tara nɔŋerɛ, n dagi sɛsɛla.

1 Korẽntɩ 13:2 ပူးပေါင်းရင်းမြစ်များ

Amatie 13:11

Tɩ a lerge ba yetɩ: «Nawẽnnɛ botɩ yãma bãŋɛ a so'olʋm yelle n sʋgɛ la mɛ. La a ka botɩ bãma bãŋɛ.

Amatie 17:20

Tɩ a lerge ba yetɩ: «Yan ka bɔ sɩra zo'oge la ĩyã. Mam yetɩ ya la sɩra sɩra, tɩ yãma n bɔ mam sɩra la, sãn ãna baa pɩka wʋ sɔ'ɔrɔ biire la, ya tã wʋn yele tãn-ẽna yetɩ: ‹Vurge sẽŋɛ ke›, la a wʋn ẽŋɛ la bɛla. La sɛla ka boe tɩ ya kãn tã'agɛ ẽŋɛ. [

Amatie 21:19

Tɩ a yẽ kẽnkãŋa n ze sore nõorʋm, sẽŋɛ tɩ a ka bɩsɛ, la a paagɛ yẽ la võorɔ mã'a. Tɩ a yele kẽnkãŋa la yetɩ: «Fʋ kãn le malɩn wɔm biɛ.» La bilam mẽŋa tɩ kẽnkãŋa la kʋɩ.

Amatie 21:21

Tɩ Azezi lerge ba yetɩ: «Mam yetɩ ya la asɩra, tɩ ya sãn bɔ Nawẽnnɛ sɩra dee ka sẽ'ena, ya mẽ wʋn tã'agɛ ẽŋɛ wʋ mam n ẽŋɛ tɩ-ẽna se'em wã, la, la dagɩ bɛla mã'a, ya wʋn tã'agɛ yele tãn-ẽna yetɩ: ‹Võogɛ ka lui mõgrɛ pʋam›, la a wʋn ẽŋɛ bɛla.

Tõoma 13:1

Azezi nẽr-kʋʋŋɔ n boe Antɩyɔsɩ la pʋam, Nawẽnnɛ nõtɔ'ɔsrɩba, la karẽnsãandõma n daan boe mĩ. Ba de la Abarnabasɩ, la Asimeyõ tɩ ba wi'iri tɩ nẽr-sabga, la Alusiyusi n ze'ele Sirɛnɩ, la Amanayɛnɩ tɩ ba daan uge ẽ la naba A'erɔdɩ, la Asolɩ.

Aromduma 11:25

M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 15:14

M sɔbiisi, mam mi mɛ sɩra sɩra tɩ yãma ɩtɩ sõŋa mɛ zozo'e, la ya tarɩ bãŋrɛ wuu zo'oge mɛ tãna wʋn kã'an taaba.

Aromduma 16:25

Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

1 Korẽntɩ 11:4

Bɛla, bʋra-sɛka n pʋ'ʋsrɩ Nawẽnnɛ, bɩɩ n to'oge Nawẽnnɛ yetɔga tɔgra bɔ'ɔra nẽrba, dee vuge a zuugo, a pɔ'ɔrɩ la a zuudãana.

1 Korẽntɩ 12:28

Bɛla tɩ Nawẽnnɛ ẽŋɛ nẽra woo a zẽ'am a nẽr-kʋʋŋɔ la pʋam. Pɔspɔsɩ de la sɛba tɩ Azezi mẽŋa daan looge tõm ba la. Bʋyi dãana de la Nawẽnnɛ nõtɔ'ɔsrɩba. Bʋtã de la karẽnsãandõma, la sɛba n tõnnɩ tõon-yãlma, la sɛba tɩ a bɔ ba pãŋa tɩ ba botɩ bã'adõma yẽta ĩmã'asʋm, la sɛba tɩ a looge tɩ ba sõŋra nẽrba, la sɛba n wʋn bɔna nẽrba nẽŋa, la sɛba n tɔgrɩ yetɔg-zãŋsɩ.

1 Korẽntɩ 13:1

Mam sãn tɔgra nẽrsaalba buuri wuu yetɔga, la malɛkadõma yetɔga, dee ka tara nõŋlʋm, mam ãn wʋ dẽnlɔŋɔ bɩɩ pɩrga n wẽ'erɩ zãŋa.

1 Korẽntɩ 13:3

La mam sãn dɩkɛ mam n tarɩ sɛla wuu pʋɩ nasdõma, la baa mam sãn sakɛ tɩ ba yõ mam ĩyã bugum, dee ka tara nõŋlʋm, bɛla ka tarɩ yõorɔ bɔ mam.

1 Korẽntɩ 13:8

Nõŋlʋm ka malɩn ba'asra. Nawẽnnɛ yetɔga tɩ tɩ to'osrɩ tɔgra bɔ'ɔra nẽrba, la yetɔg-zãŋsɩ, la mi'ilum wʋn tole.

1 Korẽntɩ 14:29

Sɛba n de Nawẽnnɛ nõtɔ'ɔsrɩba la, bayi bɩɩ batã tɔgɛ. Tɩ sɛba n weege la bɩsɛ ba yetɔga la sãn masɛ bɩɩ ka masɛ.

1 Korẽntɩ 14:39

Bɛla, m sɔbiisi, mõrgɛ-ya tɔ'ɔsra Nawẽnnɛ yetɔga tɔgra bɔ'ɔra nẽrba, dee da gu-ya nẽrba tɩ ba da tɔgɛ yetɔg-zãŋsɩ.

1 Korẽntɩ 14:4

Sɛka n tɔgrɩ yetɔg-zãŋsɩ sõŋrɩ la a mẽŋa. La sɛka n to'osrɩ Nawẽnnɛ yetɔga tɔgra bɔ'ɔra nẽrba sõŋrɩ la Nawẽnnɛ nẽrba.

1 Korẽntɩ 15:51

Selse-ya tɩ m yele ya yelle n sʋgɛ. Tõma nẽrsaalba wuu kãn ki dee tɩ dũnia ba'asɛ, la tɩ wuu ĩisi wʋn teege mɛ.

1 Korẽntɩ 16:22

Nẽr-sɛka n ka nõŋɛ Zuudãana la, kã'a-be'ego wʋn bɔna a dãana zuo. Maranata.

1 Korẽntɩ 4:1

Bɛla, dẽnɩ tɩ ya bãŋɛ tɩ tõma de la Krisi tõntõnɩba, tɩ Nawẽnnɛ dɩkɛ a yɛla n daan sʋgɛ ẽŋɛ tõma nu'usum tɩ tɩ tɔgɛ bɔ nẽrba.

1 Korẽntɩ 7:19

Sɛka n wã, bɩɩ sɛka n ka wã, ba wuu ka tarɩ yõorɔ. Sɛla n tarɩ yõorɔ de la Nawẽnnɛ nõorɛ sakrɛ.

1 Korẽntɩ 8:4

Bɛla, la sãn dɛna baga nẽnnɔ na yelle, tɩ mi tɩ baga de la sɛla n de zãŋa dũnia wã zuo, dee ken mina tɩ Nawẽnnɛ ayɩla mã'a n boe.

2 Korẽntɩ 12:11

Yãma n mõrgɛ mam tɩ mam tɔgra wʋ yalma la. La de la yãma n de nɩ ya tɔgɛ po'oge mam, pa'alɛ mam n ãn se'em. Baa mam sãn ka dɛna sɛla, nẽr-sɛba n pa'alɩ tɩ bãma n de Tõntõnɩba n gãnnɩ la, mam ka de poorʋm dãana ba zẽ'am.

Galatɩ 5:16

Selse-ya, mam yetɩ ya mɛ tɩ ya dɔla Nawẽnnɛ Sɩa n boorɩ se'em, tɩ ya kãn ɩta nẽrsaalba yɛmleego n boorɩ se'em.

Galatɩ 5:22

La Nawẽnnɛ Sɩa tõoma de la nõŋlʋm, la sũ-yẽlga, la sũ-mã'asʋm, la sũ-mã'arɛ, la sõŋa, la ɩr-sõŋɔ, la ẽŋɛ sɩra,

Galatɩ 6:3

Nẽra sãn tẽ'esɛ tɩ ẽŋa de la sɛla dee ka dɛna sɛla sɛla, a pã'asrɩ la a mẽŋa.

Efɛɛzɩ 3:4

Ya sãn karẽŋɛ mam n gʋlsɛ se'em na, ya wʋn yẽ mam n bãŋɛ Krisi yelle n daan sʋgɛ la võorɛ n ãn se'em.

Efɛɛzɩ 6:19

La ya mẽ pʋ'ʋsra mam ĩyã tɩ m sãn yetɩ m tɔgɛ, a wʋn ẽŋɛ yetɔga m nõorʋm tɩ m tã'agɛ mõolɛ a kõ-yẽlga n sʋgɛ la, la bʋraanɛ tɩ nẽrba bãŋɛ a võorɛ.

Kolɔsɩ 1:26

Yetɔg-ẽŋa sʋgɛ mɛ yʋʋma yʋʋma, zamãana wuu wa paam zĩna, la lɛɛlɛ wã a yãŋa puke mɛ bɔ Nawẽnnɛ nẽrba.

1 Timoti 3:16

Tɩ wuu mi tɩ Nawẽnnɛ sɩra n daan sʋgɛ tɩ a dɩkɛ pa'alɛ tɔ a doosgo pʋam na, de la bõn-kãtɛ. Bõn-kãtɛ ẽŋa de la: Krisi n daan lebge nẽrsaala. Tɩ Nawẽnnɛ Sɩa pa'alɛ tɩ a de la sɩra dãana. Tɩ malɛkadõma bɩsɛ ẽ. Tɩ ba mõolɛ a yelle buuri wuu tẽŋasʋka. Tɩ nẽrba bɔ ẽ sɩra. Tɩ Nawẽnnɛ zẽkɛ ẽ la na'am pãŋa sẽŋɛ a yire.

1 Zã 4:8

La nẽr-sɛka n ka tarɩ nõŋlʋm ka mi Nawẽnnɛ, se'ere n soe la, Nawẽnnɛ de la nõŋlʋm dãana.